¹ Panuma yaifi kwali ukusefya kwaba Yuda, na Yesu waile ku Yerusalemu. ² Nomba mu Yerusalemu pamwinshi wampanga pali icishiba, muci Arabiki beta Betisaida cakwete nemitenge shisano. ³ Cinkupiti wabantu abalwele, abapofula, balema angu abalebe bali palya bakololela. ⁴ Pantu namalaika wakwa shikulu waishile nokukundaula amenshi panshita ino noyo onse uwanyantamo ulo amenshi yacili naya ku ndauka walepola ukufuma kubulwele bonse waculileko. ⁵ Umuntu umo, wali palya uwalwele imyaka 38. ⁶ Ulo Yesu wamubwene nacendam palya, na panuma yakwishiba ukuti wali kookwele palya, wasosele kuli wo,'' Bushe ukofwaya ukupola?'' ⁷ Uwalwele wayaswike,'' shikulu, nshikwata muntu noumo uwakumposako mucishiba ulo amenshi yakundauka ulo naisa umbi alaponenamo ukucila nebo. ⁸ ''Yesu wasosele kuli woo,'' ima senda ubutanda bobe, nokwenda.'' ⁹ Palyapene umuntu walipolele nokusenda ubutanda bwakwe no kwenda . Nomba pali bulya bushiku calli nipa sabata. ¹⁰ Eco aba yuda basosele kuli wo uwapolele, nipabushiku bwe sabata taufwile ukusenda akafwili kobe.'' ¹¹ Wabaswike,'' muntu amposeshe eu sosele kuli nebo ukuti,'' Bula akafwili kobe nokwenda.'' ¹² Bamwipwishe,'' Ninani uyo wine muntu usosele kui webo ukuti,' bula nokwenda.?'' ¹³ Lelo, uwaposhiwe tamwishibe pantu Yesu ninshi naya mubumfisolo, pantu pali ilya ncenda pali cinkupiti wabantu. ¹⁴ Panuma Yesu, wamusangile mwitempele nokusosa kuli wo,'' Bona naupola,' wikabembuka nakambi , pakuti ificilile pali ifi fikacitika kuli webo. ¹⁵ ''Umuntu waile nokufisha akaseba kuba Yuda ukuti ni Yesu eumuposeshe. ¹⁶ Nomba pamulandu waifi fintu aba Yuda bacushishe Yesu, Pantu wacitile ifi fintu pesabata. ¹⁷ Yesu wabaswike,'' Taata wandi acili akobomba nanomba, nanebo kumo nkobomba.'' ¹⁸ Pamulandu waici aba Yuda batontokenye apakamba apakumwipaila pantu tatobelefe isabata iyeka lelo nokwita tesainga wishi wakwe ukuilinganya umwine na Lesa. ¹⁹ Yesu wabaswike icine cinefye, umwana mwaume tengaicitila icili conse imwine, kano inga abona ifikocita wishi, pantu conse ico wishi akocita, nomwana mwaume eco akocita. ²⁰ Pantu wishi watemwa umwana nokumulanga fyonse ifyo akocita umwine, elo akamulanga ifintu ifikalamba ukuci ifi pakuti mukapape. ²¹ Pantu inga fintu wishi abusha abakufwa nokubapa nabo umweo, efyo nomwana apel umweo kuli onse akofwaya ukupa. ²² Pantu wishi tapingula uli onse lelo walipela kuli bonse ubupingushi kumwana mwaume. ²³ Ukuti onse akacindika umwana mwaume inaga fintu bacindika wishi umo ushikocindika mwana mwaume takocindika na wishi uwa mutumine. ²⁴ icine cine ,uukoumfwa ishiwi lyandi nokusumina uwantumine alikwete umweo wamuyayaya nakuli wo takuli ukupanikwa, lelo nafuma ku mfwa uku ya ku mweo ²⁵ Icine cine, nkomweba inshita ikoisa nayo ninomba, ulo abakufwa bakomfwa ishiwi lya mwana mwaume wakwa Lesa, nabo bakomfwa bakaba nomweo. ²⁶ Pantu inga wishi wakwata umweo muli yena umwine, eco wapela, no mwana wakwe wine ukuti akwate umweo umwine. ²⁷ Na wishi wali pela umwana wakwe amaka yakupingula pantu mwana mwaume wamuntu. ²⁸ Mwipapa palici, pantu kuli inshita ikoisa iyo bonse ababa mumanda bakofwa ishini lyakwe. ²⁹ Nokufumamo. Abo abacitile ifisuma ku kubuka kwamweo, nabo abacitile ifibi kuku buka kwabupingushi. ³⁰ Tapali ifyo nkocita nemwine, lintu nkoumfwa, nkopingula, nobupingushi bwandi bwali lungama pantu nshikofwaya ukufwaya kwandi lelo ukufwaya kwa wantumine. ³¹ Inga ningapa ubunte palwandi, ubunte bwandi tekuti bube ubwacishinka. ³² Ingakuli umbi ukopa ubunte pali nebo, nko ishiba ukuti ubunte wapela pali nebo bwacishinka. ³³ Mwalitumine kuli Yohane, nawo wapela ubunte bwacishinka . ³⁴ Lelo ubuntu nkopokelela tabukofuma ku muntu Nasosa ififintu ukuti mwingapusuka. ³⁵ Yohane wali ilampi lyaleyaka nokusenika, namwebo mali aba cankwa mucengelo cekwe panshita iitali. ³⁶ Lelo ubunte ubo nkwete nacila ubwakwa Yohane, pantu imilimo iyo Taata ampele umupwisha imilimo iyi ine mbomba ingaminina ubunte ukuti Taata ewantumine. ³⁷ Taa uwantumine waliyipela ubute pali nebo ta umfwa po ishiwi lyakwe nolo nkubona icinso cakwe panshita ili yonse. ³⁸ Ishiwi lyatalyakala muli mwebo, pantu tamukosumina muwantumine. ³⁹ Mukofwailikisha ifyambwa pantu mukotontokenya ukuti muli fyena mukakwata umweo wamu yayaya, naya amalembo ya pela ubunte pali nebo. ⁴⁰ lelo tamukofwaya ukwisa kuli nebo pakuti mukwate umweo. ⁴¹ Nshikopokelela ubukata ukufuma kubantu, ⁴² lelo nkoishiba ukuti tamukwete ukutemwakwa kwa lesa muli mwebene mweka. ⁴³ Naisa mwishina iyakwa Taat, namwebo tamukopokelela, inga naumbi akosa mwishina iyakwa umwine, ukuti mwamupokelela nawo. ⁴⁴ Munshilando mwingasumininamo, mweba sumina ubukata ukufuma kui umo na umo lelo ta mukofwaya ubukata ubukofuma kuli Lesa ekafye.? ⁴⁵ Mwitontokenya ukuti nemwine neka ukamiseba kuli Taata . Naumo umiseba ni Mose, umo mwakwatile isubilo. ⁴⁶ Inga mwasumine Mose, kuti mwasumina nanebo, pantu walembele pali nebo. ⁴⁷ Ingatekuti musumine ifyo walembele, mukosumina shani icebo candi?''