¹ Petelo,umutumwa wakwa Yesu Kristu,kubeni abasalangana,abasalwa,ukufika ku Pontas,Galatia,Kappadocia,Asia,naku Bithynia. ² UKu kulingana no kwishiba libela kwakwa Lesa Taata,ujpitila mukusangululwa kwa milimo ya mupashi,ku kunakila na kusaswa kwa mulopa wakwa Yesu Kristu.Icikuku cingaba ne mwe,no mutende wenu wingakulilako. ³ Lesa na Wishi wakwa shikulu wesu Yesu Kristu enga lumbaniwa!MU luse lwakwa ulukalamba,walutupela ukufyalwa cipya-cipya kukusubila umweo ukupitila mukubuka ku kufwa kwakwa Krish. ⁴ Uku ekupyaninina ukutakonaike,takwakakowele,kabili takwakapwe iyo.Kwalisungilwa kuli mwe mu mulu. ⁵ Mwalicingililwa na maka yakwa Lesa ukupitila mu cicetekelo pe pusukilo ilipekanishiwe ukumoneka mu nshita shakulekelesha. ⁶ Mulisansamukile pali ici,nanguline ciliyene nomba kuli imwe ukumfwa ububi mu fyakwesha ifingi. ⁷ Ici ecakushininkisha icicetekelo cenu,ico icili icikankala ukucila goldi iypnaika,nanguline ilalopolwa no mulilo.Ici cikotika pakutila icicetelo cenu cikasangwe mukufumamo ukulumbanya,ubukata,no kucindikwa pa kumoneka kwakwa Yesu Kristu. ⁸ Tamwamumona,lelo mwalimutemwa.Tamukomumona nomba,lelo mwalitetekela muli woo no kusekelela ku kwanga ukutengalangwa no kwisulamo no bukata. ⁹ Nomba imwe mwebene mukopokelela ifyafuma mu kucetekela kwenu,ipusukilo lya mipashi yenu. ¹⁰ Palwe pusukilo ili,bakasesema abaseseme pa cikuku icali no kwisa kuli mwee,balibebete mukutekanya no kusakamana kukalamba, ¹¹ ukufwaisha bmuntu ndo angu inshita umupashi wakwa Kristu walangile ulo alekupela ubunte pa kucula kwa kwa Kristu no bukata ubuli nokukonkapo. ¹² Calisokolwele kuli boo ukuti tabalekupyungila abane,lelo imwe,ulo basosele pa fintu ifyo nomba fyaebwa na kuli mwe nakuli boo abashimikile imbila nsuma kuli mwe naku Mupashi Wamushilo uwantumine ukufuma kumulu-ifintu ifyo bamalaika bafwaisha. ¹³ Kanshi pekanyeni ificitwa fya matontonkanyo yenu.Beni abafuka.Bikeni isubilo lyenu pa cikulu icikaletwa kuli mwe ulo Yesu Kristu akamoneka. ¹⁴ Nga abana bacumfwila,mwi aampana mwebene fyakuykabila ifyo mwakonkele ulo mwali imbula mano. ¹⁵ Lelo nga uwamikutile aba uwaishiba,ne mwe,beni abashila mu micitile yenu yonse. ¹⁶ Pantu calilembwa, "Beni abashila, pantu ndiwamushilo" ¹⁷ Ico mwita "Tata" umo u upingula mumulinganya nokulingana kumilimo yacilamuntu, pitulukenimo nakatina inshila shabulendo bwenu. ¹⁸ Mulishibe ukuti tekuli Silva angu goldi iyonaika imwe mwapusukile ukufuma kumbela shenu isho mwasambilile kuli ba shiwe. ¹⁹ Lelo mwapusukila ku mulopa uukankala uwa kwa Kristu,ali nga umwana wa mpanga uwabula akalema angu akukoweshiwa. ²⁰ Kristu walishibikwe ilyofye nokulengwa kwe sonde takulabako,lelo nomba alisokolokele kuli mwe mu nshita shakulekelesha nshi. ²¹ Ukupitila muli woo mulitetekele Lesa,uwa mwimisheukufuma ku bafwa no kumupela ubukata,ukucila ificetekelo fyenu ne subilo fibe muli Lesa. ²² Mwalengele imweo yenu iya busaka pakubela icine.Ici cali nipa mulandu wa kutemwana ukwacine ukwa bwa bunina;eico temwaneni mukufikapo kwa mitima. ²³ Mwalifyalwa cipya-cipya nakabili,tekunseke ishonaika iyo,lelo ku nseke ishitonaika,ukupitila mwi shiwi lyakwa Lesa ilya mweo kabili ilyashalapo. ²⁴ Pantu,"umubili onse waba nge fyani,no bukata bwa mubili nga amaluba ya fyani aya mupanga.Ifyani filpoma,na maluba yalapona, ²⁵ lelo ishiwi lwa kwa Shikulu lyabako umuyayaaya."Aya mashiwi nimbila nsuma iya shimikilwe kuli mwe.