¹ Elyo intungulushi shandupwa sha fikolwe fyamikowa wakwa Gileadi umwana wakwa Maki(Uwali mwana wa kwa Manase), abafumine kumukowa wabana bakwa Yusufu, baishile no kusosapacinso cakwa Mose na pacinso cantungulushi abo abali imitwe sha lupwa ne fikolwe ku bantu bakwa Isreali. ² Balilandile ati, ''Yaweh alimikonkomeshe, shikulu wesu, ukupela icalo kupendula kubantu bakwa Isreali. Mwalikonkomeshiwe kuli Yaweh ukupela icakaniko cakwa Selofeadi ndeme yesu ku bana banakshi bakwe. ³ Lelo nga abana bakwe baupwa ku baume bambi mumutundu wa bantu bakwa Isreali, elyo icakaniko ca calo cikafumishiwapo ukufuma kucakaniko cafikolwe fyesu. Cikalundwa ku cakaniko ca mitundu iyo babamo. Muli ulya musango, cikafumishiwapo ukufuma ku cakaniko casontelwe ku cakaniko cabupyani bwesu. ⁴ Muli ilya musango, ilyo umwaka wa kusefya ku bantu baku Isreali kwaisa, elyo icakaniko cabo cikalundwaku ca mutundu mwailundanyako. Muli iinshila, ifikwata fyabo fikasendwa ukufuma kufitekwa fya mutundu wa fikolwe fyesu.'' ⁵ Eco Mose apele icipope ku bantu ba mu Isreali, pe shiwi lyakwa Yaweh. Alandile, ''Ifyo umutundu wabana bakwa Yosefu walanda fyacishinka. ⁶ Ifi efyo Yaweh akonkomeshe ululingana na bamwana Selofeadi abanakashi. Alandile, 'Balekeni bopwe kubo batemenwe, lelo bafwile ukupilwa mu mitundu yamikowa yabashibo. ⁷ 'Takuli icakaniko cabanu bamu Isreali icifwile ukucinjishiwa ukufuma ku mutundu umo ukuya kuli umbi. Cila umo mu bantu ba mu Isreali afwile ukukonkanyapo ne cakaniko ca mutundu wa fikolwe fyawe. ⁸ Umwanakashi onse umwina Isreali uwakwata icakaniko cakwe mu mutundu wakwe afwile ukupwa ku muntu ukufuma mumukowa waba mumutuundu wakwa wishi. Ici nimukweba aticila umo umwina Isreali enga kwata icabupyani ukufuma kufikolwe fyakwe. ⁹ Takuli icakaniko icifwile ukucinja ukufuma ku mutundu umo ukuya ku unankwe. Onse umutundu wabena Isreali ufwile ukusunga icabupyani cakwe. ¹⁰ Eco umwana wakwa Selofeadi citile ngefyo Yaweh akonkomeshe Mose. ¹¹ Malah, Tirzah, Mulikah na Noah, aban bakwa Selofeadi baupilwe kuli balupwa lya bana bakwa Manase. ¹² Baupilwe mu mikowa yaba mulupwa lya bana bakwa manase umwana wakwa Yosefu. Muli ii nshila ifyuma fyabo fyashele mu mutundu uwo uluko lwaba wishilwabelelemo. ¹³ Ifi efipope na mafunde yalya Yaweh apele Mose ku bena Isreali mu nika ya moabu lubali lwaku Yodani ukulungatana na Yeliko.