¹ Elyo Mose alandile kuli Mose. Alandile, ² ''Tuma abaume bamo bamo ku kuyalengula icalo ca Kenani, ico ndinokupela kubena Isreali. Tuma umwaume umo ukufuma mu mikowa ya fikolwe fyabo. Cila mwaume alingile ukuba intungulushi pali bo.'' ³ Mose alibatumine ukufuma mu ciswebebe ca parani, pakuti bofwile amafunde yakwa Yaweh. Bonse fye bali nintungulushi sha bena isreali. ⁴ Naya emashina yabo: ukufuma mu mukowa wakwa Reubeni, Shammua umwana mwaume wakwa Sakuri; ⁵ ukufuma mumukowa wakwa Simeoni, Shafati umwana mwaume wakwa Hori; ⁶ ukufuma mu mukowa wakwa Yuda, Calebu umwana mwaume wakwa Yufune; ⁷ ukufuma mu mukowa wakwa Isaki, Igali umwana mwaumewakwa Yusufu; ⁸ ukufuma mu mukowa wakwa Ephraim , Hosea umwana mwaume wakwa Nuni; ⁹ Ukufuma mu mukowa wakwa Benjamin, Pelti umwana mwaume wakwa Rafu; ¹⁰ ukufuma mu mukowa wakwa Sebuloni, Gadieli umwana mwaumewakwa Sodi; ¹¹ ukufuma mu mukowa wakwa Yusufu (Ico ekulanda ati ukufuma mu mukowa wakwa Mannaseh), Gadi umwana mwaume wakwa Susi; ¹² ukufma mu mukowa wakwa Dani, Amieli umwana mwaume wakwa Gemali; ¹³ ukufuma mu mukowa wakwa Ashere, Seturi umwana mwaume wakwa Mikaeli; ¹⁴ ukufuma mu mukowa wakwa Nafutali, Nabi umwana mwaume wakwa Vofisi; ¹⁵ ukufma mu mukowa wakwa Gadi, Geueli umwana mwaume wakwa Maki. ¹⁶ Aya emashina yabaume abo Moseatumine kukuyalengula icalo. Mose akutile Hosea umwana mwaume wakwa Nuni ishina ukutini Yoshua. ¹⁷ Mose abatumine ukuya lengula icalo ca Kenani. Alandile kuli bo, ''Muye mwingile ku Negebu kabili muye nina na mucalo campili. ¹⁸ Ukulengula icalo nokumona ifyo capalana na co. Ukumona na bantu abekalmo nga bakukosa nagu bakunaka, kabili nga bengi nangu banono. ¹⁹ Ukumona ifyo icalo caba uko bekala. Nga cabune nangu cabubi? Bushe misumba nshi yabamo? Yaba nge nkambi, nangula misumba iya malinga. ²⁰ Ukumona ifyo icalo caba, nga cabune mukulimamo ifinsabwansabwa nangu iyo, kabli nga mwalibamo ifimuti mulya nangu iyo. Mube abashipa fye kabli mukaleteko nefinsabwansabwa fya mu calo ncilya ifyakumwenako.'' Nomba iyi yali nipanshita ifisabo fyantashi ifyamyangashi fyalekupilapo. ²¹ Eico abaume balile nokuyalengula icalo ukufuma ku ciswebebe ca Sinai ukufika ku Rebob, Mupepi na Lebo Hamati. ²² Balile ukufuma ku negebu kabli bafikile na ku Hebron. Alimani, Sheshai na Tamai abana kufyalwa bakwa Anaki, bali kulyakwine Nomba Hebroni yakulilwe imyaka cine lubali ilyo tabalakula Zoan mu Egypito. ²³ Ilyo bafikile mu mupokapoka wa Eshiko, balitemene umusambo bausende ku nkonto abantu babile aba mwibumba lyabo. Baliletele na mateke kabili na Makunyu. ²⁴ Ishina lya ilya ncende bainikile umupokapoka wa Eshiko, pantu epo bena batemenwe icisansangu cilya icamyangashi. ²⁵ Panuma yanshiku amakumi yane, balibwelulwike ukufuma mukulengula icalo. ²⁶ Balishile na kuli Mose, Aroni naku bekala mushi bonse aba Isreali mu matololo ya Parani, mu Kedesh. Babweseshe ishiwi kuli bo na kubekala mushi bonse, kabli balibalangishe ne fisabo bafumishe ku calo. ²⁷ Baebele Mose, ''Twalifikile ku calo uko watututmine. Cilafukaula umukaka no buchi. Pano pali nefisabo ukufuma kulya kwine. ²⁸ Nangu cibe fyo ababntu abakula amayanda kulya bantu bakosa. Imisumba ya malinga kabili ikulu nganshi. Twalimwene na banakufyalwa bakwa Anaki kulya kwine. Abena Ameleki bekala mu Negebu. ²⁹ Abena Hiti, Yebusi na bena Amore bakwatila amayanda yabo mu calo ca mpili. Abena Kenani bekalila mumulamba lwa bemba na mu mulamba lwa mumana wa Yodani.'' ³⁰ Elyo Calebu atalalike abantu abali pa cinso ca kwa Mose kabili alandile, ''Natukoya nokuya poka cilya calo no kwikalamo, pantu tuli na maka yakuya cimfya.'' ³¹ Lelo abaume bambi abaile nao balandile, ''Tatuli na maka yakuya bansansa balya bantu pantu bakukosa ukutucila.'' ³² Elyo basalangenye ilyashi lya kutompola ku bantu bamu Isreali palwa calo ico baile mukulengela . Balandiile , ''Icalo ico twaloleshepo calo ico naula abekashi baciko. Abantu bonse twamwene kulya bantu bafimo fitali nganshi. ³³ Kulya twalimweneko amapaka, abana kufyalwa bakwa Anaki, abantu abafuma ku mapak.Mukumona kwesu fwebo twalemonekafye kwati fipaso mukuipalanya kuli bo, kabli nabo benefye efyo balikutumona mu menso yabo.''