¹ Eico kanshi, mwe batemwikwa bandi abo mfuluka, insasa shandi elo ne citebo candi, muli iyi nshila cili talamene ndi muli Shikulu, mwe batemwikwa banandi. ² Nko papata kuli Eudiya, elo nko papata kuli Syntike, beni aba kumfwanina pamo muli Shikulu. ³ Ana, nko mipusha, bakafwa bandi aba cine, ukwafwilisha aba banakashi abo tukutile nandibo mu kusabankanya imbila-iya bune, pamo na Kelementi elo na bambi abashala ababomfi banandi, abo amashina yabo yaba mwi buku lya mweo. ⁴ Sekeleleni muli Shikulu lyonse. Na kabili nkolanda ati, sekeleleni. ⁵ Lekeni ubupete bwenu bwishibwe ku bantu bonse. Shikulu ali mupepi. ⁶ Mwila kubilimina pa cili conse. Lelo, muli fyonse ukupitila mu kupepa elo namu kutotela, lekeni ifya kwipusha kwenu file kwishibikwa kuli Lesa, ⁷ elo umutende wakwa Lesa, uyo uwacila pa kwishiba konse, ukatungulula imitima yenu elo na matontonkanyo yenu muli Kristu Yesu. ⁸ Na mukulekelesha, mwe bamunyinane, ifintu ifili fyonse ifilingile ukupelwa umucinshi, ifintu ifli fyonse ifya ciine, ifintu fyonse ifya kupwililika, ifintu ifili fyonse ifya bune, ifintu fyonse ifikolanda ifya bune, nga ca kwebati pali icili conse ifya kuwamisha, nga ca kwebati kuli ifintu ifya kulumbanya, mu tontonkanye pali ifi fintu. ⁹ Ifintu ifyo mwasambilila elo no kupokelela elo noku kutika elo noku bona muli nebo, citeni ifi fintu, elo Lesa uwa mutende akale kuba nenu. ¹⁰ Ndi sansamukile apakulu muli Shikulu pa mulandu nomba muku pelekelesha muli ukusakamana pali nebo. Mwebo icine-cine mwali kusakamana pali nebo nakale, tamwa sangenepo umusango waku nga fwilamo. ¹¹ Nta kolanda ifi pa mulandu wa kwebati nko kabila. Pantu nali sambilila ukusumina mufyo nkwete mu misango yonse. ¹² Ndi shibile ifyo cumfwika ukuba umubusu, elo ndi shibile nefyo cumfwika uku kwatisha. Mu musango uuli onse elo mu fintu fyonse ndi sambilemo inkama iya kuli liilamo bwino nangu ukuba ne nsala, elo ne fya kukwatisha elo nangu mu kukabila. ¹³ Kuti nacita ifintu fyonse ukupitila muli Yesu ye uunkoselesha. ¹⁴ Nangu cingaba ngefi, mwali wemye mukuba nandi muma fya yandi. ¹⁵ Mwebo mwe bena Filipo muli shibile ukwebati mukutampa ukwa mbila-ya bune, uluntu nafumine ku Makedonia, tapali ulukuta ulwali ku ngafwilisha mu musango uwakupela elo no kupokelela kano fye mwebo mweka. ¹⁶ Nangu uluntu nali mu Tesalonika, mwali tumine ifya ku kabila kwandi ukucila napa muku umo. ¹⁷ Tali kwebati ndafwaya ifya bupe. Lelo, nda fwaya ifisabo ifi kulilako ku bune bwenu. ¹⁸ Nali pokelela ifintu fyonse mu bwingi, elo no kucilamo. Nali pelwa bune bune nomba apo ndi pokelele ukutula kuli Epaproditasi nali kupokelela ukutula kuli Epaproditasi ifintu ifyo mwatumine. Ifya cena ca bune, icelambo ici tapokelelwa elo icita sekesha Lesa. ¹⁹ Lesa wandi aka kumanisha fyonse ifyo mukabila ukulingana no busambashi bwakwe mu bukata muli Kristu Yesu. ²⁰ Nomba kuli Lesa wesu elo Shifwe kube ululumbi ukubelelela no kubelelela. Amen. ²¹ Posheni bonse abantu abakwa Lesa abashila muli Kristu Yesu. ²² Ba munyina abali nandi bako miposha. Bonse abantu bakwa Lesa abashila ababa kuno bako miposha, maka maka bo aba mu ng'anda yakwa Kesaro. ²³ Ukusenamina kwakwa Shikulu Yesu Kristu kube no mupashi wenu.