¹ Nomba mwebo bashimapepo, uku kukonkomesha kwenu mwebo. ² ''Nga mwebo tamwakomfwe, elo nga mwebo tamwakafibike pa mitima yenu ukupela umucinshi kwi shina lyandi, ''efya landa Yawe wa milalo, eluntu Nebo nkatuma icitipu pali mwebo, elo Nebo nkatipa amapalo yenu. Mucinefye, Nebo nalibatipile bo, pantu mwebo tamwabikile ifipope fyandi pa mitima yenu. ³ Boneni, Nebo ndi no kukalipila ubufyashi bobe, elo Nebo nkamikasa amafi pa menso yenu, amafi ukufuma ku fyamalila fyenu, elo akamipita mwebo ukuya kumbi pamo nafyo. ⁴ Mwebo mukeshiba ati ni Nebo natuma uku kukonkomesha kuli mwebo, elo na malango yandi yakatwalilile ukuba pamo na Lebi, efyo alanda YAwe wa milalo. ⁵ ''Amalango ya kuba naye mweo elo no mutende, elo Nebo nayapela kuli ye; Nebo napela kuli ye akatina, elo alintinine nebo, elo aliminine uwa kucindika ishina lyandi. ⁶ Mukanwa kakwe mwali ukufunda ukwa cine, elo napamilomo yakwe taoasangilwe ubufi. Alikwenda nandibo mu mutende elo uwalungama elo apilibwile abengi ukufuma ku fibi. ⁷ Pantu imilomo yakwa shimapepo ifwile ukusuga ukwishiba elo na bantu bafwile ukubona icilangililo ukufuma pa kanwa ka kwa Yawe wamilalo. ⁸ Lelo webo nauya kumbi no kusha inshila ya cine. Webo naulenga abengi ukukana pela umucinshi kwi funde. Webo naonaula icipangano ca kwa Lebi , '' efyo alanda Yawe wamilalo. ⁹ ''Kanshi na Nebo, Nebo nkockucita uwasulwa elo uwapanshi ku bantu bonse, pantu webo taubakile inshila shandi, lelo mwaliba na kapatulula mufintu fta mafunde.'' ¹⁰ Bushe takwabafye Tata umo kuli fwebo bonse? Bushe te Lesa umo fye uwa tubumbile fwebo? Findo fwebo tufyengeleshanya kuli cila muntu na munyina, pakusula icipangano ca ba shifwe? ¹¹ Yuda nacito bucenjeshi! Ifintu fyabunani na ficitwa muli Isreali elo na mu Yelusalemu. Pantu Yuda nakowesha incendeya mushilo ya kwa Yawe iyo atemwa, elo naupa umwana mwanakashi wawa lesa kambi. ¹² Yawe amufumye mwi tenti lya kwa Yakobo umuntu uucita fi, uyo umo uulelola elo na umo uuleasaka, nangula aleleta imitulo kuli Yawe wa milalo ¹³ Nobe ulacite fi: Mwebo mufimba ubulambo bwa kwa Yawe kufilamba elo no kushinshimukila, pantu acili talolesha ku mitulo nangu kupokelela pamo no bubile ukufuma ku minwe yenu. ¹⁴ Lelo mwebo mulando ati, "Mulandu nshi tekuti acitile?" Pamulandu Yawe nikambone pakati kobe webo elo no mukashi wa bulumendo bobe, uyo webo wapondokela, nangu cakuti aba munobe kabili mukashi uyo wa pangene nankwe icipangano. ¹⁵ Bushe bo tabapangile umo, pamo ne ciputulwa ca mupashi wakwe? Eluntu findo mwebo amipangile umo? Pantu akofwaya ukubona aban abakufuma kuli Lesa. Kanshi ilameni mwebene mu mupashi wenu, elo wiba uwabula icishinka ku mukashi wa kubulumendo bobe. ¹⁶ "Pantu Nebo nalipata ukulekana," efyo alanda Yawe lesa wa kwa Isreali, "elo naumo uyo uufimba ilaya lyakwe ne fyongo.'' efyoalanda Yawe wa milalo. "Kanshi mulekuisunga mweben u mupashi wenu elo no kukanalaba ababula yacinshi." ¹⁷ Mwebo mwalisakamika Yawe ku fyebo fyenu. Lelo mwebo mulanda ati, "Twamusakamika shani yee? Ulo mulanda ati, "Uyo oonse uucita ububi ninshi fyabune mu menso ya kwa Yawe, elo wo walibatemwa." nangu "Alikwisa Ledsa wa mulinganya?"