¹ Icebo caishile kwisa kuli Yeremiya palwa bena Yuda bonse abali kwikala mu calo ca Egypto, nabo abali kwikala mu Migidoli Tapanesi, Memfisi, elo ne citungu ca pamulu wa Egypto: ² ''Yahweh umwine wa fita, Lesa wakwa Israeli, alanda ati, ''Mwebo palwenu mwabwene bonse ububi nalishile kuleta pa Yerusalemu elo ne misumba iya mu Yuda. Boneni ilelo yali ifitantala. Tapaba nangu umo uwikalamo. ³ Ifi ni pamulandu uwakucita ububi pa kumfisha nebo ulo balikuya no kocela ububani elo no kupepa imilungu imbi. Neyi yali milungu iyo abene palwabo, nangula ni mwebo, nangu fikolwe fyabo bataishibe.' ⁴ Eico nebo nalikubwekeshapofye ukutuma bonse ababomfi bandi bakasesema kuli bo. Nalikubatuma ukuti balande ati, 'Lekeni ukucita ifi ifya muselu ifyo nebo na pata.' ⁵ Lelo bena tabalikumfwa iyoo. Balikene ukumfwa kufyo nali kubeba nangula ukuti bafume mu micitile yabo iya bubi iya kocela ububani imilungu imbi. ⁶ Eico icipyu elo no bukali bwandi epakupongoloka elo no koca umulilo mu misumba ya Yuda elo na mu misebo ya Yerusalemu. Eico yaishile kuba ifibolya elyo no konaika ngansgi, nga fintu fili ukufika na muka lelo. ⁷ Eico Nomba Yahweh, Lesa wafita elo kabili uwakwa Israeli, alanda ati, 'Cindo mukocitila ububi ubukalamba mwe bene mweka? Cindo mwalalengela ukuti muipatuleko ukufma ku ba Yuda-bashitata elo na banamayo, mwe baice elo no tunya? Nokuleka nangu umo uwa muli mwebo. ⁸ Kububi bwebu ubo mwankalifyako ne kumicitile ya minwe yenu, iya kocela ububani imilungu imbi mu calo ca Egypto, uko uko mwaya kwikala. Mwaya uko pakuti mwinghaloba, no kuba icitipu elo no kusulwa ku mishobo yonse iya pa calo. ⁹ Bushe mwalilaba ububi ubo ifikolwe fyenu fyacitile elo no bubi ubwacitile isha mfumu sha mu Yuda elo na ba mukaba shamfumu? Bushe mwalila ububi ubo mwebo bene mwacitile elo na bakashi benu mu ncende ya Yuda elo na mu misebo ya mu Yerusalemu? ¹⁰ Ukufika na mukalelo, tababa abakuicefya iyoo. Tabakanko na mafunde yandi nangu ifyebo ifyo napele kuli bo elo na kufikolwe fyabo, nangula ukwendalamo.' ¹¹ Eico Yahweh wa fita, Lesa wakwa Israeli, alandile ifi, 'Bona, nebo nalamifutatila mwebo no kuleta ubusanso kuli mwebo elo no kulofya aba Yuda bonse. ¹² Pantu ndi no kubula aba Yuda abashalapo abo abakofwaya ukuya ku calp ca ku Egypto ku kwikala kulya kwine. Ndi no kucita ici epakuti bonse bakalobele mu ncende ya ku Egypto. Bali no kuwa ku lupanga elo na ku cipowe. Ukutampilafye ku munono ukufika na ku mukalamba bali no kuloba ku lupanga elo na ku cpowe. Bali no kufwa elo bakaba ica kupapusha, ica kutipwa, abasulwa, elo abakaba aba makankamika. ¹³ Pantu ndi no kulimuna abantu abaikala mu calo ca Egypto nga filya fine nakandile Yerusalemu ku lupanga, na kucipowe, elo na ku cikuko, ¹⁴ epakuti nangula umo uwashalapo uwa mu ba Yuda uyo uwaisa ku kwikala mu calo ca Egypto ekafyuka nangula ukupusuka nangu ukubwelela ku calo ca ku Yuda, uko ukobakofwaya ukubwelela ku kwikala; elo tapakabe nangu umo uukabwelelamo kanofye abo abanonofye abafwaikile ukufuma kulya.''' ¹⁵ Eluntu bashitata bonse abaishibe ukuti abena myabo bali kocela ububani utu milungu tumbi, elo na banamayo bonse abo abali ci nkutipiti, elo na bantu bonsefye abo abali kwi kala mwisamba elo na pamulu wa Egytpo, bayawike Yeremaya. ¹⁶ Batile, ''Pa fyebo ifyo webo watweba mwishina lyakwa Yahweh-fwebo ta twaumfwe kuli webo. ¹⁷ Pantu fwebo mu cishinkafye tuli no kucita fyonse ifyo twalandile ukuti tuli no kucita-ukocela ububani na mufmu wa mumulu elo no kwitulwila umutulo wa ca kunwa kuli ye nga fintu, ifikolwe fyesu, ishamfumu shesu, elo ne ntungulushi shesu bali kucita mu misumba ya Yuda elo na mu misebo ya Yerusalemu. Eluntu tuli no kukwata ifya kulya ifingi elo no kushuka, ukwabula no kupita mu bwafya ubuli bonse. ¹⁸ Uluntu fye twalekele ukucita ifi fintu, ukukana tula ububani kuli na mfumu wa mu mulu elo no kuleka ukwitulwila umutulo wa ca kunwa kuliye, twaleponenwa no bwafya bwa nsala elo no kufwa ku lupanga elo ne cipowe.'' ¹⁹ Bana mayo baishile kulanda ati, ''Uluntu twalikupela umutulo wa bubani kuli na mfumu wa mu mulu elo no kwitulwila umutulo, no kupanga imikate ya cipasho cakwe elo no kwitulwila umutulo wa ca kunwa kuli ye?'' ²⁰ Eluntu Yeremaya aishile kulanda ku bantu bonse-kuli bashitata elo na banamayo, elo na ku bantu bonse abamwaswike-alandile no kusosa ati, ²¹ ''Bushe Yahweh tebukishe ububani bwa koca ubo mwali koca mu misumba ya Yuda elo na mu misebo ya Yerusalemu-mwebo elo ne fikolwe fyenu, ishamfumu shenu elo ne ntungulushi, elo na bantu balikwikala mu calo? Pantu Yahweh alibukishe ifi; alafitontonkayapo. ²² Eluntu Yahweh wa fililwe ukushipikisha no kuluba ububi bwenu ne micitile, pamulandu ne fya muselu ifyo mwali kucita. Eluntu icalo cenu caishile kuba icitandala, ica makankamike, elo icitipu icakuti twakaba nelyo umo uwaikalamo ukufika fye na muka lelo. ²³ Pantu mwebo mwali koca ububani elo no kubembuka kuli Yahweh, elo kabili na pakukana umfwa kwi shiwi lyakwe, no kukana konka amafunde yakwe, ifipope fyakwe, nangula icipangano ca fyebo fyakwe, eubu busanso bwa citika kuli mwebo ukufika na muka lelo. ²⁴ Eluntu Yeremaya aishile kulanda ku bantu bonse elo na kuli banamayo bonse ati, ''Umfweni ishiwi lyakwa Yahweh, mwebo mwe ba Yuda bonse mwe bali mu calo ca Egypto. ²⁵ Yahweh wa fita, Lesa wakwa Israeli, aishile kulanda ifi, 'Mwebo elo na bakashi bonse mulandile no tunwa twenu elo na ku maboko yenu mu kocita ifyo mulandile ukuti, ''Mucishinka muli no kufikilisha imilapo iyo intu mwalapile iyo kupepa akamulungu ka mu mulu, no ku kapela umutulo wa fya kunwa.'' Nomba fikilisheni imilapo yenu; Citeni.' ²⁶ Eico eluntu, umfweni kwi shiwi lya kwa Yahweh, mwebo bonse mwe ba Yuda mwe baikala mu calo ca Egytpo, 'Boneni, ndilapile mwi shina lyandi ilikulu-efyo Yahweh wa landa. Ishina lyakwe talyakatale alilumbulwa mu kanwa ka muntu uuli onse uwa mu ba Yuda mu calo conse ica Egypto, mwebo mwe balanda ukuti, ''Na lipalifye Shikulu Yahweh uwa mweo.'' ²⁷ Boneni, nko baceceta ku kubaleta ubusanso elo tebune iyoo. Umuntu onse umu Yuda uwaba mu calo ca Egypto bali no kuloba ku lupanga elo na ku cipowe mpakafye bonse bakalobelele. ²⁸ Eluntu abakapusuka ku lupanga bali no kubweluluka ukufuma mu calo ca Egypto no kwisa ku calo ca ku Yuda nayo ni mpendwafye iinono. Eico abakashalapo aba mu ba Yuda abo abaile ku calo ca Egypto ku kwikala bali no kwi shiba ukuti bushe lishiwi lya kwa nani alikimina-ilyandi nangula ilyabo. ²⁹ Ici ecikaba icishibilo kuli mwebo-uku ekulanda kwakwa Yahweh-ukuti ifi efyo ndi no kucita kuli mweo muno mwine epakuti mukeshibe no kushininkisha ukuti amashiwi yandi ya kamusansa no ku mulofya.' ³⁰ Yahweh aishile kulanda ifi, 'Boneni, ndi no kupela Farao Hofula imfumu ya Egypto mu minwe ya balwani bakwe elo na kuli abo abakofwaya ukumwipaya. Cikaba nga filya na pele Sedekia imfumu ya ba Yuda mu minwe yakwa Nebukatinesari imfumu ya ku Babiloni, umulwani wakwe uwali kufwaya uku mwipaya.'''