¹ Mu mwaka wa kulenga pabula mu mwenshi wa kulenga kumi uwa mfumu Sedekia iya kwa Yuda, Nebukatinesari imfumu ya ku Babilomi yaishile kwisa ne fita fyakwe fyonse mukulwisha Yerusalemu no ku uushinguluka. ² Mu mwaka wakulenga ikumi limo na umo na mu mwenshi wakulenga ine uwakwa Sedekia, pabushiku bwakulenga pabula uwa mwenshi, elo umusumba waishile kutobekamo. ³ Eluntu bacilolo bose aba mfumu ya ku Babiloni yaishile kwisa no kwikala pakati ka mpongolo: Nebo-Salisekimu, SamugaNebo, elo na Salisekimu, cilolo wa ku cindama. Nebo-Salisekimu ewali cilolo mukalamba elo bonse abashala bali ni bacilolo wa mfumu ya ku Babiloni. ⁴ Calicitikile uluntu Sedekia, imfumu ya Yuda, elo na baume bakwe bonse aba bulwi ba cibwene, bena baishile kufulumuka. Baishile kuya ukufuma mu musumba ubushiku kunshila ye bala lya mfumu, ukupita pa mpongolo pakati ka fibumbili fibili. Imfumu ya fumine ku nshila ya ku Araba. ⁵ Lelo abashilika ba bena Kaludea baishile kubapepeka elo baishile kwikata Sedekia mu mawanga ya mumana wa Yodanimu mukonko wa Yeriko. Eluntu baishile kumwikata elo bamuletele ku Nebukatinesai, imfumu ya Babiloni, ku Ribula mu calo ca Hamati, uko Nebukatinesari apingwile pali ye. ⁶ Imfumu ya Babiloni yaishile kwipaya abana baume bakwa Sedekia mu menso yakwe ku Ribula. Ena kabili alipeye bonse bacilolo aba mu Yuda. ⁷ Eluntu yaishile kufumya amenso yakwa Sedekia elo ba mukakile mu makoli ya mukuba pakweba ati ba mupite ku Babiloni. ⁸ Eluntu abena Kaludea baishile koca ing'anda ya mfumu elo na ma yanda ya bantu. Kabili baishile kutobo,ola ne fibumba fya Yerusalemu. ⁹ Nebusaradani, umukalamba wa bakalinda wa imfumu, baishile kupiita abantu abo abashele mu musumba balibapitile muli bunkole. Ukubika kofye na bantu abafyukile ku bena Kaludea elo na bantu abo bashele mu musumba. ¹⁰ Lelo Nebusaradani umukalamba wa bakalinda wa mfumu balsuminishe abantu abapina abatakwete kantu abene ukushala mu calo ca Yuda. Abapele amabala ya myangashi na mabala pa bushiku bumo bwine. ¹¹ Nebukatinesari imfumu yaku Babiloni aishile ku konkomesha palwakwa Yeremia kuli Nebusaradani umukalamba wa bakalinda wa mfumu. Aishile kulanda ati, ¹² ''Mupite no kumusakaamana. Takuli ku mucusha. Cita conse ico akokweba.'' ¹³ Eico Nebusaradani umukalamba wa bakalinda wa mfumu aishile kukonkomessha bakalinda wa mfumu, Nebusaradani muntungwi makalamba, NegalSheleseri cilolo mukalamba, elo na bonse bacilolo abakalamba aba mfumu yaku Babiloni baishile kutuma abaume. ¹⁴ Abaume babo bapiitile Yeremia ukumufumya mulubansa lwakwa kalinda elo bapele kuli Gedali umwana mwaume wakwa Aikamu umwana mwaume wakwa Shafani, kukupita ena ku ng'anda, eico Yeremia aishile kwikala mu bantu. ¹⁵ Nomba ishiwi lyakwa Yahweh lyaishile kwisa kuli Yeremia ninshi wa likakilwa mu lubansa lwakwa kalinda, alikulanda ati, ¹⁶ ''Landa kuli Ebedimeleki umwina Kushi no kulanda ati, 'Yahweh wafita, Lesa wakwa Israeli, alanda ifi: Bona, nebo nkoleta amashwi yandi pali uyu musumba pa bucushi lelo teyebusuma. Pantu yena yonse pali bulya bushiku yakaba yacishinka kuli webo. ¹⁷ Nomba nkakupususha palya bulya bushiku-uku ekulanda kwakwa Yahweh-elo webo tawakapelwe mu maboko yabo ukotina. ¹⁸ Pantu nebo icinefye nkakupususha tawakawile ku lupanga. Ukapusuka no bumi bobe, apo walicetekela muli nebo-uku ekulanda kwakwa Yahweh.'''