¹ Nomba Sedekia umwana mwaume wakwa Yosia aishile kuteka nge mfumu pa malo yakwa Konia umwana mwaume wakwa Yehoyakimu. Nebukatinesari imfumu ya ku Babiloni aishile kucita Sedekia imfumu mu calo ca Yuda. ² Lelo Sedekia, na ba bomfi bakwe, elo na bantu ba mu calo tabali mukumfwa ku mashiwi yakwa Yahweh ayo alikubeba ku kuboko kwakwa kasesema Yeremia. ³ Eico imfumu sedekia, Yehukali umwana mwaume wakwa Shelemia, na Sefania umwana mwaume wakwa Maaseia shimapepo aishile kutuma inkombe kul Yeremia kasesema. Baishile kulanda ati, ''Tupepeleko kuli Yahweh Lesa wesu.'' ⁴ Nomba Yeremia aishile kwisa no kuya mukati ka bantu, ninshi ena tabalamubika mu cifungo. ⁵ Farao ifiita fyakwe fyaishile kwisa ukufuma ku Egypto, elo na bena Kaludea abali kulwisha Yerusalemu baishile kumfwa ilyashi palwa bena elo baishile kufuma mu Yerusalemu. ⁶ Eluntu ishiwi lyakwa Yahweh lyaishile kwisa kuli Yeremia kasesema, ukuti, ⁷ ''Yahweh, Lesa wakwa Israeli, akolanda ifi: Ifi efyo webo ulekuya kulanda ku mfumu ya Yuda, pantu ena alitumine webo ku kufwaya amano ukufuma kuli nebo, 'Bona, ifita fyakwa Farao, ifyaishile mu kukwafwa, balabwelelamo ku Egypto, icalo cabo. ⁸ Abena Kaludea bakabwela. Bali no kulwisha uno musumba, ukuusansa, no ku oca.' ⁹ Yahweh alanda ifi: Mwilakuibepa mwe bene mukulanda ati, 'Icishinka abena Kaludea bakofuma kuli fwebo; pantu bena tabakaye. ¹⁰ Nangula webo wa cimfishe ifita fyonse ifya bena Kaludea abal kulwisha webo eico abofye abaume abalashilwe ebashele mu matenti, abo bene bakema elo no koca uyu musumba.'' ¹¹ Eico uluntu abashilika ba bena Kaludea bafume ku Yerusalemu ninshi abashilika bakwa Farao bali mukwisa, ¹² eluntu Yeremia aishile kuya ukufuma ku Yerusalemu ukuya ku calo ca kwa Benjamini. Alikufwaya ukupoka icakaniko ca mpanga iikulu kulya mu bantu bakwe. ¹³ Ilyo aishile kufika mu mpongolo ya kwa Benjamini, umukulu waku bamalonda ali kulya. Ishina lyakwe ali ni Iriya umwana mwaume wakwa Hanania. Aikete Yeremia kasesema elo aishile kulanda ati, ''Webo ukofyukila ku bena Kaludea.'' ¹⁴ Lelo Yeremia aishile kulanda ati, ''Ico tecishinka. Nebo ntakofyukila ku bena Kaludea.'' Lelo Iriya taumfwile kuli ye. Aishile kupiita Yeremia no kumutwala kuli bacilolo. ¹⁵ Bacilolo balifulilwe Yeremia. Balimupumine elo no ku mubika mu cifungo, iyali ng'anda yakwa Yonatani kalemba, pantu baisangwile icifungo. ¹⁶ Eico Yeremia baishile kumubika mu ka muputule akapanshi, umo aikele inshiku ishingi. ¹⁷ Eluntu imfumu Sedekia aishile kutuma uyo uwa muletele ku cipango. Mu ng'anda yakwe, imfumu mu nkama yaishile kumwipusha ati, ''Bushe kuliko ishiwi ilili lyonse ukufuma kuli Yahweh?'' Yeremia aishile kwasuka ati, ''Eko lili ishiwi: Webo uli no kupelwa mu minwe ya mfumu yaku Babiloni.'' ¹⁸ Eluntu Yeremia aishile kulanda ku mfumu Sedekia ati, ''Findo nebo na kubembukila webo, ababomdfi bobe, nangu aba bantu bakwebati webo umbike mucifungo? ¹⁹ Balikwisa bakasesema obe balya bakwebele ati imfumu yaku Babiloni ta yakese ku kulwisha nangu ukulwisha cino calo? ²⁰ Nomba umfwa, shikulu imfumu yandi! Leka ukupapata kwandi kufike kuli webo. Nebo wimbwesesha ku ng'anda Yonatani kalemba ninshi nebo eko nkafwila?'' ²¹ Eico imfumu Sedekia aishile kupela icipope. Ababomfi bakwe babikile Yeremia mu lubansa lwa kwa kalinda. Akaputulwa ka mukate kalikupelwa kuli ye cila bushiku uwalikufuma kuli ba kapanga wa mukate, mpaka umukate onse waishile kupwa mu musumba. Eico Yeremia aishile kwikala mu lubansa lwakwa kalinda.