¹ Ishiwi ilyaishile klui Yeremia ukufuma kuli Yawe munshiku shakwa Yehakimu umwana mwaume wakwa Josiah imfumu yaku Juda, iyaile kulanda ati, ² ''Kabiye kulupwa lwabena Reka elo ukalande kulibo. Eluntu ukabaleta kunganda yandi. mumiputule yamulyamwine, elo ukabapele umwangashi ukuti bakanwe. ³ Eco nebo nalipitile Jazania umwana mwaume uwakwa Hazazina elo nabandume shakwe, elo nabana bakwe bonse abaume, elo nabalupwa bonse abena Reka. ⁴ Nebo nalibapitilemo munganda yakwa Yawe, mumiputule yabana baume bakwa Hanani umwana mwaume wakwa Igidalia, umuntu wakwa Lesa. Iyi imiputule yali kumbali wamuputule wantungulushi, uyo uwali pamulu wamuputule wakwa Maasa umwna mwaume wakwa Shallumi, kasuunga wampongolo. ⁵ Eluntu nebo natekele inkombo elo namakapu ninshi muliswile ubwalwa pantanshi yabena Reka elo nalandile kulibo ati,'' nwenipo umwangashi.'' ⁶ Nomba bali kulanda ati. ''Fwebo tatwanwe umwangashi, pantu ifikolwe fyesu, Jonadabu umwana mwaume wakwa Rekabu, fyali tukonkomeshe fwebo, 'tecakwesha ukunwa umwangashi, nangu nimwebo nangu bana bakesa panuma yenu, umuyayaya. ⁷ Nakabili, tecakwesha ukukula amayanda, ukubyala inseke ishili shonse, nangu ukubyala ibala lyamangashi; ifi tefyenu mwebo. Pantu mwebo mufwile ukwikala mumatenti inshiku shenu shonse, eco mwebo mufwile ukwikala inshiku macalo ico mwebo mwalekwikalamo nga abalebeshi,' ⁸ Fwebo twasunga ishiwi lyakwa Jonadabu umwana mwaume wakwa Rekabu, icikolwe ceesu, muli fyonse ifyo atukonkomesha fwebo, tecakwesha ukunwa umwangashi inshiku shesu shonse, fwebo, abakashi besu, abana besu abaume, elo nabana besu abanakashi. ⁹ Fwebo tatwakakule amayanda yakwikalamo, elo nakabili takwakabe nangu libala lyamyangashi, impanga, nangu ninseke mufimufikwatwa fyesu. ¹⁰ Fwebo twikala mumatenti elo fwebo twali bela elo tulacita fyonse ifyo Jonadabu icikolwe cesu ifyo atunkonkomeshe fwebo. ¹¹ Nomba uluntu Nebugadineza imfumu yaku Babyloni yasanshile incende, fwebo twalandile ati, 'Iseni. 'fwebo tufwile ukuya ku Yerusalemu ukuti tufyuke ukufuma kubena chaldeni elo nabena Arameni abashilika eco fwebo twikalila mu Yerusalemu.'' ¹² Uluntu ishiwi lyakwa Yawe lyaishile kuli Yeremia, ilyalekulanda ati, ¹³ Yawe lesa wafita, Lesa wakwa Israeli, alilandile Ifi, 'kabiye kalande kubaume baku Juda elo nabekashi bamu Yerusalemu, ''Bushe mwebo tamwapokelelako ukusambilila nokumfwa kumashiwi yandi?- uku kukonkomesha kwakwa Yawe. ¹⁴ Amashiwi yakwa Yonadabu umwana mwaume wakwa Rekabu ayo ye apele kubama bakwe abaume nga icakupampamikwa, tecakwesha ukunwa umwangashi uuli onse, twalicibona namulu kano kasuba. Balikonka ukukonkomesha kwafikolwe fyabo. Nomba pali nebo, nebo nemwine nalikonkanyapofye ukulamyeba mwe ukwabula ukunaka, nomba mwebo tamumfwa kuli nebo.''' ¹⁵ Nebo ndamitumina mwebo ababomfi bandi, bakasesema. Nebo nalikonkanyapo ukubatuma nokubeba at, 'Lekeni cila muntu abweluluke ukufuma munshila yakucita ifyabipa elo nokutampa ukucita imisango yabune; takuli nangu naumo ukwendela munshila yimbi pantanshi yatu lesa tumbi elo nokulatushinshimuna. mucafikolwe fyenu; eco mwebo tamuteyamika amatwi yenu elo tamumfwa nakuli nebo. ¹⁶ Pantu balupwa lyakwa Jonadabu umwana mwaume wakwa Rekabu balisunga ifipope ifya fikolwe ifyo babapelebo, nomba aba bantu balikana ukumfwa kuli nebo,''' ¹⁷ Eco Yawe, Lesa wafita elo kabili Lesa wakwa Israeli, alilandile ifi, 'bona nebo ndeleta pali Juda elo napali onse umwikashi wami Yerusalemu, fyonse ifyabonaushi nebo nalibishe kulibena pantu nebo nalilandile kulibo; Nebo nalikutile kulibo, nomba tabalikwasuka.''' ¹⁸ Yeremia walilandile kulupwa lwabena Rekabu ati, ''Yawe wafita, Lesa wakwa Israeli, alilandile ifi ati: Mwebo mulomfwila kufipope fykwa Jonadabu icikolwe cenu elo mwalifisunga fyonse - mwebo malabela fyonse ifyo ena amikonkomesha mwebo ukucita- ¹⁹ Eco Yawe wafita, Lesa wakwa Israeli, alilandile ifi ati, 'Kukalakuba lyonse umo mwane ukufuma kuli Jonadabu umwana mwaume wakwa Rekabu uwakubombela nebo.'''