¹ Icebo caishile kwisa kuli Yerema uufuma kuli Yahweh, ukuti, ² ''Umfwa kufyebo fyaici cipangano, elo ufilande ku muntu onse mu Yuda na ku bekashi ba mu Yerusalemu. ³ Landa kuli bo ati, 'Yahweh, Lesa wakwa Israeli Alanda ifi: Altipwa uyo onse uutomfwa ku fyebo fyaici cipangano. ⁴ Ici ecipangano eco nebo naishile kweba ku fikolwe fyenu ukusunga ubushiku nebo naishile kubafumya ukufuma ku calo Egpto, ukufuma kwi lungu lya kwengulula icela. Nebo naishile kulanda ati, ''Umfwa kwi shiwi lyandi elo cita fyonse ifi fintu ukulingana nefyo nebo nakweba. Pantu mukaba abantu bandi elo nebo nkaba Lesa wenu.'' ⁵ Umfwileni nebo ukutila muleke nebo mfikilishe umulapo uyo nebo nalapile ku fikolwe fyenu, umulapo wakuti nebo nka pala icalo icikofumfumuka umukaka no buci, umo mwebo mukoikala ilelo.''' Eluntu nebo, Yeremia, naishile kwasuka elo no kulanda ati, ''Umukwai, Yahweh!'' ⁶ Yahweh aishile kulanda kuli nebo ati, ''Bila fyonse ifi fintu mu misumba sha Yuda elo na mu misebo ya Yerusalemu. Ulande ati, 'Umfweni ku fyebo fya ici cipangano elo no kuficita. ⁷ Pantu nebo nalekupela amshiwi ya ku konkomesha ku fikolwe fyenu ukufuma ubushiku nebo naishile kubafumya mu calo ca Egpto ukufika na inonshita, ukutwalilila ukubasoka elo nokulanda ati, ''Umfweni ku mashwi yandi.''' ⁸ Lelo bena tabomfwla nangu uku kutika kumatwi yabo. Cila muntu akoendela muli bunkosa mutima wakwe uubi. Eico naishile kuleta fyonse ifitipu muli ici cilayo ifyo nebo naishile ku konkomesha ukwisa pali bo. Lelo abantu bacili tabakonkele.'' ⁹ Panuma Yahweh aishile kulanda kuli nebo ati, ''Ipange lilisangilwe pa bantu bakwa Yuda elo na bekashi ba mu Yerusalemu. ¹⁰ Bena balibwelele ku mampulu ya fikolwe fyabo ifya balilepo, abo abakene ukumfwa kumashiwi yandi, abo panuma bakonkele tu lesa tumbi ku kutupepa twena. Ing'anda yakwa Israeli elo ne ng'anda yakwa Yuda sha litobeka icilayo candi ico nebo na pangane ne fikolwe fyabo. ¹¹ Epamulandu Yahweh alanda ici, 'Bona, nebo ndinokuleta ububi pali bo, ububi ubo bena tabaka kwanishe kufumako. Eluntu bena bakesa kukuta kuli nebo, lelo nebo ntakomfwe kuli bo. ¹² Imisumba ya Yuda elo na bekshi ba mu Yerusalemu bakaya elo no kucita kuli tulesa kuli uto ba lekupela ifya bupe, lelo bena icine ta twakapusushe panshita ya bubi bukabaponena. ¹³ Pantu webo we Yuda, impendwa ya tu lesa tobe ili fulile ukulingana ne mpendwa ya misumba yobe. Webo wa panga impendwa ya bulambo bwansoni mu Yerusalemu, ifya kufutumwinapo ubulambo bwakwa Baali, ukulingana ku mpendwa ya misebo yakwe. ¹⁴ Eico webo we mwine, Yeremia, taufwile ukupepelako aba bantu. Webo taufwile kulila nangu ukupepa pa cifulo cabo. Pantu nebo ntakula umfwa uluntu bena bakuta pali nebo mu bubi bukaponena. ¹⁵ Nindo umutemwikwa wandi, umo uyo uwaya ku kwata amapange ayabipa, mu ng'anda yandi! Umunofu wa malambo yobe tekuti ukwafwe. Webo usekelela pamulandu wa micitile yobe iya bubi. ¹⁶ Ku kale Yahweh aileta webo umuti wa muolife uwakulelema, uwakuemba ne fisabo ifya wama. Lelo ena akakosha umulilo pali wena uyo uukapanga icingo icapala ukubuluma kwa mfula; imisambo sha uko shikaba ishafinika. ¹⁷ Pantu Yahweh wa milalo, uyo uwabyele webo, ali landile ububi pali webo pamulandu wa micitile iyabipa iyo ing'anda yakwa Israel elo ne ng'anda yakwa Yuda yaya kucita-bena bali fulwishe pakupela ifya bupe kuli Baali.''' ¹⁸ Yahweh alengele nebo ukwishiba ifi fintu, ecio nebo ndifishibile. Mwebo, Yahweh, mulengele nebo ukubona imisango yabo. ¹⁹ Nebo napalile akana ka mpanga ka tekanya akale kutngululwa ku kwipaiwa. Nebo ntaishibile ukuti ali kuapngile amapange pali webo, ''Natonaule icimuto ne fisabo fya ciko! Natumuputuleko ukufuma ku calo ca ba mweo ukuti ishina lyakwe ta lyake bukishiwe iyo.'' ²⁰ Lelo, Yahweh wa milalo nikapingula mulungami uyo uupima umutima elo ne tontonkanyo. Nebo nkaba inte ku cilandushi cenu pali bo, pantu nebo nditulile umu;andu wandi kuli webo. ²¹ Eico Yahweh alanda ifi palwa bantu baku Anatote abo abalekufwaya umweo obe ati, ''Bena balanda abati, 'Webo taufwle ukusesema mwi shina lyakwa Yahweh, nangu webo ukafwila kuma boko yesu. ²² Eico Yahweh wa milalo alanda ati, 'Bona, nebo ndioku kukanda bena. Abalumendo babo bakafwa ku lupanga. Abana baume babo elo na bana banakashi babo bakafwa ku cipowe. ²³ Tapakashale nangu umo pali bo, pamulandu nebo nkoleta ububi pa bantu baku Anatote, mu mwaka wa ku kukandwa kwabo.'''