¹ Ivano Agripa aallota wa Paulo* wi, "Noowaakhullella wi allote mwawiiteza weekha." Paulo ahookolla nnatta naye aamba ollota wi, ² "Mwene Agripa! Miyaano kookhalla ni ekari ollello wi killote mwawiiteteza meekha vamiitthoni vanyu ddeko ddittheddene Ayuddaalla enakiipelliiwa mullatu. ³ Vawi nyuwaano ni ohiiwanana wiwa. Kunuuvekani vano, wi mukiiwellelle mwawiithaalla. ⁴ "Ayuda attheene ennadduwella phaama makhallwaaka waambella Kiri mwaana. Ennadduwella okhalla waka otthewene, waambeella mu ellapwaaka ophiyera mu Yerusalemu*. ⁵ Yakidduwenlle waambella khalle, Sika yaapaallaka ovelleella omboni ellote wi okumaaka otthewene kaari Mfarisi*, mmodda a Mulloko oyo onathwara malamulo* a Mose* ohiyana ni orive mulloko oyo onamullapella Mulluku. ⁶ Nave kiimenlle mva wiipiwa mullatu ekaamba ya etiyerello kiriimima mwa ddalonjeziwe khalle ni Mulluku wa makhollwaahu. ⁷ Ddeko ddennddo malloko khumi ni meelli a athwaahu enatiyeriiwa wi yaakhelle, voomullapellani Mulluku otthaana ni mahiiyu, tti ddennddo kiniipiweemina mullatu ni Ayuddaalla, mwene nyu! ⁸ Kaambiiwa tini, nyuwaano athu muri vaava khamunakhulupilila wi Mulluku annawora waavenyiha athu wa ookhwa? ⁹ "Miyaano meekha kaganiza wi kaari oophwanella weera erive ello kaaweereemi yoovaanyiha nnddina na Yesu* a o Nazareti*. ¹⁰ Kaheera ddennddo o Yerusalemu allupa mukutho uullupalli akivahille olamulello wowaahiya athu a Mulluku anchichi mundende. Nave millatu ddiwa ddakamulliwiiwa wi yiiphiwe, miyaanottho kaari mmodda owiiwanana. ¹¹ Enthawi ddinchichi kaanaya mu enyumba dda mavekello* kaallakaka nave kaheeseesa wi ehiyeke echikhulupililwiiwa. Nave kananariwa kaanaya naari o mizindani dda ellapo ddimodda kaahoosaka. ¹² "Ella sika ekaambiiwa kayiilleemi o Damasiko allupa mukutho uullupalli ekaakhullenlle wi kiyeewo nave ekivahille olamulello. ¹³ Mwene nyu, waari. 12 koloko otthaana kiri voolendoni, mvo koonilleemi owala wuullupalli wookhwaranya nndduwa, woovenyera oddullu okaapheellaka miyaano ni akhwaaka keeteemina. ¹⁴ Attheenehi nahiikuha nave kahiiwa mawu ellotaka wa miyaano mu ellotello ya Eheberi wi, 'Saulo, Saulo! Onakihoosella tini? Ekaamba yawi onallipana ni miyaano oniivoreya weekha.' ¹⁵ Yaakoha wi, 'Nyuwaano ttaani, ¹⁶ Apwiya*?' Nave Apwiyaayo yahaakhulla wi, 'Miyaano tti Yesu, oyo onamuhooseewe. kineerewuvullusa wa athu a o Israele ni wa athu ¹⁷ ayo ehiri a o Israele nko kinaawurumeemiwo. Onaphwanella wi ¹⁸ oweerihe wi yooneke wi erukunuwe ovenyera wiipiphini ephiye mu owala navettho ovenyera mu masiva a Satana ophiyera mu masiva a Mulluku. Sika mwa echikhulupililwiiwa eneerokhululukelliwa machimo ni waakhella nipuro niwa variyari va athu a Mulluku.' ¹⁹ "Nave sika Mwene Agripa, ngaakhootille wiiwellella nnddo koonilleemi mu masomphenya. ²⁰ Kaallalleyaka waambella wa athu o Damasiko, o Yerusalemu ni mu Yudeya* mutthemwene owaakattho variyari va athu ayo ehiri Ayuda. Kaallalleya wi enaphwanella ehiye machimwiiwa naveerukunuwelle wa Mulluku ni weera ddeko ddawooniha wi aahiya machimo. ²¹ Ella sika ekaambiiwa kaarimi mu enyumba ya Mulluku* Ayudaalla yaakiphara nave yapaalla okiipha. ²² Nave ophiyera ollello Mulluku sika akikavihere nave kiimenlle vaava ovelleelle mboni wa athu attheene, attekweene ni aniiweene. Kinalloteeminndda ddaallotiwattho ni anamallotella* owaaka Mose wi ddineereweereya, ²³ wi Mesiya* aphwanella ohoosiwa nave wi akhalle awaamba ovenya wa ookhwa wi allalleya owala wa Ayuda ni athu ayo ehiri Ayuda." ²⁴ Paulo allotilleeye mowiiteteza ddiidda, Fesito* aamukhuwella wi, ²⁵ "Paulo, wookhalla ni enapa wen! Oohuddera wawonko wohuuvaha anepa!" Paulo ahaakhulla wi, "Ooriiheya Fesito! Nginna anepa, miyaano kinallota ddawoona nave ddawiiweya. ²⁶ Vawi mwene Agripa annadduwella ddeko ddenndda nave kinallota moottaphuwa ddiidda. Ddeko ddenndda kheddaaweereyille mwawiipittheya sika kheyiivo naari emodda eyo ehinadduwelliiwa. ²⁷ Mwene Agripa, munnaakhulupilila anamallotella? Kinnadduwella wi munnaakhulupilila!" ²⁸ Agripa aallota wa Paulo wi, "Oneesa oneerokeera wi kikhalle mukhrisitu va enthawi yooyeva yeella?" ²⁹ Paulo ahaakhulla wi, "Khaya ddinaakuse enthawi yooyeva apaalle yoorekama, nivekello naka wa Mulluku sika nawi nyuwaano ni athu attheene enakiiwellella ollellwaalla ekhlle wonanko miyaano, opatula omakiweave ni onyoloolla!" ³⁰ Vano Agripa, Fesito, Belenise owaaka amodda attheenaayo yahiimella, ³¹ nave yavenyilliiwavo yaallota wa muthu ni mukhwaaye wi, "Muthoolla khenre ello yoomakiwana naari yoophwanella wiiphiwana." ³² Nave Agripa aamulleella Fesito wi, "Muthoolla ahivekilleke wi eeluziwe ni Kaisara naaweeromuttaphulla."