¹ Ukufuma kukwangu une Paulosi, we mupinyiwa panongwa ya kilisitu Yesu, pamupene nu Timoteyo bamwabo kwa uwe Filimoni bwighane bwitu nu bwambombo wamwitu, ² nu Apiya muyemba witu, nu Alikipo umusilikali bwamwitu sona nuchipanga cho chikwaghanila munyumba yako. ³ Ubwisa nulusekelo fyo fifumite kwa Chala Tata nu Malafyale uYesu kilisitu fibe nanumwe. ⁴ Ngupalisha uChala wangu akabalilo koshi pala ngukumbuka uwe Filimoni mu nyiputo shangu. ⁵ Pakuti ngupulika nishalughano nu lwitiko lwo uli nalo mwa Malafyale Yesu sona na kubelu woshi. ⁶ Ngwiputa ukuti umobwene bwinyu nulwitiko ukakweshe akamanyilo akabwisa boshi bwo bwitu mwa kilisitu. ⁷ Wa kuhoboka kukulu ngani nunsekele sha pakuti ndumbula shabelu yinyoshekishe pachifukwa cha uwe. ⁸ Pala ngabaghe nulugolofu lukulu mwa kilisitu chakulamula ukubomba fyakulondibwa, ⁹ sona pachifukwa cha lughano ngusuma iwe, Paulosi usongo wa kilisitu Yesu, sona ndi mupinyiwa pachifukwa cha yuyo. ¹⁰ Ngusuma mumalo mwa mwana wangu Onesimo we akaba ukuba umwana wangu mwa kilisitu Yesu po nali mupinyibwa. Po kale uOnesimo atakaba nakamo kukwako. ¹¹ Lole pano alinako kamo mumwako nu mwangu. ¹² Po ngumunyoshela ukukwako, po pakubomba luoulu ukuba ngati nakupa nu moyo wane wope. ¹³ ndalondagha ukuti akikale nune ukuti andulaghe mumalo ghako, popo ngali mubupingibwa pachifukwa icha lufumusho lwisa. ¹⁴ Sona ndakalondagha pakubomba fifyo papo uwe utitikisha pakuti ukaleke ukulamulibwa pakubomba ichisa lole ubaghile ukubomba mulughano lwako. ¹⁵ Pamo Cho chifukwa uOnesimo akasokqko kukwako pakabalilo akanandi, mwakuti anyoshele kukwako nukwikala nuwe akabalilo koshi. ¹⁶ Ukuti atali sona mupinyibwa lole akinda mupinyiwa, yo bwamwangu wa lughano ngani kukwangu. Po akinda abaghile kumughana mu ubili nu mu bunyafyale. ¹⁷ Sona ngati uwe ukupima ukuti ngwaghana nuwe mulwitiko, umupokele ngati mwo ukambokela une. ¹⁸ Pala akonangilemo akandu, pamo ali ni ngongole kukwako, inongwa yake yibe kukwangu. ¹⁹ Une Paulosi ngusimba chicho ninyobe yangu ni yangu ukuti ngwisa pakulipila papo. Lole manye bwibwaghe ukuti uwe nuwe moyo wako uwo pachifukwa changu. ²⁰ Po lelo bwamwangu ngulonda ukuti undule pachifukwa icha Malafyale. Hobosha indumbula yangu mwa kilisitu. ²¹ Pakumanya ukuti uli bwa lwitiko, ngusimba kwa uwe papo menye ukuti ubombaghe fyingi ukukinda fyo une nayughite. ²² Unoshe amalo ukuti nise ngonemo pakuti ndi nulwitiko ukuti Chala tapulike nyiputo shitu nukunyoshela kukwako. ²³ Tukubalamuka Epafula, mupinyibwa bwamwangu yo Ali mubupinyibwa pachifukwa cha Khilisitu Yesu. ²⁴ Babombiwa bamwangu: uMaliko, Alisitaliko, Dema nu Luka, bope ba kubalamuka. ²⁵ Ulughano lwa Malafyale uYesu kilisitu ube numwe.