1 Yuda ukapolo baYesu kilisitu nu manyani ba Yakobo kuba bakoleliba mwa Chala. Ichisa cha Chala numutende nulughano ifibe numwe. 3 Bamanyani pakuti bomba ulubilo pokubasimbila isha upoki twesha twaba palubilo pakubasimbila nu ukuti mulimbane ni fyabupokiba ukukisimbila pachifukwa cha upokwa bwo uswe tupeghibe mundumbula. 4 Pakuti pali abandu bamo bakingila mubutitu musita pakubapa bwelu bobakasimbiba amita ukuti abandu bobatakwiputa bakughalabula ichisa chachala, ukuti chibe chibibi nukumukanisha ubunyafyale bwa Chala ukuti bube bubibi lole umalafyale bwa Chala umalafyale bitu uYesu Kilisitu. 5 Lole ngulonda pakukubusha pakuti na linga mumenye shoshi uChala akapoka abandu, nukubafumya mubandu nuku bafumya mu chisu ichisu jimputo, akabako manya bobatakusubila ulusubilo. 6 Na batumiba bobatakasubila ulusubilo ulwa bwandilo lole bakaleka ukwikala na bobakoghopa baka basunga munjela baka akabalilo aka tali mpaka bakslindilila ubulungi ishiku ikulu. 7 Mwo Sodomu na Gomola ni fyisu ifyaku swungulila uku kongana nubulobe mubibi bwo bakabombagha nimbombo sha chihesha shoshi kabombi ba kale mukabele kakubikiba mu mulilo ubabwila. 8 Abene ifilata fyabo bakakomanya iminili yabo bakapepusha ubunyafyale ba Chala, nuku bomba amatingo pa bikwemo. 9 Lole uMikayeli usongo babatumiba po akapanga ulukani nusatano, bakasusunya isha mubili baMose atakakalanga ni pakuyugha ififukwa chochamatinga lole akati uChala akukemele. 10 Lole abene sho bata shimenye bakoshi bomba amatingo sona nasho tashimenye ukufwa ukupapwa kwabo sona ifyo umo fyo fitani mndombo sona fitanamaghala. 11 Mukoshi papo bakenda musila yaKayini bakashi komanya musila imbibi musila isha Balamu pachifukwa chakulipila nukusoba mu kabele kola 12 Abene bobakaba namabala mabalo pamupando ubu mukwinongona ukuba mulughano pakulya nabo pamupene ukwibika mubwongha amabingu ighoghata namishi ghoghatakwima ghakuyakuno nakuno amakwo kwe aghogha takela niseke nashimo ichabumi mbska ukwipukana ma ngululuzi. 13 Amayigha amingi aghankhoghofya gho ghakafuma umuTata ubakupesha isoni kubabo bene ngati indondwa shoshi sho shisobite shikwendakwenda she. 14 Kubabo bi Enoki nambala seveni pakwanda pa Adamu bakayughs ukuti keta afika umalafyale nubwelu indumbula abelu bali 1000. 15 Ukwisa kuba bombela ubulongi nuku limbana nabatula nongwa bobakwiputa mukabele akakafu bakayugha papabo. 16 Babo bobo bakadandabulagha nukusula, bakendagha mufinyonywa fyabo sona pamulomu pabo bakayugha ifikulu kulu nukupindula babo bene. 17 Umwe mukubukila amashu ghoghakayughiba kale nababombi kale aba Yesu Kilisitu. 18 Ukuti akuyugha numwe pokabalilo kabubwalake tibakabe abasita kwenda mubwanaloli mukabele kabulobe mukwenda mukabele kambula kwiputa bakulonda pakwiputa mwobakulondelabene. 19 Abene babo bababika nukubsfumya mu kabele kakusita kuba mwambepo. 20 Ukubabula ukuti babe mukabele kakumupala umalafyale, umwe bamanyani pakufibika mwibene ukuba mu lwitiko lwo lukubabika mubwelu nukwiputa mwa Mbepo mwikemo. 21 Mwikale mwibene mulughano lwaChala, nukulindilila mwaYesu Kilisitu ukufikila ubumi bako boshi. 22 Ube kusibilila mundumbula yako muchisa. 23 Lole bamu mubapoke nakuba kola inyobe mumulilo, lole bamuketa ichisa sona muba bengwe nukusita ku fwala imyenda ga mabala mabala nakumubili. 24 Po bobakulonda pakubalindilila nukuti mungakalalushange ukuti mwise mupotwe pakwingila kubumi bwa bwila na bwila. 25 Kwa Chala yo ali mwene umupoki bitu uYesu Kilisitu umalafyale bitu uYesu Kilisitu fibe mu umalafyale mubushisha nubunyafyale nukufika akabalilo kambula kumala. Ameni.