¹ Umukulu bangu mughanibwa ba yongughanana nabwe mubwanaloli. ² Mughanibwa ngukusumila ukuti pashoshi ube nichuma ube akisa sona nu mbepo bako abe mukabi. ³ Pakuti nga ghobwoke nukubakela ngani nukubabula bende mubwanaloli. ⁴ Ishakwangala nabakamu bahesha ndanulusekelo ulukulu ukuti akwendamu bwanaloli. ⁵ Bemughanibwa ubombe ubwanaloli nukubabombela chosi chila nabahesha. ⁶ Bwo bakabomba ishalusimikisho nulughano pamaso pachalichi nu kubashi ndikila boshi abaChala tibaka bombe akisa. ⁷ Pachifukwa changamu iyi bakafuma nukupokela nachicho kubandu. ⁸ Uswetu banghile pakupokela ngati ulu ukuti tukabe twe bakwafwana nabo mubwanaloli. ⁹ Nasimba kamu kuChalichi lole Diyotilefe uyu akulonda ukuba bwisongo atakutupokela uswe. ¹⁰ Lole nandi nisakwisa pakukumbusha imbombo shake cho akabomba shoshi takughobosha uswe tukoghopa papo shatoghofya papo atakupokela abakamu bake sona, akulonda ukuti abakanishe nukubatanghila ku butali nukubsfumya mu Chalichi. ¹¹ Mumanyi utaka kongaghe ifibibi lole ichisa chikufuma kwaChala umwenecho lole yo akubomba ichibibi atamubweni uChala. ¹² Dimetiliya bakamulumbilila abandu nubwanaloli boshi sona naku Efeso kope twe bokamboni ukuti shanaloli. ¹³ Nali ni nyingi ishakukusimbila lole ndakukusimbila sona ndakukulonda pakukuketa lubilo. ¹⁴ Lole ngulindilila ukuti nisenga pamaso sona ngulonda nise nguketa pamaso tuyughisanyange pamaso napamaso. ¹⁵ Umutende bube nube uye ubalemuke abakamu bako nukunyugha amita ghabwo.