¹ Ao' tapi, Ani nyungan sok are da bagaat Ananias, samahu nige' saut a', Safira, nyual harta milik a'. ² Ge, nige' saut a' panane, Ananias nahan nya bagian hasil jualan a' yak adup a' sadi, ge hanya minsakng da nyabagian, lalu mana' a' ka depan kaja ayo rasul. ³ Namun, Petrus nyansana, "Ananias, jai Balis nampanhu atemu' sahingga imu' nga laceh wak Roh Kudus ge nahan nyabagian hasil jualan tana' dakoh? ⁴ Waktu maseh tingan gatn nyual, inya bak dakoh tatap milikmu? Ge, laka gatn nyual a', inya bak tana' dakoh ani ka saroh kuasamu'? Jailah imu' mikir parbuatan diah ka sadatn atemu'? Imu' kati laceh wak talino, tapi wak Jabata." ⁵ Lalu, waktu dangah saratn dakoh, Ananias jantu ge nga mungkas a' nafas a' da tarakhir. Maka, aru buut ta lah samaan sok da dangah hal dakoh. ⁶ Nyamani sok anggod utukng, nakatn saput kapan a', ge nangkon a' ka sato', lalu nyibur a'. ⁷ Laka dakoh, Nga ani kira-kira taru jam, saut Ananias utukng, tapi ni' ti pane jai da nga tajadi. ⁸ Ge, Petrus nyansana wak'ini', "Muji a' wak'iko', ani ta mu nyual tana' dakoh nige' raga' nya diah?" Ge, Safira nyansana, "Ae, nya dakoh ta." ⁹ Laka dakoh Petrus nyansana wak' ini', "katn jai imu' ge banunmu' samahu ba pakat yak nyoba Roh Tuhan? Mile ta, tawa' kaja sok da ngalaka nyibur banunmu' masih ani ka depan pintu ge ayo' a' uga ao' nangkonmu' ka sato'." ¹⁰ Tiba-tiba, Safira jantu ka tura kaja Petrus ge mungkas nafas a' da terakhir. waktu ayo' sok kangod maruh, ayo' a' mile Safira nga kabis, lalu ayo' a' nangkon a' ka sato' ge nyibur a' ka samping sibur banun a'. ¹¹ Maka, ta jadi aru buut ka antara samaan jemaat ge ayo' sok da dangah hal diah. Tande-tande Ajaib umpatn Jabata. ¹² Karah tande ajaib ge mukjizat tajadi ka antara sok karah lewat barekng ayo rasul ge ayo' a' samaan nige' sa ate madi ka Serambi Salomo. ¹³ Kati ani umpat da laitn a' magat adup a' yak ba gabung nige' ayo' a', tapi ayo' sok sangat memuliakan ayo' a'. ¹⁴ Ge, ani semakin karah agi jumlah sok da pacaya ka sadatn Tuhan, samaan sok, baitn are maupun mahung. ¹⁵ Karna dakoh, ayo' a' bahkan nangkon ayo' sok anap ka pagala ge ngojor a' ayo' a' ka samo tandu ge tilam jerami supaya waktu Petrus utukng, paling kati amot-amot a' bisa aboh ka ayo' a' da baring dakoh. ¹⁶ Uga, ani karah sok umpat kota-kota ka sekitar Yerusalem utukng samahu, minsakng ayo' sok anap ge ayo' a' da gatn rasuk roh-roh jahe. Ayo' a' samaan gatn mangkhauhat. Ayo Rasul gatn Nangkap ¹⁷ Namun, ayo' imam ahyo bangkit, samahu nige pengikut a', yaitu golongan Saduki, ge ayo' a' gatn panhu nige' iri ate. ¹⁸ Ayo' a' nangkap ayo' rasul ge nga maruh a' ka sadatn panjara umum. ¹⁹ Ao tapi, waktu ngarum ano, nyungan malaikat Tuhan muka pintu-pintu panjara, nuntun ayo' a' mungkas, ge nyansana, ²⁰ "Ano, agutn, ge muji ta, wak' ayo' sok ka Bait Jabata samaan firman tentang kahidupan diah." ²¹ Ge, ngalaka ayo' a' dangah a', jangkah waktu subuh, ayo' a' maruh ka sadatn Bait Jabata ge mule ngajar, waktu iman Ahyo ge ayo' sok da samahu a' utukng, ayo' a' ngumpul a' Sanhedrin ge samaan majelis tua-tuaIsrael, lalu ngadu sok ka panjara yak minsakng ayo' rasul dakoh ngadap ayo' a'. ²² Namun, waktu ayo' sok da gatn ngadu dakoh sampe, ayo' a' kati umput ka dua rasul dakoh ka panjara. lakadakoh, ayo' a' ure ge mangkatn laporan, ²³ nige' nyansana, "kai mile panjara dakoh ta kunci nige' samaan pangamanan ge ayo' penjaga agutn ka depan pintu, tapi waktu kai muka a', kai kati ampud a' nyunganpun ka sadatn a." ²⁴ Ge, waktu kepala panjage Bait Jabata ge ayo' imam kepala dangah saratn a' dakoh, ayo' a' aru bingung nige' ayo' rasul dakoh ge mansikatn-sikatn langkina bisa hal dakoh bisa ta jadi. ²⁵ Lakadakoh, ani sok utukng ge mangkatn pane ayo' a', "Mile ta! Ayo' sok da imu' nga masok a' ka sadatn panjara sadang nage ka Bait Jabata ge ngajar sok karah." ²⁶ Lalu, kepala Penjaga Bait Jabata nige' pengawal a' ano ge nabatn ayo' rasul dakoh, tapi kati nige' kakarasan karna ayo' a' buut gatn mono ge batu kat sok karah. ²⁷ Waktu ayo' a' laka nabatn Petrus ge Yohanes, ayo' a' menghadapkanya wak' Sanhedrin. lalu, imam Ahyo mansikatn ayo' a', ²⁸ Wat a', "Kai laka mingatnmu' nige' karas agar kati agi ngajar ka sadatn gaatn dakoh, tapi imu' laka namppanhu Yerusalem nige' ajaranmu' ge imu' bermaksud yak nanggong a' dayya' Sok diah wak' kai." ²⁹ Namun, Petrus ge ayo' rasul naham, "Kai harus labih taat ka Jabata daripada ka talino. ³⁰ Jabata nenek moyang ite laka mangkidup Yesus, da laka imu ngamis nige' ngantukng-Ni' ka kayu salib. ³¹ Jabata majaka a' Ini' ka barekng santao- Ini' sebagai Pamimpin ge Juru Selamat yak mangkatn pertobatan bagi Israel ge pangampunan ka dosa-dosa. ³² Ge, kai anilah saksi-saksi umpatn samaan diah, ge ladakoh uga Roh Kudus, da laka Jabata mangkatn wak' ayo' sok da nganti-Ini' ³³ Waktu ayo' a' dangah hal dakoh, ate ayo' a' gatn nusuk ge ba maksud yak ngamis ayo' rasul dakoh. ³⁴ Ao' tapi, Ani sok Farisi da bagaatn Gamaliel, ni' guru Taurat da gatn hormati samaan sok, agutn ka hadapan Sanhedrin ge ngadu agar ayo' rasul dakoh gatn nabatn ka sato sabantar. ³⁵ Lalu, ni' nyansana wak' ayo' a', "Hai ayo' sok Israel, perhatikan nige' saksama jai da ao' imu' umas tahadap a' ayo' sok diah. ³⁶ Sabab, mani ano da lalu, Teudas bangkit, ngaku adup a' sebagai sok penting ge kira-kira ani ampat ratus sok da ba gabung nige' a. Ao' tapi, ni' gatn ngamis ge samaan pengikut a' tercerai-berai, sampe kati ani sama sekali. ³⁷ Laka Teudas, Yudas umpatn Galilea bangkit, ka ano-ano sensus, ge menarik karah sok yak ngikut a'. Ni' uga gatn ngamis ge samaan sok da ngikut a' tercerai-berai. ³⁸ Karna dakoh, ka kasus diah, iko' menasehatkan imu': jauhi ayo' sok diah ge biar ta ayo' a'. Sabab, jika rencana ge parbuatan diah barasal umpatn talino, hal dakoh kati ao' berhasil. ³⁹ Namun, jika rencana diah bbarasal umpatn Jabata, imu' kati ao' mampu ngakamadi a'. Bahkan, imu' mungkin ao' gatn ampud sadang melawan Jabata." ⁴⁰ Ayo' a' menuruti nasehati Gamaliel. Kemudian, laka mabba' kadua rasul dakoh, ayo' a' mokol kadua a' ge ngalarang ayo' rasul yak nyansana sadatn gaatn Yesus, lalu ngarapas a'. ⁴¹ Karna dakoh, ayo' rasul ikoh ano umpatn hadapan Sanhedrin nige' ba sukacita sabab ayo' a' gatn ngangap layak menderita penghinaan demi gaatn-Ini'. ⁴² Ge, satiap ano, ka Bait Jabata ngajar ge memberitakan Injil bahwa Yesus anilah Kristus.