¹ Ai sirimna zen taipsinzini Habakuk hlaulku. ² Bana kare holo enkam sa, biyan, ae otan takin, siblil asa masagwebla hen mole otan em sanegweka ahaksa, ae asa herhegwer ebehap ye, "Mamnenkan!" Hen em molee otan dawemtaka ? ³ Bahap em asa karata guku karek sa, de hlaunukne em bahap hom ertasik sremka ahaksa karek ? Nakon mam tangkan jaljalla hen nolnge anek an in abon onak. Loak itop itopna hen enho drak drakna. ⁴ In kirekam, ki auyan asamo gowena insa syalneibir sremgwek hen dawem na hom tawaneibik jilhesenannak zen zi jaijal gwiranzi dahyolgibik zi dawem gwiren wenyaka dekam zep tamenuk enho gwa gwakan de lohe gwen wenya. (Tuhan Menjawab Habakuk) ⁵ Em karada gun in kitakde zi ausu sa. Kara tabin e hutsonak nen zen man do klesbik zep ae gok syala dekan asa haha mo lohek zen hom hen em laibliblak kim tonbiridaka ebemae hap. ⁶ Em ki akisin ae an zen ngayata bik zi ausuna kasdim korenaka hen ena zen garang hen tangkas kon in zen sekgwek au hukama mo dwam gwibi in sin kim zep langna insa alnuk hen lohe gwenna in senomaemoka hom. ⁷ Hen zen man eninklengwek, hen man e airik, dawem kande gwenna hen. Bina-bina gwen zen jowek zeremae onak. ⁸ Zeno memo kuda soson kan hluweka ahak sa menki macan tutul, hen serkande jal. Jal menki serigala na, Kamde orapkan jalzini kuda kande, sekgwen wenya loheanek nen ha tanna in langana zen hen e ihek menki zuna rajawali na zen menkerikan tembene hap hluwena sengwenda nabal baen kanye. ⁹ Zen kitak sa yaing gwer kim dekande jal jal sa syalgibinhip jal zini nginsin dekan de tobegunhup menki bonong na yakla liwe hen san hen zen sa tagal nul sul mensa balk balkdabikye menkiye hisglim niye. ¹⁰ Zen kim swerak auhu kama mo mamna, hen sowerabik insa mama wenya zen srowerabik kitakde e jam e jam kan, berbernuk zen kamakan, hen sunul sonek. ¹¹ Kim, zen hen nuseranik menkiye bonongna hen okepdena, dekam karek hen dekan syalneibik zeremaemo sosonkan menki auhu kama nak de mamgwen zini. (Habakuk Mo solsol-solsol zen dan dan) ¹² Em san dekan hom orebde langnakye, zen ano biyan Allap, zen en ho lalak zini ? Nen mole e zuwek aiwa biyan, em meseh treibiriraka kimde hatgul su zunhap aiwa biyan em menki kasonabare kwatabna, em meseh lupgulsoneka desa kimde kerek tabi nhip. ¹³ Enonowena serkamde dawemtanganna kimde ertabinhip. Karek kareksa, hen em molee hlulku ertabinni kunna insa bahapde em up hlatanhap boton-boton zini hen sa balkam sa gwera ini zep zi jal jal balkdak zini insa zen serkam de dawem tan na zebon mae onakon ? ¹⁴ Hen, emki zisi yang tasin menki laut nakde berona, hen menki otweran otweranna zen bitdankan etegwenan hom tawanebik ? ¹⁵ Zen iknil anek kitakye in gulksu indekan kailkan dahyok inde kan obwakna hen zen kim tagal nul suk jalakan dekan kim in zen isrepsre gwek hen ailya gweblak. ¹⁶ Dekam zep in, zen biyan sa hen hen nengkan isrep sreneblak hen zen dawem berona dahyolgibik zeremaemo obwak kanye in zep hen zeno maemo kire kirena in, babakna zen hen zenomae tembanena beyana. ¹⁷ Dekam zep in, sah zen sremna obwak zemka hen otan otan nekam damera sik kitak de zi ausu naye hen kwasang gwibiridan sremkan?