¹ Yudas mi Yesus Kristus woi med, Yakobus o diail du yanoo mangsing. Med yuulung ba Timing Lahatala ei yaha du duuin didi o bapi arama Yesus Kristus arahama. ² Duuin we ei yaha ukarang termi tawoil noo hama noohi ei yaha towong loang aring ta. Lahatala Ei Hukung Med Nami Yaha Panene Du Ene ³ No diail balanun we dee na yee bulu lap empiri ala hulu lala med ene ara noo hama illoling pi barapi arahama. Na utanut hiwil-wil, alala med ene we, noohi ibang duuin e iring didi atinoo we utanut arailel atinoo arahama ba med i ene minu elibo yang you eme du med nami Madulung ene. ⁴ Wedee nami oatinoo ara om mi bo dil umadang, aring du nami ba mi turu mi ara teraa angdu wil-wil hukung ene we. Nami ba oatinoo aradang du nami eiming Lahatala anoo o mahene dumi panene aten du a ahala puin om koko du anoo umma. Duuin didi awen mati noohi pi Tuhan Yesus Kristus ba piri nu du nami hulu adail. ⁵ Nei nomadu i yang anoo du lema masi we barapi du ita aholang aring du we Tuhan o sereng balaba aramoin Mesir owaai tadu, Ei anoo il anoo loling noang we ad atain. Bo noang we Ei yuulung ba otinoo aholdang du hama oyo hing anoo nani. ⁶ Duuin didi malaikat-malaikat nun yuulung didi o ba ataaidang ara yuulung ei tanut kurung towong du puin, weling hi yuulung leba yuulung midu mong ataain, wedee ei yuulung du hiwang noolo we puin yuulung apese ara kuaa om mi ara moin kuwu parang mi du u iil- u iil nami ara yang u en mati along yel nu mi duuin hi nami hukung salang. ⁷ Duuin didi Sodom med Gomora woil med bang pelii kenewe ara obong along midu, ara boo du anoo snang ara yaha ahala we panene puit tanut bo ei du anoo ona, bo abuludang aring du otarowi du yawiti wo na ara hulung awail bang mi yang you e me aring du udu dunu du obeng. ⁸ Mong wedee nami oin do duuin, pei duru we oatinoo ahol, yo waha yohiri anoo karoo, noohama du uyaai, noohi noodu nami ebit. ⁹ Mikael du Malaikat o nami turu ei beteng ara yatami mi yara baraang ma Musa oboba minangdu arahama, mating paa ebit du ubang arahama dang, bo mong ubang, noo duuin hi Tuhan yo i ye a riing! ¹⁰ Duuin yo bo yuulung ba ye lap nami onoo yaha ei du nami ebit noo bo otamuyu du yo ahol dang, obu yuulung ahol bo yey tanut du ataai. Mong wedee binanta ba ohuu otanut nani duuin. Aring na dooin duru we yuulung mi poo mitung. ¹¹ Yoha yuulung arahama! Wedee ye abulu ba Kain lolo du yuulung ataai ang noohi aring duru ataai araa you puin atai ara ahala ba Bileam panene du duru eile yuulung yohony wedee iring wail mong wedee Korah duuin. ¹² Yuulung mong wedee nakaroo du obeng ara Perjamuan noo om mi, ara maroo naadi arahama-hama noohi ombaros di aradang, yey yarahama we utanut. Yuulung oarahama lap ara boo nui aradang, ba homi apuwu mong yang hoo. Yuulung du ho arahama ti ba hili he dang duuin ara yel ba mi hili hedu, mini mi olo, noohi weteng yang oaliing mimeng. ¹³ Yuulung du mong wedee bobo loolo tang ariing, puin yo bobomo puin yanoo yaha. Yuulung du mong wedee binanta ba ara waleweng om mi, aring du kuwu parang duru we ei taruung yang mi eme. ¹⁴ Aring nami dooin duru eile Henok, Adam nami rib madulung ara hoo, ¹⁵ Duuin e u alee utaraa ma nami noo towong du arahama; Yuulung ba yara panene du hukung salang ara yuulung opanene aten ara yaaha om mi. Duuin didi yaha ba mating lorong ba yahadu ara ata lolo hoo wedee nami du yaha om mi med Lahatala arahama. ¹⁶ Nami du aring du pee bang karang nami oahala lap karang, noohi yuulung du yo tanut yaha du puin; yuulung du ata mati naami oyaha-yaha we umating oomi du untu lap. Tayom Tapahang Woil Med Nauma ¹⁷ Di ail bala nun ara e yaha ommi, iring duru naba ona we pi Tuhan Yesus Kristus omangsing nun umatingang du uil-uil you mama he. ¹⁸ yuulung yara matingang yo toping ohoo mi, yaha ba ara ommi duru e yuulung yo na ataai. ¹⁹ Yuulung duru we ya noo haang obeng ohowe puin yalahain aten, arapalii mati oyaha we ataai, noohi Homi Madulung du yuulung midang. ²⁰ Duuin yo bo iring noi diail nun kaai mi madang du puin noohi sembayang ara Homi Madulung om mi. ²¹ Owaha ohiri du ubuung ara Lahatala Ei ei yaha du puin duuin e pi Tuhan Yesus kristus adehe adana topong puin araweseng eme dumi. ²² Ama paa bala du med nei anoo dene abang med nami ba dei yom atana he du ene, ²³ Pi loling du med nami beng di ene duuin didi yuulung ba ara awaling awailbung wedu u toto med, noohi noo ba ara yara du yuulung ahowo edunu ara el baros arahama mi, huu tanut yaha palii mati ei yanoo nakaroo duuin ara yuulung owene mi du i u e ariing. Utarain Med Lahatala Arahama ²⁴ ei duru we kawasa puin iring ubuung duuin e i haai muyu ei noohi yuulung ara hoo oleng madulung noodu obong along mi, bo ara yaha karang ommi dang bo ara bad hereng om mi. ²⁵ Ara Lahatala ba atinoo piri nu du tanoo iloling du o kawasa ba yo ara he wed domi yang eme mi eme Abulu.