¹ Paulus ma, mauna Rasul tahi mansia plampa li mansia, li Kristus Yesus laha Allah Bapa una bangkite mane laha mansia mata. ² laha, hilu lalaina leko-leko i mane nala plampa-plampa laha au, ria jamate-jamate li Galatia. ³ Anugerah laha damai sejahtera ria imi hilu Allah Bapa ite laha Tuhan Yesus Kristus. ⁴ nala mae ria lope diri una kasalahang ite una salamate ite hilu zaman nala jahatae hane hanei lahu plampa Allah na kahendak li Bapa ite. ⁵ ria Allah kamuliaang ria salama-lamanya. Amine. ⁶ au herane, kakei-kakei ane kene hilu Yesus, nala kolou li anugerah Kristus, la ane hali ria injil eleta. ⁷ imama, tahi se injil nala eleta. mar, se masa'a mansia mati una kacau imi laha una hali Injil Kristus. ⁸ pitoma, ite la masa'a malekat lai hilu sorga lepa ria imi Injil nala i talapas nala ite lepa ria ane, kutuk ria ane! ⁹ ami hetenu nala laha hane hanei au hetenu peluke, se mansia nala hetenu ria imi injil nala i talapas lahu se nala mae imi supo, manerupu kutuk. ¹⁰ hima hane hanei au narewa mansia pi narewa Allah? li, hima au sala cobai hutua ia mansia? palampa au i una hutua ia mansia, au tahi hamba Kristus. ¹¹ leko-leko, au ingine ane reunu Injil ma nala au lepa tahi Injil una mansia. ¹² au tahi mane ta lope ria mansia, pi au ajare li mansia, mar au supu li Yesus Kristus na pernyataan. ¹³ pitoma, ane panene li hidope tuale hilu Agama Yahudi, au una susah jamat Allah lahu jahate laha una ria pa'aya. ¹⁴ au sangat kamina li halalenu Agama Yahudi, lou ingine kamina palaha mansia-mansia plampa au li akuna bangsa. au rajine halalenu piara matina adate atahina moyang. ¹⁵ pitoma, oras Allah, nala patea au halalenu tia atahina laha kolou au ria Anugerah, himamae ¹⁶ matihetenu nanai halalenu au nala au supu lepa mane li antar mansia-mansia tahi Yahudi, au tahi kakei sali nasihat ria masa'a. ¹⁷ au ta kene li kota Yerusalem ria rupu laha mati nala mae unaya Rasul nala au, nalalai au kene li wilayah Arab laha hali li kota Damaskus. ¹⁸ tilu tahune nala, au kene li kota Yerusalem ria panene lahu Kefas laha rue laha mane hutusua lima pito. ¹⁹ pitoria, au ta kari'i masasilu lai rasul-rasul eleta, riama Yakobus, leko Tuhan. ²⁰ au yakine imi li minanu Allah au ruli ria imi tahi dusta. ²¹ pitoi, au kene li uli Siria laha uli Yudea. ²² au tahi panene ria au ri jamat-jamat halalenu Kristus nala uli Yudea. ²³ mati panene, "mane nala pitoma aniyaya imi, hinei hetenu iman nala pitoma mane coba una pa'aya". ²⁴ mati una puji ria Allah ria au.