¹ Ari Paulus ngau Timotius; Guru Injil ngusung jemaat kudus entang Kristus Yesus te bisik de Filipi bisik ugak ngusung pelayan-pelayan jemaat. ² Kasih karunis ngau damai sejahtera ari Tuhan Allah, Apai kitai, dan ari Tuhan Yesus Kristus bereta kitai. ³ Aku besukur nguai Tuhan Allah pas aku ngingat kitak. ⁴ Entang doa, aku ngingat kitak semua ngau ati gaga. ⁵ Aku besukur nguai Allah ku medak kerja sama kitak nerimak jekuk Tuhan Allah mulai ari meliak sampai ari tuk. ⁶ Aku amat pecayak ngau Yesus te mulai ngereja te baik de tengah kitak, Ia ugak te ngereja ke yak sampai ari penatai Ia. ⁷ Udah senta aku mikir te piak ngusung kitak karna kitak bisik dalam ati aku. baik aku ketengah de rumah tutup (penjara), ke tengah mela dirik udah yak nguat kai Injil, kitak udah jadi kaban belayan aku entang anugerah Allah. ⁸ Allah te nyadi saksi antik aku gauk ngau kitak dalam kasih Yesus Kristus. ⁹ Tuk lah doaku; Moga mek kasih kitak ngau dalam penemu te baik dan dalam macam pemenauk, ¹⁰ Supaya ke kitak milih ni te baik, ngulih ke kitak tulus, nadai bisik penyaik sampai ari Kristus. ¹¹ Penuh ngau buah kebenaran te de kerja kai Yesus Kristus untuk muji-muji Allah. ¹² Menyadik-menyadik ku, penekak aku ngau kitak ngulih kitak ketau ke nama te udah terjadi ngau aku ngemaik te baik, ngemaju kai tutur Tuhan Allah. ¹³ Jadi sapa te bisik entang istana ngau sidak te bukai ketau ke aku de panis (Penjara) karna Injil Kristus. ¹⁴ Mayuh kaban menyadik dalam Tuhan udah percayak karna aku te de panis betamah mangah betutur tentang Firman Tuhan. ¹⁵ Bisik urang te madah Injil Kristus ngau pemedih ati, bisik ugak te madah ke Injil ngau maksud baik. ¹⁶ Sidak madah kai Injil karna kasih, sidak ketauk aku de pajak kalam panis empadai Injil Kristus. ¹⁷ Tapi sidak te bukai karna bisik kepentingan dirik udah yak ngau maksud te nadai amat-amat, sidak ngira sidak udah mulah berat penangung aku dalam panis. ¹⁸ Ulih nadai ngapa, Injil nadai tau nadai alah runtik de padah kai, baik nadai baik ataupun de padah ngau kejujur, aku amat-amat gaga. ¹⁹ Aku ketau karna doa-doa kitak dan karna Yesus Kristus te udah nalau. ²⁰ Te aku gauk kai udah yak aku arap-arap kai entang banyak hal aku nadai malu, baik pas meliak sampai kemaya tuk, ketengah tuk pun Kristus adai tubuh peniau aku, baik aku idup atau aku mati. ²¹ Dalam tubuh peniau ku tuk adalah Kristus kalau mati beruntung. ²² Jadi aku idup kerja natai kai buah layah, jadi apa te aku pilih. ²³ Aku terselepit milih dua pilihan. Aku kak nudi ke hidup tuk sama ngau Kristus, kerana amat baik. ²⁴ Jadi aku berete hiudp di dunia tuk ngau kitak. ²⁵ Aku percaya amat, aku nugau sama-sama ngau kitak semua sampaya aku ketauk kitak maju gaga dalam iman. ²⁶ Aku pulai agik ngusung kitak, pengaga kitak betambah agik dalam Yesus Kristus. ²⁷ Sak ke kitak beguna ke Injil Kristus, baik kala aku datai dan nemu kitak, atau nadai datai, aku ninga kitak bediri teguh entang sutik roh, ngau sutik pemikir sama-sama oleh iman dari Injil. ²⁸ Anang ngengak kai kitak takut oleh lawan kitai yak tau nyuruh kitak rusak, tapi ngau kitak tamak idup te datai ari Tuhan. ²⁹ Sebab kitak bukai angak de berik pecayak ngau Kristus tapi kitak de kumai ngusung ngasa pemedih tamai Ia. ³⁰ Upa pergumulan meliak te kalak kitak pedak, kemaya tuk kitak dinga tentang aku.