Salam dari Paulus agan Timotius ¹ Dari Paulus agan Timotius, hamba Yesus Kristus, akay samua urang kudus dalam Yesus Kristus nya ada di filipi dan akay bala panilik jamaat agan majelis jamaat: ² Anugrah dan damai sejahtera tandai allah, ompai kita, agan tuhan kita Yesus Kristus manyarta ai kolai. ! ³ Aku basukur ka allah ku satiap kali aku maingat kolay. ⁴ Dalam doa ku akay hunit samua aku hala badoa agan sukacita. ⁵ Obay bajuru yang  kolay konyuai dalam pambaritaan injil sejak awal hari sampai sekarang. ⁶ Aku mah sangat yakin obay inya nya udah mamulai pagawian baik diantara hunit inya jam nya paca’an manyampurnaan nya sampai hari Yesus Kristus. ⁷ Udah sapantas nya am aku maasa macam ini agan kolay obay hunin samua ada didalapm hati ku. Baik waktu aku ija dipanjara gai pan pas aku ai mangonyu ai pambelaan agan paneguhan akay injil, kolay udah manjadi mitra agan aku dalam anugrah allah. ⁸ Allah ni am saksi ku, maha salu hatiku agan hunin samua dalam kasih Yesus Kristus. ⁹ Ini am doa ku : kiranya kasih hunin samakin batambah-tambah, agan pangatahu an dan sagala hikmat. ¹⁰ Akay kolay suba mamilih muna yang tabaik; akay diri kolay tulus dan ntah bacacat pada hari Kristus; ¹¹ Agan diponuh ai bala buah kabonaran nya datank malalu ai Kristus Yesus akay kamulian dan pujian akay allah. ¹² Bala samadikan ku, aku hona hunin tahu bahwa apa nya udah tajadi agan  ku justru udah mambaba kamajuan akay injil. ¹³ Sahingga samua pangawal istana dan samua urang bukay tahu bahwa aku maapa dipanjara obay akay Kristus. ¹⁴ Sabagian bosar samadikan sa iman nya samakin parcaya agan tuhan obay pamanjaraan ku ni mambuat lobih barani mangabaran firman allah tanpa rasa gola. ¹⁵ Memasang pan ada jam urang-urang nya mambritaan Kristus obay hiri dan basaing, tapi ada jam nya agan maksud baik. ¹⁶ Sia nya bamaksud baik malakuann nya obay kasih karena sia tahu kalo aku di tompat an disini akay pembelaan injil. ¹⁷ Sedangan nya bamaksud ntah baik, sia malakuannya obay ambisi egois, ntah tulus dan bafikir sia ulih manamah kasusahan pakai ku salam dipanjara. ¹⁸ Jadi jolu apa hasilnya ? Yang penting agan cara apa pan baik agan maksud bapura-pura atau pan bonar, Kristus dibaritaan, dan akay inya ka aku basukacita. Au, aku paca’an salalu basuka cita. ¹⁹ Obay akum aha tahu malalu ai daa-daa hunin pertolongan roh Kristus Yesus apanya udah tajadi agan aku justru paca’an mambebasaskan ku. ²⁰ Bosar harapan ku bahwa ku sama sakali ntah mandapat malu, kabalikannya pan aku manomuaan kabaranian ponuh agan Kristus saat ini dan salalu dimuliaan dalamp tubuhku, baik nya ja hidup atau pun mati. ²¹ Obay bagiku, hidup adalah Kristus dan mati adalah batuah. ²² Seandainya pan, amun aku harue dalamp tubuh ini, bararti aku harus bagawi mahasilan buah jadi, munanya paca’an aku pilih, aku ntah tahu. ²³ aku takopit diantara dua pilihan, kahuna ku ni maningalan hidup ini dan jumpat Yesus, obay inyan jauh lobih baik. ²⁴ Tapi akay kolay, paca’an lobih baguna amun aku hidup dalamp tubuh ini. ²⁵ Agan kaparcayaan ini, aku tahu, aku paca’an diamp agan hunin samua akay kamajuan dan sukacita hunin dalam imam. ²⁶ Amun aku balik lagi ka hunin, nah kabanyaan kolay paca’an batamah dalam Yesus Kristus obay aku. ²⁷ Tapi walau macam inyan, hidup tam agan cara nya baik bonar akai injil Kristus supaya amun aku datank dan batomu kolay, atau pan aku ntah datangk, aku ulih mandinga bahwa kolay totap badirin teguh dalam sabuti roh, sabuti pikiran, akay ba usaha sasama akay iman ka injil. ²⁸ Jangan biaran digagola ai bala lawan hunin, obay inyan adalah tana jolas karusak’an bagi sia, tatapi kasalamatan akay hunin dan tana inyan pan dari tuhan. ²⁹ Bay ana’a Kristus kolay dikarunia ai bilanya hanya akay pacaya ka Yesus, tapi pan akai mandarita jam akai nya. ³⁰ Inya nan panyobab kolay madahan ai bala pangumpulan nya macam kolay tiat akau hadap ay, dan inya sakarang kolay dinga aku ija maalam ay nya.