Disalamatan obae Anugrah ¹ Holuan, kolay mati dalam palangaran-palangaran dalm dosa-dosa kolay, ² .Yang waktu inyan kolay bajalat an jumpat ay jalat dunia, ma jumpat ay panguasa karajaan angin, roh yang wayah ni bagawi diantara ana-ana yang ntah taat. ³ Diantara sia kita samua holu ni pan hidup dalam nafsu kadaging an kita mamuasan ka hona daging dan pikiran kita. Kita ni pada dasarnya bala balank darako, sama uba mansia bukay nya. ⁴ Tapi, allah, yang dampu agan belas kasian dan obay kasihnya yang bosar inyan inya mangasihi kita. ⁵ Dan amun kita mati dalam palangaran-palangan kita, inya mahidup an kita sama gan Kristus, obai anugrah kolay disalamat an, ⁶ Dan inya mambangkit an kita agan inya dan manduduan kita sasama agan inya di tompat surga dalam Yesus Kristus, ⁷ Akay masa hobu lusa dudi ari nya, inya suba manunjuan kamampuan anugrah Nya yang ntah taukur dalam kabaik an Nya ka kita dalam Yesus Kristus. ⁸ Sobab, obay anugrah kolay disalamat an malalui iman dari ini bukai nya dari dirikolay siku, tapi pangonju allah, ⁹ Bila nya hasil usaha kolay akay ntah ada siku pan yang mmanyomakan diri. ¹⁰ Kita ni jawatan allah, dicipta an dalam Yesus Kristus akay malabuhan gawi ang baik yang di siapkan allah sabolum nya akay kita hidup di dalamnya. ¹¹ Oleh inyan, ingat lah obay kolay holu tae lahir sabagai urang kapir, yang disobut “urang ntah basunat,” obay sia yang manyobut diri sabagi “urang basunat”, inya nan yang dilabuhan ka tubuh agan longan mansia. ¹² Ingat lah waktu inya kolay ntah ada Kristus, tapisah agan urang israel dan urang-urang asing bagi kabataan perjanjian yang di janjikan, ntah ada pengharapan dan ntah ada allah dalam dunia ini. ¹³ Tapi, ini ni dalam Yesus Kristus kolay yang holu jauh dan dibaba nyadi damping agan darah Kristus. ¹⁴ Sobab, inya siku adalah damai sejahtera kita yang jadi manjawat kadua bolah pihak manjadi satu dan yang jadi mahancuran tembok permusuhan yang mamisahan, ¹⁵ Agan mahapus permusuhan dalam daging Nya inya nan hukum taurat yang ba isi dan katotap-totap an sampai ka dalam diri Nya nya manjawat kadua nya jadi satu mansia baharu, akay nyadi pardamaian, ¹⁶ Dan mandamai an kadua nya agan allah dengan satu tubuh malalu ay salib, akay mamtian permusuhan. ¹⁷ Inya datang dan mangabaran damai sejahtera ka kolay yang jauh dan damai sejahtera ka sia an yang damping. ¹⁸ Sobab, malalui inya, kita dua ada jalat mansu ka ompay dalam satu roh. ^{21 19} Jadi, kolay bukai lagi urang-urang asing dan pandatang tatapi sasama warga agan urang-urang kudus, dan angota kaluarga allah, ²⁰ Yang didirian atas dasar bala rasul dan bala nabi, Yang didirikan agan dasar bala rasul dan bala nabi, agan Yesus Kristus siku sabagi batu panjuru nya. 21 Dalam Kristus, samua bangunan, tongah disatuan sasama dan batumuh nyadi rumah suci dalam tuhan. ²² Dalam inya, kolay tonga dijawat sasama akay jadi tompat diam allah dalam roh.