¹ Yaveh nisafa tamin'i mosesy. Hoy i hoe: ² " Didio gny vahoakan'Israely mba handroaky gny misy aretin-kolitsy iaby hisitaky ami-gny toby, voho ze misy fery iaby, voho ze maloto tami'ny fikasiha fahy iaby. ³ Ndra ljohary ndra ampela, la aoky henganao hisitaky gny toby rozy. Aoky tsy handoto gny toby rozy,fotony mifitaky ao Zaho." ⁴ La nanao anizay gny vahoakin'Israely. La nengan-drozy hisitaky ami-gny toby rozy, araky gny nandidian' i Yaveh gnan'i Mosesy. La nagneky an'i Yaveh gny vahoakin'ny Israely. ⁵ Nisafa tamin'i Mosesy ndraiky Yaveh. Hoy I: ⁶ " Mirehafa amy vahoak'Israely . Lafa manao fahadisoa gny johary ndra gnampela manahaky gny fifanaovan'ny gnolo, ka tsy matoky gnahy ,la diso zay olo zay. ⁷ Sady tsy maintsy magneky gny fahadisoa zay nataony ie.Tsy maintsy honerany vatany gny vilin'ny gny hadisoany sady hagnampy in-dimy ami-gny viliny .Tsy maintsy hagnome gnanizay amy ze nagnanoovany gny tsy mety ie. ⁸ Fa laha tsy manan-dongo mariny handramby gny onitsy azy nivoan-draha iny, la tsy maintsy honerany agnamiko amin'ny alalan'ny mpisoro gny viliny gny helogny, miaraky amin'ny agnondry raiky ho fagnavota gny vatany. ⁹ Gny fagnatitsy ny vahoakin'Israely iaby, reo raha ze navaha voho nandesy tagny amy mpisoro baka amin'ny vahoakin'Israely, la gnazy iaby. ¹⁰ Reo fagnatitsy gnolo iaby la ho gnan'ny mpisoro; laha misy magnome raha ho gnan'ny mpisoro,la ho gnazy zay". ¹¹ La mbo nivola tamin'i Mosesy ndraiky i Yaveh.Hoy Ie hoe:" ¹² Mivolagna amin'ny vahoakin'i Israely.Ambarao amin-drozy hoe:"Rambeso hoe mifotitsy gny valin'ny gny johary voho nidiso tamin'ny valiny . ¹³ Rambeso hoe fa sy misy johary hafa hiharo fandria aminy.Aminjay la voaloto ie.Ndra la tsy hitan'ny valiny aza zay na hainy gny fomba zay,ka ndra la tsy misy ndra raiky aza mahatratsy gnazy am-pagnanova gnazy ka tsy misy ndra raiky aza mintsanga ho vavolombelo hitory gnazy,14 ndra la zay aza,gny fagnahin'ny famarahia la magnambara mivantany amin'ny johary fa voaloto gny valiny.Kanefa ,gny fagnahin'ny famarahia la ho avy havandy amin'ny gny johary lafa tsy voaloto gny valiny. ¹⁵ Ami-gny raha manahaky gnan'izay,gny johary la tokony handay gny valiny ho agny amin'ny mpisoro.Tsy manitsy manday fagnatitsy hinomy ho gnazy gny valiny.Tsy maintsy handay kobam-bary ampahafolon'ny gny meza ie.Tsy mahazo mandraraky soliky na ditin-kazo magnitsy aminjay ie gnatony fagnatitsy varin'ny farahy zay,fagnatitsy hohany ho famantara gny mety ho fisian'ny fahota. ¹⁶ Aoky hintondra gnazy mariny ka hametraky gnazy agnatrehan'i Yaveh gny mpisoro. ¹⁷ Aoky hangalaky gny sisin-drano nihasiny voho hangalaky lemboky bakamin'ny tanin'ny tabernakely gny mpisoro.Aoky hagnisy gny lemboky ao agnatin'ny gny rano ie. ¹⁸ Gny mpisoro hametraky gny ampela eo agnatrehan-Ndranagnahary ka hamaha gny volo an-dohan'ny ampela igny.Hapetany eo amigny tagnany gny fagnatitsy voan'ny gny fisalasala.Hitanjaky mare gny rano mafaitsy zay mety handay hakeo ami-gny tagnany gny mpisoro. ¹⁹ Hametraky gnampela ho ambanin'ny fifanta gny mpisoro ka hivola agnaminy hoe:"Laha mbo tsy nisy johary hafa niaraky nandry tagnaminao,ka laha tsy nania voho tsy nanao fahalotoa,la ho afaky amy toy rano mafaitsy zay mety handay hakeo toy. ²⁰ Fa laha iha,ampela voafatotsy gny valiny,ro fa nania,ka laha voaloto iha,ka laha nisy johary hafa niaraky nandry tagnamiano, ²¹ la,(tsy maintsy gny mpisoro ro mampanao fifanta zay afaky handay gny hakeo amin'ny ampela igny,ka la tsy maintsy hanao resaky amin'ny ampela igny ie) Yaveh hanao gnanao agnaty ozo zay hatoro ami-gny vahoakinao manahak'izay.La hiseho zay laha ataon'i Yaveh mihalo gny fenao voho hivonto gny tronao. ²² Toy rano zay manday ozo toy la hilitsy ami-gny vavoninao ka hampivonto gny kibonao ka harary gny fotrognanao.La aoky hamaly ampela igny hoe:"Eka,engao hiseho zay laha diso zaho. ²³ Aoky hanoratsy reto ozo reto ao am-gny taratasy gny mpisoro,sady aoky ho lioviny agnaty rano mafaitsy reo ozo voasoratsy. ²⁴ Aoky hampino gny rano mafaitsy ze manday ozo ho gnan'ny ampela igny gny mpisoro.Gny rano ze manday ozo la hilitsy agnatiny ka hanjary hafaitsy. ²⁵ Aoky hangalaky fagnatitsy voan'ny farahy ami-gny tagnan'ny ampela ie.Aoky hitanjaky gny fagnatitsy voaeo agnatrehan'i Yaveh ka handay zay eo ami-gny alitara ie. ²⁶ Ao hangalaky fagnatitsy voa eran'ny tagna ho fagnatitsy fanehoa gny mpisoro, sady handoro zay eo amin'ny alitara. La ao homeny gny ampela gny rano tena magnily mba hinomy. ²⁷ Lafa ameany gnazy rano hinomy igny,laha voaloto fotony fa nanota tami-gny valiny ie,la hilitsy aminy gny rano ze manday gny ozo ka manjary hafaitsy.Hivonto gny sarotrony voho harary gny fontrognany.Ho voahozo eo ami-gn'olony ampela zay. ²⁸ Fa laha tsy voaloto koa ampela zay voho malio ie,la tsy maintsy ho afahy.Sady afaky hanagnanaky ie. ²⁹ Zay ro lalagnan'ny gny farahy.Zay ro lalagna ho gnan'ny gnampela ze mandranto ambaliky ka voaloto. ³⁰ Zay ro lalagna ho gnan'ny gny johary mana eritseritsy farahy lafa mamarahy gny valiny ie.Aoky ie handay gny ampela eo agnantrehan'i Yaveh,ka aoky gny mpisoro hanao aminy ze raha iaby agnatin'ny lalagnan'ny gny farahy io. ³¹ Ka la ho afaky ami-gny fihelofa ami-gny fagnandesa gny valiny teo agnatrehan'ny gny mpisoro gny johary.Aoky handay gny hadisoa ze mety nanagnany gny ampela."