3

¹ Тодазы вайыты соослы кузёосын но кивалтӥсьёсын ог-огдэ гажаса, тэргаськытэк, тупаса мед улозы, дасесь мед луозы котькыӵе ӟеч уж быдэсъяны.

² Урод кылын нокинэ но медаз куаретэ зӥбыт-востэм тупаса улэ вань калыкен.

³ Малы ке шуоно, ми но куке сыӵеесь ик вал, умойтэм малпаськытэк улӥмы, лулмугормылэн котькыӵе куронэзлы рабъёс вал, пӧяськыса, вожъяськыса улӥм, ог-огмес адӟемпотостэм карылим.

⁴ Нош куке адямиослы вуиз жалян но яратон асьмелэн Инмар Утисьмылэн,

⁵ Асьмелэн ӟеч уж лэсьтэменымы Со асьмемыз ӧз утьы, а Аслаз гажано яратонэныз, пыласьконэныз асьмеос выльысь мед вордӥськомы но вылдӥськомы Святой Дух пыр.

⁶ Асьмелы жалятэк Инмар сетӥз Святой Духез Иисус Христос пыр.

⁷ Малы ке шуоно асьмеос шонере, дунлыке мед потомы Солэн яратонэныз, озьы ик асьмелэн осконмы вань быронтэм улонлы люкет басьтом шуыса.

⁸ Та кыл шонер верамын, мон тыныд мылкыд карисько юнматыны, соку Инмарлы оскыны кутскисьёс мед тыршисесь луозы, ӟеч ужъёс лэсьтыны, малы ке шуоно со ӟечлыко но пайдаё луэ.

⁹ Нош валасьтэм споръяськонлэсь, ӵыжы-выжыослэсь кытысь палэнскы, малы ке шуоно со дыр быдтон гинэ но пайдаез ӧвӧл.

¹⁰ Кин осконмез аслэсьтым туга одӥг пол кык пол алыса дышеты, собере палэнскы.

¹¹ Со сӧриськемын, сьӧлыкен улэ, но со ассэ ачиз судэ сётэ.

¹² Куке тон доры келяло Артемез яке Тихикез, ӝоггес лыкты мон доры Никополе, отын мон толзэ уло.

¹³ Сюлмаськы келяны сюрес вылэ законэз тодӥсь Зинаез но Аполосэз, соослы сюрес вылын номырлы но ёрмоно медаз луы.

¹⁴ Асьмелэнъёс но мед дышетскозы ӟеч ужъёс лэсьтыса улыны, мед юртӥськозы ёрмисьёслы, емыштэк медаз соос луэ.

¹⁵ Привет верало тыныд ваньмыз кин монэным ӵош. Привет вера милемыз яратыса осконэн улӥсьёслы. Инмарлэн яратонэз ваньды бордын мед улоз. Аминь.