9
1
Даскыкъёсты ӧтьыса, сётӥз соослы кужым но власть вань демонъёс вылын но висьсьёсты катьяны,
2
но келяз соосты ивортыны Инмарлэсь Царствозэ но катьяны висисьёсты.
3
Но шуиз соослы: номыр но сюрэс вылэ эн басьтэ: боды но, пуйы но, нянь но, коньдон но, воштон дись но;
4
но кыӵе корка пыроды, отчы кыле но отысь сюрес вылэ потэ.
5
Нош тӥледды доразы ӧз ке лэзе, соку, потыса со городысь, куртке сюйзэ пыдысьтыды соослы пумит веран понна.
6
Соос мынӥзы но ветлӥзы гуртъёстӥ, Ӟеч Ивор вераса но котькытын катьяса.
7
Иисуслэн мар лэсьтэмез сярысь кылӥз ньылетӥкузёяськись Ирод но паймиз: уго одӥгъёсыз вераллязы, Иоанн пе кулэмысь улӟем;
8
мукетъёсыз, Илия пе лыктэм, нош мукетъёсыз, узӟыса пе султэм одӥге вашкала пророк.
9
Но шуиз Ирод: мон Иоаннлэсь чыртызэ вандӥ; нош кин Таиз, Кудӥз сярысь мон таӵезэ кылӥсько? Но Иисусэ адӟемез потыса улэ вал.
10
Апостолъёс, бертыса, веразы Солы, мар соос лэсьтӥзы; но Со, басьтыса соосты Бӧрсяз, кошкиз пустыняе, Вивсаида город доры дыштскисьёсыныз гинэ ӵошен люкаськыса.
11
Нош калык, тодыса, Со сӧры мынӧзы; но Со, соосты дораз лэзьыса, вераськиз соосын Инмарлэн Царствоез сярысь но катьяны курисьёсты катьялляз.
12
Нунал ӝытэ матэктыны кутскиз ини. Но даскыкъёс Со доры лыктыса, веразы Солы: лэзь калыкез, соос мед кошкозы матысь гуртъёсы изьыны но сиён басьтыны; уго асьмеос татын пустыняын.
13
Но Со шуиз соослы: тӥ соосты сюдоды. Соос шуизы: милям ӧвӧл вить няньлэсь но кык чёрыглэсь сиёнмы: милемлы мыноно басьтыны сиён вань та калыкъёслы? уго соос вить сюрс пала вал.
14
Со шуиз Аслаз дышетскисьёсызлы: пуктэ соосты быдэн дас вить ӵошен.
15
Соос озьы ик лэсьтӥзы, ваньзэсты пуктылыса.
16
Нош Со, басьтыса вить нянь но кык чёрыг но ӝутыса синъёссэ инме, соосты благословить карыса, тӥялтӥз но дышетскисьёсызлы сётӥз, соос калыкъёслы мед сётчалозы шуыса.
17
Ваньмыз сиизы но ваньиызлэн кӧтсы тыриз; кылемез юдэсъёс дас кык куды лукаськиз на.
18
Одӥгпол, Со огняз вӧсяськыку, дораз дышетскисьёсыз лыктӥзы но Со юаз соослэсь: Монэ кин шуыса калык вера?
19
Соос пумитаз веразы: Иоанн Креститель шуо, нош мукетъёсыз Илия; мукетъёсыс нош шуо улӟыса пе султэм одӥгез вашкала пророк.
20
Со юаз соослэсь: нош тӥ Монэ кинэн лыдъяськоды? Пётр шуиз: Инмарлэн Христосэныз лыдъясько.
21
Нош Со юнматыса ӧз лезь нокинлы но вераны со сярысь,
22
шуыса, Адямилэн Пиезлы пе трос курадӟёно луоз, но Сое палэнтозы старейшинаос, нырысетӥсвященникъёс но книжникъёс, но виемын луоз, но куинь нунал ортчыса улӟыса султоз.
23
Ваньмызлы нош шуиз: кинлэнке Мон сьӧры мынэмез потэ-ке, палэнты астэ ачид, басьты аслысьтыд киростэ, но лык Мон сьӧры.
24
Уго кинлэн утемез потэ аслысьтыз лулзэ, со сое ыштоз; нош кин ыштоз аслысьтыз лулзэ Мон понна, со утёз сое.
25
Уго кыӵе пайда адямилы, кукэ со быдэс дуннеен кузёяськоз, наш аслыз ачиз бырон яке изъян ваёзз?
26
Кин возьдаськоз Мынэсьтым но Мынам кылъёсылэсь, солэсь Адямилэн Пиез но возьдаськоз, Аслаз но Атаезлэн но святой ангелъёсызлэн данэныз лыктыкуз.
27
Зэм тӥледлы верасько: куд-огез татын сылӥсьёс, Инмарлэсь Царствозэ адӟытозь - уз кулэ.
28
Та кылъёсты верамез бере, тямысо нунол ортчем бере, сьӧраз басьтыса Пётрез, Иоаннэз но Иаковез, Со гурезе тубиз вӧсяськыны.
29
Но вӧсяськыкуз ымныр тусбуйыз воштӥськиз, дӥсез чилясь но тӧдьы луиз.
30
Тани, кык пиосмуртъёс верасько Соин, соос Моисей но Илия вылӥллям;
31
данэн лыктыса, соос вераськизы Солэн пумыз сярысь, кудзэ Солы лэсьтоно луоз Иерусалимын.
32
Нош Пётр но соин лыктэмъёс нырулыса сыло; нош, сазьяськыса, адӟизы Солэсь данзэ но Соин валче кык пиосмуртъёсты.
33
Но ку соос кошкыны кутскизы Со дорысь, Пётр шуиз Иисуслы: Дышетӥсь! татын милемлы ӟеч; лэсьток куинь шалаш: одӥг Тыныд, одӥг Моисейлы, одӥг Илиялы, со ачиз но уг вала вал мар вера.
34
Куке со вера вал, пилем вуиз но вужэреныз соосты шобыртӥз. Пилем пушкы шедизы но кышказы.
35
Пилемысь куара кылӥськиз: Та Мынам Яратоно Пие, кылзэ Сое.
36
Куара кылӥськем бере, Иисус огняз кылиз. Нош дышетскисьёсыз чус улӥзы, нокинлы но ӧз вералэ та нуналъёсы, мае адӟизы.
37
Мукет нуналэ, гурезьысь васькемзы бере, Сое трос калык пумитаз.
38
Но тани пиосмурт калык пӧлысь кеськыса вазьылӥз: Дышетӥсь! сюлворыса курисько Тонэ учкы мынам пие шоры, со мынам одӥг гинэ:
39
сое дух пачкатэ, со шӧдтэк шорысь кесяськыны кутске, но коска, ымысьтыз шукы потэ; сое курадӟытыса, мырдэм кельтэ сое.
40
Мон кури вал Тынысьтыд дышетӥсьёсыдлэсь улляны сое, нош соос ӧз быгатэ.
41
Нош Иисус вераз: э, окисьтэм но азэм выжыос! Кӧня мон тӥледын луо но чидоло на?
42
Куке со пияш мынэ вал, бес сезьяз сое но коскатӥз; нош Иисус зӥбломытӥз кырсь духэз, катьяз пияшез, но атаезлы сётӥз.
43
Но ваньмыз паймылӥзы Инмарлэн быдӟымезлы. Куке ваньмыз паймылӥзы ваньмызлы, мар лэсьтэ Иисус, Со шуиз Аслаз дышетскисьёсызлы:
44
сак кылзэ та верамез: Адямиоэсь Пизэ калыклэн киаз сётозы.
45
Нош соос ӧз валалэ та верамез, но со ватэмын вал соослэсь, уго соос ӧз тырше валаны, нош юаны Солэсь верамез сярысь ӧз дӥсьтэ.
46
Соос пӧлын вожвылъяськонъёс кылдӥзы: кин пе бадӟымгес луиз соос пӧлын?
47
Нош Иисус адӟыса соослэн сюлэмысьтызы малпанъёссэ, азяз басьтӥз пиналэз
48
но шуиз соослы: кин принять кароз за пиналэз Мынам нимы понна, со Монэ принять кароз, со Монэ Келясез принять кароз; уго кин тӥ пӧлын ваньмызлэсь пичи, быдӟым луоз
49
Соку Иоанн шуиз: Дышетӥсь! ми адӟимы Тынад нимыныд бесъёсты уллясь адямиез, но ӧм лэзе солы, уго со уг ветлы асьменым.
50
Иисус шуиз: пумит эн луэ, уго кин тӥ пумит ӧвӧл, со тӥ понна.
51
Куке матэктӥзы Солэн та дуннеысь кошыны вуэм нуналъёсыз, Солэн Иерусалиме мынэмез потӥз;
52
Са аслаз азьпалаз ыстӥз келямъёссэ; соос пыризы самаритянъёслэн гуртазы дасяны Солы ваньзэ кулэзэ;
53
но отын принять ӧз каре Сое, уго Со Иерусалиме мынӥсьлы тупа вал.
54
Тае адӥыса, Солэн дышетскисьёсыз, Иаков но Иоанн, шуизы: Кузё-Инмармы! кулэ-а, ми тылэз косом инмысь васькыны но быдтыны соосты, кызьы Илия лэсьтӥз?
55
Нощ Со, соос доры берытскыса, ӧз лезь соосты но шуиз: уд тодӥське, кыӵе духлэсь тӥ;
56
уго Адямилэн Пиез адямиосты быдтыны ӧз лыкты, нош утьыны лыктӥз. Но мукет гуртэ мынӥзы.
57
Одӥгпол, куке соос сюрэс вылын вал, одӥг мурт шуиз Солы: Кузё-Инмаре! кытчы Тон мынод, мон Сьӧрад мыно.
58
Иисус шуиз солы: ӟичыослэн ногуоссы вань, ин тылобурдоослэн но каръёссы вань; нош Адямилэн Пиезлы нокытчы йырзэ шутэтны поныны.
59
Нош мукетызлы шуиз: лык Мон сьӧры. Со шуиз: Кузё-Инмаре! лэзь монэ нырысь мыныны но ватыны мынысьтым кулэм атайме.
60
Нош Иисус шуиз солы: сёт кулэмъёслы ватыны кулэмъёссэс, нош тон мын, Инмарлэсь Царствозэ иворты.
61
Мыкетын шуз: мон мыно Тон сьӧры Кузё-Инмаре! нош нырысь лэзь монэ попрощаться кариськыны ггуртоосыным.
62
Нош Иисус шуиз солы: нокин но геры сьӧры кутскыса, берлань учке ке, оскиськымон ӧвӧл Инмарлэн Царствоезлы.