¹ ۱. ایہہ اوہ برکت اے جہدے نال مرد خدا موسیٰ نے اپنی وفات توں پہلاں بنی اسرائیل نوں دعا دتی۔ ² ۲. اوہنے آکھیا۔ خدا وند سینا توں آیا۔ تے سعیر توں اپنی قوم تے طلوع ہویا۔ اوہنے فاران دے پہاڑ توں جلوہ وکھایا۔ تے مریبہ قادیش وچ آیا۔ اوہدے کھبے ہتھ وچ لانبو وانگ اگ پھُٹ پئی۔ ³ ۳. اوہدے قہر نے قوماں نوں تباہ کردتا۔ اوہدے سارے پاک بندے تیرے ہتھ وچ سن۔ تے اوہ تیرے قدماں وچ بیٹھے۔ اوہناں نے اوہدی گلاں توں چانن پایا۔ ⁴ ۴. شریعت دا حکم جیہڑا اوہنے فرمایا۔ یعقوب دی جماعت اوہدی ملکیت اے۔ ⁵ ۵. تے اوہ یشرون وچ بادشاہ ہویا۔ جدوں قوم دے سردار دتے گئے۔ بنی اسرائیل دے قبیلے کٹھے ہوئے۔ ⁶ ۶. روئبین دے حق وچ اوہنے آکھیا۔ روئبین جیوندا رہوے تے نہ مرے۔ بھانویں اوہدے مرد گھٹ نیں۔ ⁷ ۷. تے یہودہ دے حق وچ اوہنےانج آکھیا اے خدا وند !یہودہ دی سن۔ تے اوہنوں اوہدی قوم کول فیر لیا۔ تیرا ہتھ اوہدے لئی جنگ کرے۔ تے اوہدے دشمناں دے خلاف توں اوہدی مدد کر۔ ⁸ ۸. تے لادی دے حق وچ اوہنے آکھیا لادی کول تیرا تمیم ہووے۔ تیرے اُس پسندیدہ مر کول تیرا اوریم ہووے۔ جنہوں توں منہ تے ازما لتا۔ تے جہدے نال مربیہ دے پانی تے توں لڑیا۔ ⁹ ۹. جنے اپنی ماں دے حق وچ آکھیا۔ کہ میں اوہناں نوں ویکھدا نہیں۔ جنے اپنے بھراواں نوں اپنا نہیں منیا۔ جنے اپنے پتراں توں نہیں پچھانیا۔ پر تیریاں گلاں نوں یاد رکھیا۔ تے تیرے عہد دا دھیان کیتا۔ ¹⁰ ۱۰. اوہ یعقوب نوں تیرے احکام ۔ تے اسرائیل نوں تیرے شریعت سکھاندے نیں۔ اوہ تیرے اگے بخور۔ تے ساڑیاں ہویاں قربانیاں مذبح تے رکھدے نیں۔ ¹¹ ۱۱. اے خدا وند ! اوہدی ملکیت نوں برکت دے۔ تے اوہدے ہتھاں دا کم قبول فرما ۔ اوہدے دشمناں دے پٹاں نوں خراب کر۔ یعنی اوہدے مخالفاں دی ۔ تاں جو اوہ برقرار نہ رہن۔ ¹² ۱۲. تے بنیامین دے حق وچ اوہنے آکھیا خدا وند دا پیار بنیامین اے ۔ سلامتی نال اوہدے کول اوہ رہوے گا۔اوہ سارا دن اوہدی راکھی کردا اے۔ اوہ اوہدے موڈھیاں دےوچ رہندا اے ۔ ¹³ ۱۳. تےیوسف دے حق وچ اوہنے آکھیا اوہدی دھرتی خدا وند ولوں مبارک ہووے۔ اُتے اسمان دے ودھیا تحفے۔ اوہ بحر عمیق نوں جیہڑا تھلے ہے ۔ ¹⁴ ۱۴. سوج دے اگائے ہوئے ودھیا تحفے۔ چن دے پکائے ہوئے ودھیا تحفے۔ ¹⁵ ۱۵. پرانے پہاڑاں دا ودھیا پن۔ سدا رہن آلے ٹبیاں دے ودھیا تحفے۔ ¹⁶ ۱۶. زمیں تے اوہدی ابادی دے ودھیا تحفے۔ تے اوہدی خوشی جیہڑا جھاڑی وچ رہندا اے ۔ یوسف دے سر تے لتھن۔ سگوں اوہدے سر دے گنج توں توں جیہڑا اپنے بھرواں وچ امیر اے۔ ¹⁷ ۱۷. اوہدی شان بلد دے پلیٹھی آلے بچے جہی اے۔ تے اوہدے سنگ جنگلی سنڈھے دے سنگ نیں۔ اوہناں نال ای اوہ ساریاں قوماں نوں۔ سگوں زویں دے اخیر تیکر ساریاں نوں دھکے گا۔ اوہ افرائیم دے لکھاں لکھ ۔ تے منسے دے ہزاراں ہزار نیں۔ ¹⁸ ۱۸. تے زبلون دے حق وچ اوہنے آکھیا۔ اے زبلون توں اپنے باہر جان وچ۔ تے اے یساکر توں اپنے تنبواں وچ خوش رہ۔ ¹⁹ ۱۹. اوہ قوماں نوں اوہناں پہاڑاں تے سددے نیں۔ جتھے اوہ سچائی دیاں قربانیاں چڑہاندے نیں۔ کیوں جو اوہ سمندراں دی فروانی چوپدے۔ تے کنڈھے دے لکے ہوئے خزانیاں نوں کٹھا کردے نیں۔ ²⁰ ۲۰. تے جاد دے حق وچ اوہنے آکھیا۔ مبارک اے اوہ جیہڑا جاد نوں ودھائے۔ اوہ شیر وانگوں لک کے بیٹھیا۔ تے بانہوں سگوں سر وی پاڑ دیندا اے ۔ ²¹ ۲۱. اوہنے پہلا ٹوٹا اپنے لئی چن لتا۔ کیوں جو بادشاہی حصہ اوتھے وکھرا کیتا گیا سی۔ اوہ قوماں دے سرداراں دے نال آیا۔ اوہنے خدا وند دی سچائی۔ تےب اسرائیل نال اوہدیاں قضاواں نوں پورا کیتا۔ ²² ۲۲. تے اوہناں دے حق وچ اپس نے آکھیا۔ دان شیر دا وہ بچہ اے ۔ جیہڑا باشان توں کُد کے آندا اے۔ ²³ ۲۳. تے نفتالی دے حق وچ اوہنے آکھیا۔ اے نفتالی توں جو رضا مندی نال رجیا ہویا۔ تے خدا وند دی برکت نال بھریا ہویا اے۔ اوہ لہندے تے دکھن دا مالک اے۔ ²⁴ ۲۴. تے آشیر دے حق وچ اوہنے آکھیا۔ آشیر پتراں دے وچ ساریاں نالوں مبارک ہووے۔ اوہ اپنے بھراواں وچ زیادہ مشہور ہووے۔ اوہ اپنے پیرتیل وچ ڈوبے۔ ²⁵ ۲۵. تیرے بینڈے لوہے تے پتل دے ہون گے۔ تے دناں دی اخیر تیکر تیرا سکھ قائم ہووے۔ ²⁶ ۲۶. یشرون دے رب ورگا کوئی وی نہیں۔ جیہڑا فضا سگوں بدلاں تے ۔ بڑی شان نال سوار ہو کے تیری امداد لئی آوے۔ ²⁷ ۲۷. ازلی خدا تہاڈی چھپن دی تھاں اے۔ تے ابدی بانہوں ہیٹھاں نیں۔ اوہنے دشمن نوں تیرے ساہمنیوں کڈھ دتا۔ تے آکھیا پئی "مار دے۔ ²⁸ ۲۸. سو اسرائیل سلامتی نال ۔ تے یعقوب دا سوما کلا۔ کنک تے مے دی دھرتی وچ وسے گا۔ تے اوہدے لئی انبر توں تریل پوے گی۔ ²⁹ ۲۹. مبارک ایں توں اے اسرائیل ! خدا وند دی بچائی ہوئی قوم – کون تیرے وانگ اے۔ اوہی تیرے سہارے دی سپر۔ تیری شان دی تلوار ہے۔ تیرے دشمن تیرے اگے عاجزی کرن گے۔ تے توں اوہناں دیاں اُچائیاں نوں پیراں ہیٹھ رولیں گا۔