¹ ۱۔ اے پرائیو، ساڈے لئی دُعا کرو پئی خُدا دا کلام اینی چھیتی ساریاں تک پہنچ جاوے تے جلال پائےجس طرح تواڈے تک پہنچیا اے۔ ² ۲۔ آڑے ٹیڈے لوکاں توں اسی بچے رہیئے ایس لئی پئی سارے لوکاں وا ایمان نہیں۔ ³ ۳۔پر خُدا سچا اور وفادار اے۔ او توانوں طاقتور بنا کے قائم رکھے گا۔ نالے بدکاراں توں بچاوے گا۔ ⁴ ۴۔ خُداوند وچ سانوں تواڈے اُتے پکا اعتبار اے۔ جہیڑا وی حُکم اسی توانوں دینے آں اوہدے تے تُسی عمل کرو، تے نالے کر دے وی رہوو گے۔ ⁵ ۵۔ خُداوند تواڈے دلاں نوں خُدا دے پیار ، نالے یُسوع دے صبر ول ہدائیت کرے۔ ⁶ ۶۔ اے پرائیو، ہُن توانوں اپنے خُداوند یُسوع مسیح دا ناں لے کے ایہ حُکم دینے آں کہ تُسی ایہو جئے پرا توں ہٹ کے رہوو جہیڑا بے اصول تے سُست زندگی گذار دا اے۔ اوناں رواجاں نوں نہیں مندا جہیڑے توانوں ساڈے ولوں ملے نے۔ ⁷ ۷۔ کیوں جو توانوں آپ پتہ اے پئی کس طراں ساڈے وانگ بننا اے۔جدوں اسی تواڈے وچ رہندے ساں ، اوناں وانگ نہیں ساں جناں نوں رہن دے مت نہ ہووے۔ ⁸ ۸۔ کسے دی روٹی مفت خوریاں وانگ نہیں کھاندے ساں بغیر اونوں اوہدی لاگت دین دے۔ اسی دن رات سخت محنت کر کے سختیاں سہہن دے عادی بن کے، ویکھدے سان پئی اسی کسے تے بوجھ تے نہیں۔ ⁹ ۹۔ایہ سارا ایس لئی نہیں کہ ساڈے کول کوئی اختیار نہیں سی۔ بلکہ ایس لئی سی کہ اسی تواڈے لئی اک نمونہ بنئیے۔ تاں جو تُسی ساڈے وانگو بن سکو۔ ¹⁰ ۱۰۔ جدوں اسی تواڈے کول ساں ، اسی توانوں ایہو دسدے ساں پئی جنے کم نہیں کرنا، اونوں کھان دا حق نہیں۔ ¹¹ ۱۱۔ ساڈے سُنن وچ آیا اے کہ تواڈے وچ کجھ بے راہ روی نال چلدے نے۔ کوئی کم نہیں کر دے۔ دوجیاں دے کم وچ روڑے اٹکون وچ اگے اگے نے۔ ¹² ۱۲۔ایہو جیاں نوں خُدا وند یُسوع مسیح وچ ہو کے ایہ حُکم دیندے آں کہ چُپ پاپ ہو کے کم کرن تے اپنی روٹی کھان۔ ¹³ ۱۳۔ تے تُسی پرائو، نیک کم کرن توں دل نہ چھڈو۔ ¹⁴ ۱۴۔جے کوئی ساڈے ایس خط دی گل نیں مندا تے اونوں دھیان وچ رکھو۔ اوہدے نال لین دین چھڈ دوتاں جو او شرمندہ ہووے۔ ¹⁵ ۱۵۔پر ا نوں دُشمن نہ جانیو بلکہ پرا سمجھ کے اونوں سمجھاو۔ ¹⁶ ۱۶۔ کاش امن چین دا خُداوند آپ توانوں ہمیشہ امن چین وچ رکھے۔ خُدا وند تواڈے نال رہووے۔ ¹⁷ ۱۷۔میں پولوس ، توانوں ساریاں نوں اپنے ہتھ نال سلام لکھدا واں۔ میرا لکھن دا ایہو طریقہ اے۔ ¹⁸ ۱۸۔ساڈے خُداوند یُسوع مسیح دا فضل تواڈے ساریاں تے ہوندا رہووے۔