¹ Zanji kanonzi, mwemwe mwewa wotoke, lilani nukupongomoka umulandu wamatamyo yano yakwiza pakwe mwemwe. ² Insawo zyinu zyawola, nivizwalo vyinu vyalyeka nawa guluguswa. ³ Egolide winu ne siliva winu wasyusyuwuka nga ulusima lwawo aliwa we kasimichizya kwakwe mwemwe.Vililya umuwili winu vino amulilo. Mwati musunga insawu zyinu mumanda yampelelechezya. ⁴ Lolani, ivilipwa vino mwasunzile ukufuma kuwawonvi wano wasinzanga muchalo chinu wakuwalilila. Ukulila kwa wakasinza ⁵ kwafika muma kutwi ya Mfumu ya mawumba. Mwati mwikala muwuwotoke munsi yapansi nukuyikusya mwenga. Mwati mwinia imyenzo yinu pawanda wakukoma. ⁶ Mwati mumusula nukukoma umuntu umulungamane. Atakuwakania mwemwe. ⁷ Wani awakuzizimichizya, apano, wamunyina, ukufichila ukwiza kwa Mfumu. Ulole vino umulimi akulindilila ichikomwa ichiyembe kumusili nga azizmichizya kwakwe chocho, ukufichila yapochelela imvula yantaliko niyakulechelezya. ⁸ Mwemwe, namwenye, wani awakuzizimichizya. Womyaani imyenzo yinu umulandu ukwiza kwa Mfumu kwapalamila. ⁹ Mutadandawula, amunyina, we numuwuye, ukuti mutize mupanzwe. Lola, ekapanzya ayimilile pamulyango. ¹⁰ Sendani chilolelo, wamunyina, ku ntamyo nukuzizimichizya kwawa kasesema, wawo wano wavwanzile mwi zina lya Mfumu. ¹¹ Lola, tukuwasenda wawo wano wajimbilizizye ukuwa awapepwe. Mwivwile ukuzizimichizya kwakwe Jobo, nga mumanyile imfundo ya Mfumu, vino ali nichililizi nuwila. ¹² Papela pakwevyonsi, wamunyina, mutati mwalapa, nanti akwiyulu pamwi kunsi, pamwi ichilapo ichili chonsi. Nkano fwendi, lekani minso yinu"molimo"usule "'Molimo" ne Awe" wako" usule"Awe," Achino utaponela mwipanzyo. ¹³ Wuzye pali wumwi uwe mwakwe mwemwe akutamika uwuwome? Lekani weni apepe. Wuzye pali uwa nsansa? Lekani weni imbe amalumbo. ¹⁴ Wuzye wumwi mwakwe mwemwe amulwale? Lekani weni ite wasongo wikeleziya, nga lekani wamupepelele. Lekani weni wamupake amafuta mwizina lya Mfumu. ¹⁵ Ipepo lyawisuwilo likwizu kupozya umuntu mulwale, nga ne Leza akwizu kumukatusya. Ndi atazile imbembu, Leza akwizu kumutetela. ¹⁶ Achino zumilizyani imbembu kwewe numuwuye nukupepelana we numuwuye ukuti mupole. Ipepo lya muntu umulungamane alya maka nkani mumiwombele yakwe. ¹⁷ Elisha walinji amuntu vino sweswe. Wapefile umwakuyikungula ukuti yitatonya, nga yitatonyile munsi imyaka yitatu ni myezi mutanda. ¹⁸ Apano Elisha wapefile swinya. Imyulu yapile imvula, nga ninsi yafumizye ivikomwa vyakwe. ¹⁹ Wanyinane, ndi wumwi mwakwe mwemwe ukusowa akufuma kuwuchisinka, nga ndi wumwi wamunyosya, ²⁰ umuntu weyo azipizile amanye kuno wensi wino wamunyosya umuwembuke ku nzila yakwe yawusowe ali mupususya weni kumfwa nga alikupichila imbembu zya mpendwa inkulu.