18

1 ἐν ἐκείνῃ τῇ ὥρᾳ προσῆλθον οἱ μαθηταὶ τῷ Ἰησοῦ λέγοντες , τίς ἄρα μείζων ἐστὶν ἐν τῇ |x-tw="rc://*/tw/dict/bible/kt/kingdomofgod" Βασιλεία τῶν Οὐρανῶν ? 2 καὶ προσκαλεσάμενος παιδίον , ἔστησεν αὐτὸ ἐν μέσῳ αὐτῶν 3 καὶ εἶπεν , ἀμὴν , λέγω ὑμῖν , ἐὰν μὴ στραφῆτε καὶ γένησθε ὡς τὰ παιδία , οὐ μὴ εἰσέλθητε εἰς τὴν |x-tw="rc://*/tw/dict/bible/kt/kingdomofgod" Βασιλείαν τῶν Οὐρανῶν . 4 ὅστις οὖν ταπεινώσει ἑαυτὸν ὡς τὸ παιδίον τοῦτο , οὗτός ἐστιν ὁ μείζων ἐν τῇ |x-tw="rc://*/tw/dict/bible/kt/kingdomofgod" Βασιλεία τῶν Οὐρανῶν ; 5 καὶ ὃς ἐὰν δέξηται ἓν παιδίον τοιοῦτο ἐπὶ τῷ ὀνόματί μου , ἐμὲ δέχεται .

6 ὃς δ’ ἂν σκανδαλίσῃ ἕνα τῶν μικρῶν τούτων τῶν πιστευόντων εἰς ἐμέ , συμφέρει αὐτῷ ἵνα κρεμασθῇ μύλος ὀνικὸς περὶ τὸν τράχηλον αὐτοῦ , καὶ καταποντισθῇ ἐν τῷ πελάγει τῆς θαλάσσης . 7 οὐαὶ τῷ κόσμῳ ἀπὸ τῶν σκανδάλων ! ἀνάγκη γὰρ ἔστιν ἐλθεῖν τὰ σκάνδαλα , πλὴν οὐαὶ τῷ ἀνθρώπῳ δι’ οὗ τὸ σκάνδαλον ἔρχεται !

8 εἰ δὲ ἡ χείρ σου ἢ ὁ πούς σου σκανδαλίζει σε , ἔκκοψον αὐτὸν καὶ βάλε ἀπὸ σοῦ ; καλόν σοί ἐστιν εἰσελθεῖν εἰς τὴν ζωὴν κυλλὸν ἢ χωλόν , ἢ δύο χεῖρας ἢ δύο πόδας ἔχοντα , βληθῆναι εἰς τὸ πῦρ τὸ αἰώνιον . 9 καὶ εἰ ὁ ὀφθαλμός σου σκανδαλίζει σε , ἔξελε αὐτὸν καὶ βάλε ἀπὸ σοῦ ; καλόν σοί ἐστιν μονόφθαλμον εἰς τὴν ζωὴν εἰσελθεῖν , ἢ δύο ὀφθαλμοὺς ἔχοντα βληθῆναι εἰς τὴν Γέενναν τοῦ πυρός .

10 ὁρᾶτε μὴ καταφρονήσητε ἑνὸς τῶν μικρῶν τούτων ; λέγω γὰρ ὑμῖν , ὅτι οἱ ἄγγελοι αὐτῶν ἐν οὐρανοῖς , διὰ παντὸς βλέπουσι τὸ πρόσωπον τοῦ Πατρός μου , τοῦ ἐν οὐρανοῖς . 11 1 [ Ἦλθεν γὰρ ὁ υἱὸς τοῦ ἀνθρώπου σῶσαι τὸ ἀπολωλός .] 12 τί ὑμῖν δοκεῖ ? ἐὰν γένηταί τινι ἀνθρώπῳ ἑκατὸν πρόβατα , καὶ πλανηθῇ ἓν ἐξ αὐτῶν , οὐχὶ ἀφείς τὰ ἐνενήκοντα ἐννέα ἐπὶ τὰ ὄρη , καὶ πορευθεὶς ζητεῖ τὸ πλανώμενον ? 13 καὶ ἐὰν γένηται εὑρεῖν αὐτό , ἀμὴν , λέγω ὑμῖν , ὅτι χαίρει ἐπ’ αὐτῷ μᾶλλον ἢ ἐπὶ τοῖς ἐνενήκοντα ἐννέα τοῖς μὴ πεπλανημένοις . 14 οὕτως οὐκ ἔστιν |x-tw="rc://*/tw/dict/bible/kt/willofgod" θέλημα ἔμπροσθεν τοῦ Πατρὸς ὑμῶν , τοῦ ἐν οὐρανοῖς , ἵνα ἀπόληται ἓν τῶν μικρῶν τούτων .

15 ἐὰν δὲ ἁμαρτήσῃ εἰς σὲ ὁ ἀδελφός σου , ὕπαγε ἔλεγξον αὐτὸν μεταξὺ σοῦ καὶ αὐτοῦ μόνου . ἐάν σου ἀκούσῃ , ἐκέρδησας τὸν ἀδελφόν σου . 16 ἐὰν δὲ μὴ ἀκούσῃ , παράλαβε μετὰ σοῦ ἔτι , ἕνα ἢ δύο , ἵνα ἐπὶ στόματος δύο μαρτύρων ἢ τριῶν , σταθῇ πᾶν ῥῆμα . 17 ἐὰν δὲ παρακούσῃ αὐτῶν , εἰπὲ τῇ ἐκκλησίᾳ . ἐὰν δὲ καὶ τῆς ἐκκλησίας παρακούσῃ , ἔστω σοι ὥσπερ ὁ ἐθνικὸς καὶ ὁ τελώνης . 18 ἀμὴν , λέγω ὑμῖν , ὅσα ἐὰν δήσητε ἐπὶ τῆς γῆς , ἔσται δεδεμένα ἐν οὐρανῷ , καὶ ὅσα ἐὰν λύσητε ἐπὶ τῆς γῆς , ἔσται λελυμένα ἐν οὐρανῷ . 19 πάλιν ἀμὴν , λέγω ὑμῖν , ὅτι ἐὰν δύο συμφωνήσωσιν ἐξ ὑμῶν ἐπὶ τῆς γῆς περὶ παντὸς πράγματος , οὗ ἐὰν αἰτήσωνται , γενήσεται αὐτοῖς παρὰ τοῦ Πατρός μου , τοῦ ἐν οὐρανοῖς . 20 οὗ γάρ εἰσιν δύο ἢ τρεῖς συνηγμένοι εἰς τὸ ἐμὸν ὄνομα , ἐκεῖ εἰμι ἐν μέσῳ αὐτῶν .

21 τότε προσελθὼν , ὁ Πέτρος εἶπεν αὐτῷ , Κύριε , ποσάκις ἁμαρτήσει εἰς ἐμὲ ὁ ἀδελφός μου , καὶ ἀφήσω αὐτῷ ? ἕως ἑπτάκις ? 22 λέγει αὐτῷ ὁ Ἰησοῦς , οὐ λέγω σοι ἕως ἑπτάκις , ἀλλὰ ἕως ἑβδομηκοντάκις ἑπτά !

23 διὰ τοῦτο ὡμοιώθη ἡ |x-tw="rc://*/tw/dict/bible/kt/kingdomofgod" Βασιλεία τῶν Οὐρανῶν ἀνθρώπῳ βασιλεῖ , ὃς ἠθέλησεν συνᾶραι λόγον μετὰ τῶν δούλων αὐτοῦ . 24 ἀρξαμένου δὲ αὐτοῦ συναίρειν , προσηνέχθη εἷς αὐτῷ ὀφειλέτης μυρίων ταλάντων . 25 μὴ ἔχοντος δὲ αὐτοῦ ἀποδοῦναι , ἐκέλευσεν αὐτὸν ὁ κύριος πραθῆναι , καὶ τὴν γυναῖκα , καὶ τὰ τέκνα , καὶ πάντα ὅσα εἶχεν , καὶ ἀποδοθῆναι . 26 πεσὼν οὖν ὁ δοῦλος προσεκύνει αὐτῷ λέγων , Κύριε , μακροθύμησον ἐπ’ ἐμοί , καὶ πάντα ἀποδώσω σοι . 27 σπλαγχνισθεὶς δὲ , ὁ κύριος τοῦ δούλου ἐκείνου ἀπέλυσεν αὐτόν , καὶ τὸ δάνιον ἀφῆκεν αὐτῷ . 28 ἐξελθὼν δὲ , ὁ δοῦλος ἐκεῖνος εὗρεν ἕνα τῶν συνδούλων αὐτοῦ , ὃς ὤφειλεν αὐτῷ ἑκατὸν δηνάρια , καὶ κρατήσας αὐτὸν ἔπνιγεν λέγων , ἀπόδος εἴ τι ὀφείλεις . 29 πεσὼν οὖν , ὁ σύνδουλος αὐτοῦ παρεκάλει αὐτὸν λέγων , μακροθύμησον ἐπ’ ἐμοί , καὶ ἀποδώσω σοι . 30 ὁ δὲ οὐκ ἤθελεν , ἀλλὰ ἀπελθὼν , ἔβαλεν αὐτὸν εἰς φυλακὴν , ἕως οὗ ἀποδῷ τὸ ὀφειλόμενον . 31 ἰδόντες οὖν οἱ σύνδουλοι αὐτοῦ τὰ γενόμενα , ἐλυπήθησαν σφόδρα , καὶ ἐλθόντες διεσάφησαν τῷ κυρίῳ ἑαυτῶν πάντα τὰ γενόμενα . 32 τότε προσκαλεσάμενος αὐτὸν ὁ κύριος αὐτοῦ λέγει αὐτῷ , δοῦλε πονηρέ , πᾶσαν τὴν ὀφειλὴν ἐκείνην ἀφῆκά σοι , ἐπεὶ παρεκάλεσάς με . 33 οὐκ ἔδει καὶ σὲ ἐλεῆσαι τὸν σύνδουλόν σου , ὡς κἀγὼ σὲ ἠλέησα ? 34 καὶ ὀργισθεὶς , ὁ κύριος αὐτοῦ παρέδωκεν αὐτὸν τοῖς βασανισταῖς , ἕως οὗ ἀποδῷ πᾶν τὸ ὀφειλόμενον . 35 οὕτως καὶ ὁ |x-tw="rc://*/tw/dict/bible/kt/godthefather" Πατήρ μου ὁ οὐράνιος ποιήσει ὑμῖν , ἐὰν μὴ ἀφῆτε ἕκαστος τῷ ἀδελφῷ αὐτοῦ ἀπὸ τῶν καρδιῶν ὑμῶν .

1Some ancient manuscripts include verse 11.