¹ Pwu yale khatale isikhu inchavula munchi pwu khwale neinjala mukheilunga, nu munu oamo va mu Bethelehemu ya Yuta alutile mukheilunga khya khu Moabu paninie nudala navana vaveilei avadeemi. ² Ou munu ounywa eilitavwa lya mwene ale vei elimemekhi nei litavwa lya vei elimenyu nei litavwa lya mwene va mwene ale vei Naomi. Amatavwa ngha vana va mwene vale vou va mahiloni nu kilioni, vale Vankei vombukhu khya Eflaimu mu Bethelehemu ya mbou yutavafikhe mukheilonga eikhya mu moabu nukhutama ukhwa. ³ Pwu leino u Elimeleki, unghosi va Naomi, akhafwa, uNaomi, pwakhava ifwele na vana vamwene avadeemi vaveilei. ⁴ Avana ava vakhatoola avadala avamu Moabu; eitavwa lya dala umo ale vei Olipa, neilitavwa lya yunge ale vei Luti. Vatamila ukhwa eimyakha kumi. ⁵ Pwu leino avana vala vavaveili u Kilioni nu Mahiloni vakhafwa puvakhandekha uNaomi kheinchila nghosi na vadala vavo vuvaveilei kheinchila. ⁶ Pwu leino uNaomi akhalamula ukhuhengha khu Moabu paninie na vadala vavana va mwene ukhuvuya khumyave khuvu yuta pakhuva apulikhe ukhuta khu Moabu uYahweh avatangile avanu va mwene mbupala nu khuvapa eikhyakhulya. ⁷ Pwu lieno akhahengha ukhuale navadala vavana vamwene vuvaveilei nava einjila eiyiluta khuvu Yuta. ⁸ Pwu leino uNaomi akhavavula avaka mwana akhata, "Mlulanghe muvuanghe nuyunge khumiave khwavanina. Untwa avavombele inonu umwe nduvumuvavombile inonu anghosi veinyo avafweele hangena yune. ⁹ Unguluve aveimeile umwe muvevenyu khukekha nuyunge munyumba eiyanghosi kyunge uviyakhiva mutolivwa nuyunghe nunghosi. ¹⁰ Pwu avile anchovilendavule akhavankiba naveene puvakhalaila fincho vakhata, "Hata! Ndeili twivuya paninie nouve khuva lukololyo." ¹¹ Pwu uNaomi akhata, "Muvuyanghe vanangho! Khyukheikhi ukhukongana nouni? Pwu une neileinavana avadeimi avange nditumbu lyango avanyakhuva vanghosi veinyo? ¹² Umwe vaanango, muvuyange nuyounge khumiave pakhuva une leino neileinghongholo fincho ukhuta yaniva nunghosi. Neingave iita nihouveila ukhuva nounghosi eikeilo eiyei punekhe neihole umwana udeemi, puyamunghuleila nekhe ankule? ¹³ Pwuyamunghuleila kheitavuukha leino? Hata ndeili vanango yeikhundeancha fincho ukhuluteila ulunsunsuvalo lweinyo ulwakhuva eikheivookho khya Yahweh kheiluteilei vounge noune." ¹⁴ Pwu avakamwana vamwene vakhaleila khange vakhoveela. Olipa akheilangha nukhweinchiba, u Lyti akhava paninie nu Naomi. ¹⁵ U Naomi akhata lola udala niino avuyile khuvalukololwe hange na khwa Nguluve va mwene, pwu lieno na yuve uvuyanghe paninie nu mwene." ¹⁶ Luti akhata ulekhe ukhusimalincha ukhuta neikongane nave ukhusielincha ukhuta neikongane nave pakhuva ukhuvwiluta ouve nayune nilulangha, upwuvutama ouve nayune nitamangha; avanu vakho viveenchangha vanu vango nayu Nghuluve vakho iveenchangha Nghuluve vango. ¹⁷ Pala upwayakhiva vwiifwa nayune pwunifwiichangha bahapo hange bahapo nayune pwunisyieliwangwa. Untwa ambombele ndavule nukhuluteila, pwu uvufye vweene vyuvukhutule khesania une nuve. ¹⁸ U Naomi avile avweene u Luti alavuwile ukhuva paninie, numwene akhadungha ukhubenchana nave. ¹⁹ Pwu leino vwuvaveilei vakhanghenda impakha upwuvinchifikha mbunchangha uvwa mu Bethelehemu. Pwu leino vavile vafikhe khu Betelehemu avanu vooni avambunchenghe vula vakhaswingha pwu navavadala aka mu Betelehemu vakhavunchana ukhula uyu ndavei Naomi?" ²⁰ Pwu umwene akhata mlekhe ukhunyie langa Naomi munyeilangangha mara pakhuva Untwa Unghuluve ambombile imbombo inchilemancha fincho. ²¹ Nialutile vunedeinghile pwuleino Untwa ang'ilivwile kheivula khinu khukaya vooni neileivuvule. Pwuleino kheikhi mukhunyeilanga Naomi, vwumwilola ukhuta uYahweh ambungile uluvunghu?" ²² Pwu leino uNaomi nu Luti uva mu Moabu, ukamwanave vavuyile ukhuhuma khukhilunga eikhya mu Mmoabu vakhavuya khu Betelehemu mumbubeni uvutanchi uvwangongilwe.