12

¹ Tuhan bilang ke Abraham; "Ko kasi tinggal ko pu tanah lahir, ko kasi tinggal ko pu sodara-sodara, ko keluar dari ko pu bapa ko pu rumah dan ke negeri yang akan Aku kasi tunjuk ke Ko."

⁴ Maka, Abram pigi kasi tinggal Haran sperti yang Tuhan bilang ke dia, Lot juga ikut dengan Abram. Waktu Abram kasi tinggal Haran, de pu umur su 75 tahun ⁵ Abram bawa de pu istri, Sarai, de pu keponakan Lot dengan smua harta yang dong su kumpul, juga de orang-orang yang de dapat di Haran, habis itu dorang smua menuju ke Kanaan. ⁶ Abram de jalan sampe ke satu tempat yang namanya Sikhem, dekat pohon tarbantin di More. Saat itu su ada orang yang tinggal di Kanaan ⁷ Kemudian, Tuhan kasi tunjuk diri ke Abram dan bilang; "Aku akan kasi negeri ini ke ko pu keturunan", maka Abram bikin altar untuk sembah Tuhan, yang kasi tunjuk diri ke Abram disana. ⁸ Dari tempat itu, Abram de pindah ke gunung di seblah Timur Betel dan de bikin kemah disitu, di antara Betel di Barat dan Ai di Timur, trus Abram bikin tempat untuk de berdoa ke Tuhan. ⁹ Habis itu, Abram de jalan trus ke tanah Negeb.

¹⁰ Kemudian, ada bencana kelaparan yang hebat di kampung itu, jadi untuk sementara waktu Abram de pigi tinggal disana. ¹¹ Waktu suda mo dekat Mesir, Abram de bilang ke Sarai de pu istri; "Dengar, sa kasitau, ko perempuan yang cantik". ¹² dan kalo orang Mesir lihat ko, dorang akan bilang; "Itu de pu istri", trus dong bunu sa baru kasi tinggal ko hidup. ¹³ Jadi nanti ko bilang ke dorang, kalo ko itu sa pu sodari spaya dorang baik ke kitong dua, juga untuk sa pu keselamatan. Ini demi ko saja. ¹⁴ Waktu Abram dorang masuk ke Mesir, orang-orang disitu dong lihat Sarai itu perempuan yang cantik ¹⁵ Dan, waktu beberapa pegawai Firaun dong lihat Sarai, dorang puji-puji dia di depan Firaun, bikin sampe Sarai dorang bawa ke istana Firaun. ¹⁶ Demi Sarai, Firaun de bikin baik Abram, de kasi domba, sapi, unta, keledai betina, dan budak laki-laki dan perempuan. ¹⁷ Tapi, gara-gara Sarai, Tuhan bikin penyakit yang banyak untuk Firaun dan smua yang ada dalam istana. ¹⁸ Karna itu, Firaun panggil Abram baru de bilang "Apa yang ko bikin ke sa? Knapa ko tra bilang kalo Sarai itu ko pu istri?" ¹⁹ 19. Knapa ko bilang "Sarai ini ko pu sodara, bikin sampe sa ambil dia jadi istri. Ini ko pu istri, ambil dia baru pigi." ²⁰ 20. Kemudian, Firaun bilang ke de pu orang-orang, dorang pigi antar Abram keluar dari Mesir, deng Sarai, dan dorang pu barang-barang smua.