¹ Mubhe amiso mtabhombaje uwinza winyu pa bhantu anga bhabhalole, shinisho temuhapate na khamukufuma kwa Tata wali kumwanya. ² Ishilelo anga ukufumwa utayi vwinsyaje kuyibada wunewe mtayitutumlaje inzavwe bhakukhonzya abhantu bhabha pale. Yoli inkubhabhuzya, kuti bhaposheleye amalipo gabho. ³ Yoli iwe wukufumwa, inyobhe iya kumongo itakhamanye vukufumwa kunyobhe iya kundilo, ⁴ khukufumwa akhinza ufumwaje kukwinu. Pe Utata waho wakulola kukwilu alikupa amalipilo gakho.

⁵ Khabhili we mkuputa, mutayi pimbili khage ilenga, kuyigana kwimilila na kuputa mmakanisa na mnzyangulila msogela, anga bhati abhantu bhabhenyaje. Lyoli inkubhabhuzya kuti bhaposheleye amalipo gabho. ⁶ Yoli iwe, anga ukuputa, yinjila kukasi. Galila umlyango, upute kwa Tata wali kukwilu. Pelelo uTata wakho wali kukwilu akukupa amalipilo. ⁷ Anga ukuputa utagalushilaje galushilage zyeka zizyo anzashebhaku bhomba anzashebhata nulwitikho kwa mulungu bhakusibha kuti umulungu atibhivwe kumazyi gabho aminji. ⁸ Mtabhanje inzabhene, kunongwa ye Utata winyu amanyile vwe mbhuliliwe pope we mshili kumlabha. ⁹ Imwe mputaje mtinji: Tata witu wuli kumwanya, itawa lyaho lyimishilwaje. ¹⁴ Anga mwabha tuyila abhantu imbibhi zyabho, uTata witu wali kumwanya pakubhatuyila nimwe. ¹⁵ Anga mtanga bhatujila imbibhi zyabho, uTata witu atangatutuyila imbibhi zyitukha.

¹⁶ Kuganago gonti, wuyimile kulya, utalolesyaje kuti uswimiliye pamiso inshe abhasita lwitikho bhakubhomba, bhakukintana pamiso anga abhantu bhamanyaje kuti bhayimile. Lyoli inkulonga, kuti bhaposheleye amlipilo gabho. ¹⁷ Ilelo iwe wuyimile kulya upahale amafuta kwitwe lyakho ugeze kumiso. ¹⁸ Shinisho pe yitangalolesya kubhantu kuti uyimile, yoli kwa Tata wakho wali kukwilu. Habhili uTata wakulola kukwilu akukupa amalipo gakho.

¹⁹ Mtayi bhishilaje ishuma shakho wewe mnsi umu, mwemli nu luswa nu musimu vikunanganya, na bhibha bakubongola na kwibha. ²⁰ Yoli, msengulaje ishuma shinyu kumwanya, kwe nuluswa nu msimu vitanga nanganya na bhibha bhatanga wezya kubongola na kwibha. ²¹ Ikuti pishuma shakho shili, pewope umwoyo wakho wuhayibha. ²² Ilyiso lukhozyo lwa mbhili. Ishilelo, anga ilyiso lakho anga lyinza umbhili wonti wuku zelupa. ²³ Yoli anga ilyiso lyakho libhibhi, umbhili wonti wukubha khisi akhapiti. Ishi, anga ulukhozyo lumkasi yakho wuzeru anga mlahisi khisi akapiti! ²⁴ Numo umbhombi wangabhabhombela abhapiti bhabhili (abhasongo) angana kumvitirwa weka nakumgana uwunji, ewe akuyifumwa kwa weka na kumzalabhula umo. Mtanga mbhombela Umlungu na kubhombela imali. ²⁵ Yoli inkukubhuzya, utatuyaje kha muwikhalo wakho, kuti utule akhoni ewe utumwele akhoni, ewe umbhili kukwata. Pe! Kudila te kwinza na umbhili te mwinza kushila kukwata amenda? ²⁶ Yenya inyonyi zyezili mmwanya. Zitakuwala na zitakuvana iwinza zitakubhunganya na kusengula mvwanga, ilelo Umwene winyu uwakumwanya akuzilisya. Pe imwe mtakhonde ikhani kushila inyonyi? ²⁷ Wunanu mkasi yinyu wanga bukha na kudaga ayonjeeyze ishipimo sheka kuwupuma wakwe uwa kwihala? ²⁸ Pekhoni pemkubha ni lyoga kunongwa ya kukwata? Msibhaje kuti anza amawuwa wegali mshinzi. Vwe gakubha. Gatakubhomba imbombo nima gatangayikwatizya. ²⁹ Indishinkubhabhuzya, wope uSelemani mu wufinjile wakwe wonti bhata mkwatizizye anza ganago. ³⁰ Anga Umulungu akukwatizya amalela mvwizi, gega kwikhala isiku lyeka indabhi gakusumbwa ku mwoto, ikuti kuvilinga vwanga bhalisha imwe, mbha lwitikho ulunsi? ³¹ Mtogopajekha nakulonga kuti, 'Petelulye ashi? 'Ewe tetu mwele akhoni?' "Emwe tetu kwatemenda goni?" ³² Abha mnsi bhakwanza khani iza ganaga, nimwe uYise winyu uwakumwanya amaninyile kuti mkwanziwa kuti mbhe nago anzigo. ³³ Yoli isuti yanzi uwu mwene wakwe nu wanalyoli wakwe nigo gonti atikupe gakho. ³⁴ Ishilelo utogopaje, utatuyaje kunongwa yindabhi indabhi yikhuyibhombela yiyo. Lyonti lyelisiku linamayimba gakwe.