¹ Nivi kima Yesu a rju ni koha hi ka son ni nyu kiekle nne'a. ² Kpontren ndi baka hu kagon ma wa ka wlu ri ni mi ghu nda kuson nimi ma u j'bu ndi ba wawu mba wu baka kli ni korah nju kiekle nne'a. ³ Ni nton Yesu a hla kpi gbugbu wu ni bawu ni (misali) {lan bininkon} A tre Indi ri u ron (cu) ahi nda ka cu. ⁴ A cu'a u ibii bari ba kuhle ni nkon u cincen baka ye vurli. ⁵ Ibii bari baka kuhle ni meme wahe ni tslatsa tita (dancon?) Bati gbla rju ni tuwa meme a he bran na. ⁶ U irji a rjunda whu' u baka quu ngblanme. ⁷ Ibii bari ba kuhle ni mi kunkron bi ncon u kunkron ncon ba gbron na nyi ba. ⁸ Ibii bari ba kuhle ni meme dindi ma na rju bi nda tie bii, bari ibii darli ni tu wa a cu'a bari ibii ise ton u bari ibii ise tra hamma ni tane. ⁹ Iwa ahe ni ton u wo'a kawo” ¹⁰ U bi hua baye nda tre ni Yesu “Ani tu ngye mba u tre ni j'bu ndi ni (lan bi ninkon?) “Misali?” ¹¹ Yesu a saa' bawu nda tre, “Ba nnoyi nkon u toh kpye u mulki shulu wa ba rli ni bawu a. ¹² E wa ahe niwu'a ba nno nhatia, u ani he wu babran. U indi wa ana hewu na' ikpye wa ahe wu'a ba kpawu. ¹³ Ngye kpye wa ani ndu me tre ni ba ni lan bi ninkon a yi: ko wa ba' yah bano toh na u ko wa wa'a bana wo na nda name' toh tuma zuna. ¹⁴ Ni' bawuyi itre Isheya a ye tsra, wa a tre din, Ni wo biwo ndi tie bre toh njima uni' yah bi toh indi na toh tuma zuna.

¹⁶ U shishi mbi ba'bi lulu niwa ba toh a, u ton mbi ngame wa ba wo a. ¹⁷ Njinyimu mi hla yiwu anabawa ni ba ndi bi tie ngyrengre gbugbu wu ba yo suron u toh ikpye wa biki toh a u bana tsh na. Ba wa ba wo ikpye wa biki yoha nda na wo bana. ¹⁸ Sren ton ndi wo misali u ndi u ron wa a cu bii a. ¹⁹ U ndi wa awo lan u mulki a nda na toh njima na, ibrji meme ani ye sranwu kpa ikpye wa ba cu ni mi sron ma. Iwayi ahi bii wa ba cuwu ni nyu nkon a. ²⁰ Wawu ma wa ba cuwu ni meme u tslatsa tita a, ahi ndi wa a wo' lan'a nda kpawu gblame ni briku. ²¹ Wa ana sen ngble wa ani klri bran ton nan. To iya ye ka meme tie ye ni tie lan'a, ani gbla joku ²² U wa ba cuwu ni mi kukron bi ncona, ahi ndi wa awo lan'a u hu ngbungbungblu ni gyru u kpji ngbungblu ba mha tre a wa kana klo na. ²³ Wawuma wa ba cuwu ni meme ndindi ma kimaa' ahi iwa awo lan nda toh njimaa ani klo nda nno bii wa bari mla dari u bari ise ton u ri uma ni se tra hama ni tanne zan wa ba cu'a ²⁴ Yesu ala nno ba misali ri. A tre, “mulki u shulu he na indi ri wa acu bii ndindi ma ni rju ma. ²⁵ U wa ndi basi kruna, u kranwu ri ka ye nda ka cu meme bii ni mi bii ndindi a nda hi kpama. ²⁶ Niwa ingban alkama a tubo nda tie tu'o ni nton kima meme giga ngame ka tsro. ²⁷ Igran bi ndi u rju'a baka ye hla niwu tiekoh mbu ana bii ndindi ma ba ucu ni mi rju me ana? Nihe mu aka tie meme giga? ²⁸ A hla ni bawu, ahi wa ayame ni ko shishia mba tie ndu mba. Igram ma ba ba ka tre kie hi gbi ba hle rju ²⁹ Indi u rju katre, A'an Bita ni to kima, biye gbi bii ndindi nha ni meme giga a. ³⁰ Ndu mba gbron bi me gbyen fyi u han ma. Ninton kimayi mi hla ni bi han ba, guci gbi meme giga ba ndi lo ba ni nkpi ma zi wa baka gon ba; u alkama mba bi vu hi sru nimi wron mu.

³¹ U Yesu ala tre ni mba ni misali garti, nda hla “Ba ban mulki shulu na wlo bii mustad wa indi ka cu ni rjuma. ³² Iwlo yi ahi fyime yi ni mi bii a wawuu. U aye gbron nda tie vuvu zan imbru bari ma ni rjua. A katie kukron wa cicen bakaye tie koh mba ni ba lan ma. ³³ Yesu ala hla misali ri ni bawu, mulki shulu ahe to yist wa iwa ni ban wu tsi ni mwu mwu kango tra waka kpawu whu ³⁴ Ikpyi biyi wawu mbawu Yesu a tre ba ni misali ana tre kpye ri hama ni misali na. ³⁵ Ahe towa ni ndu ikpye wa ba tre ni nyu anebi a ndu njanji, wa'a hla, “mi bwuu nyumu ni misali. Mi hla ikpyi wa ba he rii'rii' rji ni tie ngbungbu'a.”

³⁶ U Yesu ka' ka j'bu ndi ba don nda rihi ni mi koh. Mrli koh ma baka ye niwu nda tre, Hla ni tawu misali ni tu meme gigah u rjua” ³⁷ Yesu a saa' nda tre wawu wa a cu bii ndindia ahi vren ndi. ³⁸ Irju'a mba hi ngbungblu; u bii ndindia bahi mrli bi mulki. Gigah ba ba mrli u meme a. ³⁹ U ni tie shishi wa a chu ba ahi shetan. Iham ahi ikle ngbungblu u bi han bahi malaiku ⁴⁰ Nawa ba vu gigah ba ka gon ni lu'a ani he tokime ni kle ngbungblu. ⁴¹ Ivren ndi ni ton malaika ma, uba hivu kpi biwa ba nji latre mba tie meme rju ni mulki ma. ⁴² Ba' ta' ba sru nimi kpentren lu, ni kima bayi nda tan nyiyren. ⁴³ Nikiyi me ndi bi tie njanyi ba kpan to rji ni mulki tie mba. Ndu wa ahe ton u wo a, ndu wo.

⁴⁴ Mulki shulu ahe to (arziki) wa ba rii wu ni mi rju. Indi ri ka toh nda rii'u. Ahi ni ngri nda ka vu ikpyi wa ahe ba le'nda hi ka le rjua. ⁴⁵ Ngarli mulki shulu he to ndi u woh waa ani wa shishan tita. ⁴⁶ Wa aye fe shishan u nkpon bi ri, a vu kpyi u wo'ma le'rju nda le wu.

⁴⁷ Ngarli mulki shulu ahe na rjirji u vu lambe wa ba ka ta yo ni mi kie kleme nda vu kpyi gbugbu wu ni san mba. ⁴⁸ Wa rjirji'a shu'a bi vu lambe ba baka gbi wu rju ye ni rah. Ba kuson nda hla bi ndindia sru nimi gbokrju mba u bi meme ba' ba vu ba ta'hlega. ⁴⁹ Ani he towayi ni kle u ngbongblu'a. ⁵⁰ Malaika baye nda ga bi meme rju ru bi tie zizi ba sruni kpentren lu nikiyi bayi nda tan nyiyren ⁵¹ Bi toh tu kpyi mba yi wawu wu? Mrli koh ma baka tre “E” ⁵² Yesu a hla bawo, Ahe to kima na wa u riha ri wa ani ta katie vren koh u mulki shulu'a ani he to ndi wa ahe ni koh'a wa a ju kpyi bi ciceme ni bi sisama rju nimi kpyi ma wa ahe ba. ⁵³ Niwayi, wa Yesu a tre ni misali ni bawu kle'a a wluhi don bubu kima.

⁵⁴ Yesu ahi ni ko nklan u gbu ma nda kari ni tra Rji nda tsro indi mba. Ba wo tsro ma nda manji ma wakran (lie sisri) nda tre ndi, “Iguyi afe toh tsro yi ni ngbengble u tie kpyi bi sisri yi rji mame? ⁵⁵ Indiyi ana vren guh u han kunkron a na? Wa ana yima yi ba yowu ndi Maryamu na? U' ana ba Yakubu ni Isuwu mba sima u Yahuza ba mrli vayi ma na? ⁵⁶ Ana mrli vayi ba mrli mba wa ba he nita na? Wa afe kpyi biyi wawu rji mame” ⁵⁷ Baka tie nfu ni wu. Yesu a tre din “E ba tsri anabi ni urji ri na anigbu ma ni koh mayi ba kpau tsri. ⁵⁸ Ana tie kpyi bi manji ma gbugbu wu ni kima na ni tu ka kpayme mba ni tre Rji.