1

¹ ኧዳዊትሜዪ አአብርሃምሜ ዘር ኧኸረ ኢየሱስ ክርስቶስ ኧቴኤኘወ ዘር ዋኸትን ² ክርስቶስ ኧዋሪ ኢየሱስ ኤኤኘች ማሪያም ኧፈቸና ዮሴፍ ኧያእቆቢ ኧችን፤ ³ ያእቆብቭ ኧማታንን ፤ማታን አአልአዛር፤አልአዛርቭ ኤኤልዩድን፤ ⁴ ኤሊዩድ አአኪም አኪምቭ ኧሳዶቅ ሳዶቅቭአአዞርን፤ ⁵ አዞር ኤኤልያቄም ኤልያቄምቭ አአብዩድን ፤አብዩድቭ ኧዘሩባቤልን፤ ⁶ ዘሩባቤል ኧሰላቲያል ሰላቲያልቭ እእስራኤል ሰቭ በባቢሎን ሰብ በባቢሎን ገኘ በቫነሁዮዋ ቀጥወ ተኢኮኒያን ቴኤኘ። ⁷ ኢኮኒያንቪ ኧሰማትሞኋ እእስራኤል ሰቭ ባቢሎን ገኘ ማኖሁም በወሰጂዮዋ ዘቨር ቲኢዮሲያስ ቴኤኞም። ⁸ አአሞን አሞን ኧምናሴ ምናሴም ኧህዝቂያስን፤ ⁹ ህዝቂያስ አአካዝ አካዝ ኢኢዮአታም ኢዮአታምቭ ኦኦዝያን፤ ¹⁰ አዝያ ኢኢዮራም ኢዮራምቭ ኧዮሳፍጥ ዮሳፍጥቭ አአሳፍን፤ ¹¹ አሳፍ አአቢያ አቢያቭ ኧሮብአም ሮብአምቭ ኣሰለሞንን ¹² ሰለሞን ተኦሪዮኒ ምሽት ኤኤኘን ኧንጉስ ዳዊቲ ኧችን ንጉስ ዳዊትቭ ኧእሴይ፤ ¹³ እሴይ እእዮቤድን እዮቤድ ሩት ኤኤኘቸን ኧቦኤዚ ኧችን ቦኤዝቭ ረአብ ኤኤኘቸን ኧሰልሞኒ ኧችን። ¹⁴ ሰልሞን ኧናአሶን ናአሶንቭ አአሚናዳብ አሚናዳብቭ አአራምን ¹⁵ አራም ኧሄድሮን ሄድሮንቭ ኧፋሬስ ፤ፋሬስቪ ዛራ ዩሁዳ ተትእማር ኤኤኘነዋ ኧዩሁዳ ዴንጋነዋ ፤ ¹⁶ ኧሰማትሞኋ ኧያእቆቢ ዴንጋነዋ፤ያእቆብቭ ኧይስሃቅን ይስሃቅቭ አአብርሃሚኧችን። ¹⁷ በዋ አይነት ዘር እንእ ተክርስቶስ ቀነሰታ እእስራኤል ሰቭበባቢሎን ቲማንሁዮዋ ስን አስረዪ አርቭአት ዘርን።ኧባቢሎን ሰቭ ተማኖሁኰ ቀረ ቆኖሹም ኧንጕስ ዳዊቲ ስን አስረ አርቭአት ዘርን።ተንጉስ ዳዊት ቆነሹምታ አአብርሃሚ ስን አስረ አርቭአት ዘርን።

¹⁸ ኢኢየሱስ ክርስቶሲ ኧቶኦኝት ዋኸትን አዶድኋ ማሪያም ኧዮሴፊ ፈቸዉያ ባነደ፤ ዮሴፍ ታያጋአካ ማሪያም በመንፈስ ቅዱስ ዉርኤት አርዋ ኸረች። ¹⁹ ኧፈቸና ዮሴፍ ወሄ ሰቭ ኧረፐሬ ኧኸሬ ዉርኤት አርዋ ኧኸረቸኸ በተረ ሀረታ በሰቭ ኢፍቲ ያትውርድካይ አሴኤ ኧኸሬ ሰቭ ታይሂር ታያጋአካ እመኸ ኢችእካይ አጫመጠ። ²⁰ እመኸቭ ባረ ቲያቻምጥካ እእግዜር መላአይካ በቨርዛዝ ተራከቨንታ «አኸ ኧዳዊት ጥቭ ዮሴፍ ሂዳ ዉርኤት አርዋ ኧኸረች ተመንፈስ ቅዱስ ኧኸሬ ኧፈቸኸና ማሪያም ታጋአካይ እናቅቨጨናኸ ። ²¹ ማሪያም ኧች ቲኢኝኬ ሁድቭ ሰቭኋ ተቫጢርሁኖዋ ያተርፍኮዋይ ኧኸሬ ኧትከሁዳይ ሽቩ ኢየሱስ ትቭኩዴ» ባረን። ²² እመኸቭ ኧኸረሁዳ እግዜር በነቢኋይ አጋድ ዋኸ ባረ ኧዝሬከን ሁዳ ዉረ ይኸርኔን ፤ ²³ እኩ ዘየ ገረድ ዉርኤት አርዋ ትኸርኬ፤ኧኧች ወልድቭ ቲኢኝኬ፤ ሹቩሞኋ «አማኑኤል» ዩዉሪዴ። አማኑኤል ኧዋርት እግዜር ቲናትን ኧዋርትን። ²⁴ ተዊኢድኋ ተረሳታ እእግዜር መላአይካ አአዘዘንመኸ ኧፈቸና ማሪያም አገፓና። ²⁵ ቢኸርቭ ኧቨኽር ኧችሻ ትቲኢኝ ስን ተሂዳ ሁጅር አንደመደዳ ዮሴፍቭ ኧቴኤኘ ተከ ኢየሱስ ባረ ሹቭ አቮናነ።