¹ Jesu den kua ku ]inbiagu nni ki duodi ki guani u dogu po. ² Lanyogunu bi niba den cuani o kani yua ya gbannandi n kpe ke o dua ku kaagu po. Jesu n den la bi dandanli, o den yedi yua ya gbannandi n kpe: Paagi apali, n bijua a baa a tuonbiadi sugili. ³ Lane li balimaama bangikaaba bi tianba den bi pala nni: O naa joa sugidi U Tienu. ⁴ Jesu den bani bi yantiana ki yedi: Be n teni ke yi pia a yantiabiada yi niinni? ⁵ Be n dingi ki cie ki yedi: A baa a tuonbiadi sugili bi ki yedi: Fii ki ya cuone? ⁶ N bua yin bandi ke mini O joa Bijua pia li bali handuna na niinni ki baa fidi ki pa bi niba bi tuonbiadi sugili. Lane o den yedi yua ya gbannandi n kpe yeni: Fii ki taa a kaagu ki yaa kuni. ⁷ O joa yeni den fii ki ]ani ki ban kuni. ⁸ Ku niligu n den la lani ti jawaandi den cuo ba, ke bi kpiagi U Tienu leni wan puni bi nisaaliba laa paalu buolu. ⁹ Jesu n den fii lankani ki suagi liiga, o den la ban yi yua Matiyu ke o ka o tuonli kani ki gaani li lubili. O den yedi o: Hoadi nni. Matiyu den fii ki hoadi o.

¹⁰ Jesu n den ka Matiyu dieli nni u saajekaanu kani, bi lubigaaba leni i tagibiadi danba kuli den cua boncianla, ki ka ki di leni o leni o hoadikaaba. ¹¹ Falisieninba n den laa lani, bi den yedi o hoadikaaba: Be yaa po ke yi canba di leni bi lubigaaba leni i tagibiadi danba? ¹² Jesu den gbadi ki yedi ba: Yaaba n pia laafia ka bua lotoli, ama a yiama. ¹³ Gedi mani ki ban bandi ya maama n tie na bundima: mi nihigbadima n mani npo, laa tie a pada ka. Mii cua ki baa yini yaaba n tiegi ka ama ti tuonbiadi danba.

¹⁴ Jan hoadikaaba den cua Jesu kani ki yedi o: Be yaa po ke tinba leni falisieninba yen luo bu ]oabu le a ya hoadikaaba wani naa luo? ¹⁵ Jesu den goa ki yedi ba: O pocaano calo danliba baa ga leda ki biidi bi pala wan da ye leni ba li potaali nii ya yogunu? Ama a dana kpendi ke bi baa cuo o pocaancalo ki ]ani o bi siiga, laa yogunu bi baa loli bu ]oabu. ¹⁶ O go den yedi: niloba kan taa cabipanli ki biini liadikpeli, kelima li cabipanli baa dadi li bonkpeli lan padi ki pugini. ¹⁷ Bi kan didi taa o duvenpaano ki huuni ti dayuakpedi nni, ti dayuakpedi baa padi, duven n wuli, ti dayuadi mo n bodi. Ama bi yen huuni o duvenpaano ti dayuapandi nni, ke duven leni ti dayuadi kuli n ya ye.

¹⁸ Jesu n den maadi leni ba yeni, bi yudanba siiga nni yendo den cua ki gbaani o nintuali ki yedi: N bisalo kpe moala moala ne, ama han cua ki ban maani opo a nii, o baa faadi. ¹⁹ Jesu den fii ki ciani o, wani leni o hoadikaaba. ²⁰ Lanyogunu yaa pua ya soama n den wuliti hali piiga n bina lie den cua ki nagini o puoli po ki sii o liadicuadi, ²¹ kelima o den tua o yama nni: N ya li baa ki sii o liadili bebe, n baa paagi. ²² Jesu den jigidi ki la o ki yedi: Paagi a pali, n bisalo, a dandanli paagi a. Lanyogunu o pua yeni den paagi cain. ²³ Jesu den pundi ki kua o yudaano yeni deni. Wan den sua ke ti baantiadi cua ki biga kuuma po ki piebi mu yelimu ke bi niba ma tiendi ki fuugu, o den yedi: ²⁴ ]a mani, kelima ki bonpuoga naa kpe ka, o goa yo. Bi den ]uadi o. ²⁵ Wan den ]ani bi niba kuli, o den kua ki biga n dua naani, ki cuo o nuu ke o fii. ²⁶ O laabaalo den yadi laa diema nni kuli.

²⁷ Jesu n den fii lankani ki suagi liiga, juama lie den hoa o ki tangi: Dafidi Bijua, gbadi tipo mi nihima. ²⁸ Jesu n den kua li diedi nni, a juama yeni den cua o kani. Jesu den buali ba: Yi daani ke n baa fidi ki tieni yipo yin miadi yaala? Bi den goa yedi o: Mm, ti daano. ²⁹ Lane o den sii bi nuni ki yedi: Lan tieni yipo nani yin daani maama. ³⁰ Lani bi nuni den nua. Jesu den teni ba li ]oabonli ki yedi: Fangi mani yi yula ke obo n da bandi: ³¹ Ama bi den ]ani ki kpaani o yeli laa diema nni kuli.

³² Laa jaliediba n den fii ki caa, bi niba go den cuani Jesu kani cicibiadiga daano ke po tie muulo. ³³ Jesu n den deli ki ]ani ki cicibiadi ga ya yogunu, o muulo yeni den yaadi ki maadi. Li den paki ya niba n taani likani ke bi tua: Ti daa bi laa li naa bonla Isalele diema nni. ³⁴ Ama Falisieninba wani den tua: Mu cicibiadimu bado n puni o u paalu ke o deli ki ]andi mu cicibiadimu bi niba niinni.

³⁵ Jesu den gaandi i dociami leni i dowaali nni kuli, ki bangi U Tienu maama li bali maama bangima diena nni, ki wangi U Tienu diema laabaalihamo, ki paagidi bi niba bi yianbuoli leni bi tadinbuoli kuli po. ³⁶ Wan den ku niligu, mi nihima den cuo o bipo kelima bi den coagi, bi yama mo den yagi nani ya pe n kaa pia yankpaalo yeni. ³⁷ Lani yaa po o den yedi o hoadikaaba: U jetaagu yaba ke bi tuonsoanba mo nan wa. ³⁸ Lanwani yin mia mani u jetaagu Diedo wan soani bi tuonsoanba u jetaagu po.