¹ Mi fuodima daali n pendi, a danleleeda cilima daali, ku tasoanpanpangu Magidala ya Maliyama leni Maliyama toa den gedi ki baan la li kakuli. ² Lanyogunu ki tinga den digibi boncianla. O Diedo maleki den ]ani tanpoli ki jiidi, ki cua ki bindi ya tanpabigu n den piigi li kakuli buli]oabu ki kali kupo. ³ O kaani kuli den yieni nani mi ta]igima yeni, o tiayiekaadi mo den pieni pai pai. ⁴ Ti jawaandi den cuo yaaba n ji li kakuli ke bi digibi ki baa ki bibili nani bi tinkpiba yeni. ⁵ Maleki yeni den yedi bi puoba: Yinba wani n da jie mani, n bani ke yi lingi Jesu ban den joani yua li dapoanpoanli po. ⁶ Waa go ye ne, kelima o fii bi tinkpiba siiga nani wan den yedi maama. Cua mani ki la wan den dua naankani, ⁷ ki gedi mani tontoni ki ban waani o hoadikaaba ke o fii bi tinkpiba siiga. O ga yi liiga ki caa Galile. Yi baan la o lanpo. N waani yi. ⁸ Baa ke ti jawaandi den pia bi puoba yeni, bi pala den mani boncianla, ke bi jaligi ki ]ani li kakuli kani ki baan pa o hoadikaaba o laabaalo. ⁹ Ban den caa ya yogunu, Jesu den tuogi ba ki yedi: N faandi yi. Bi den nagini ki gbaani o nintuali ki cuo o taana ki kpiagi o. ¹⁰ Jesu den yedi ba: Yin da jie mani, gedi mani ki ban waani n kpiiba ke n gedi Galile, bi baan la nni lanpo, ¹¹ Bi puoba yeni n den ye u sanu nni ya yogunu, yaaba n den ji li kakuli siiga bi tianba den kua u dogu nni ki ban togidi bi kopadicianba yudanba yaala n tieni kuli. ¹² Bi yudanba den taani leni bi nikpeliba ki juogi, ki teni a minteela i ligi boncianla, ¹³ ki yedi ba: Yin yedi mani ke o hoadikaaba n cua ku ]iagu ki suni o ke yi goa. ¹⁴ Gufeneeli ya bandi, ti baa duani o yama ki teni ke liba kuli kan tieni yi. ¹⁵ A minteela den ga i ligi ki ban tieni nani ban waani ba maama. Laa faama den yadi Jufinba siiga ki baa ye hali dinla.