¹ O Diedo den maadi yeni Moyiisi, ki yedi o, ² Diidi, N taa Huri bijua, Huuri yaabili, Besaleli, Juda Cugli nni yua yeli, ki yini o. ³ N gbieni Besaleli yeni n foŋanma, ki ba puni o mi yanfuoma, niima nni gbadma yeni mi banma yaali n nua tuonbanma kuli. ⁴ Ke wan waani a tuona boncianli ń ba cuoni maama, yeni ban tuuni maama yeni wula, ti kupiendi yeni ti kumɔndi. ⁵ O go baa waani ban jiagi, ki kpiedi a tana maama, yeni ban yagdi, ki dungi a taaba maama yeni mi tuonsɔnbanma. ⁶ Min ba gandi yaaba ban pugni o po, Ahisamaki bijua, Oholiabi, Dani buolu yua. N kuani yaaba n pia mi yanfuoma pali nni mi tuonsɔnbanma, ke ban sɔni min waani a ya tuona kuli. Li tuona n ne: ⁷ U kadkaanu gbandieli, Yiko ñɔmaama kpagu, Ku kpagu bonbiili yeni li gbandieli bonbaanbidi kuli, ⁸ Taabli yeni li tiabobinkaadi, u fisantuankaanu yeni u tiabobinkaadi, Tulaali ŋubli juuma binbindli, ⁹ A padjuukaana binbindli yeni li tiabobinkaadi yeni ku tadciangu yeni ku tuankaanu. ¹⁰ Ya tuona n pugdi tie, u badu tialakaadi, Salga yidkaaba Haarɔn yeni o bijaba n baa la ya tiadi ki yidi salga. ¹¹ L tuona go nua mi kpagagdiŋanma yeni li ŋubŋanli yaali n ba sɔgi, ki ŋanbi u kaangagdiŋamu. Ya tuosɔnbanba ne ba sɔni min waani a ya tuona kuli nani lan buali maama."

¹² O Diedo den maadi yeni Moyiisi, ki yedi o, ¹³ Maadi Israyeli yaaba: 'Yin ŋanbi ki cɔlni O Diedo Fuodma daali, Kelima lani n baa tie kasiedi ki wangi ya lolima n ye wani yeni yinba siiga nni nifiima ń tuu nifiima, yin bandi ke wani n tie O Diedo yua n gagdi ki ŋanbi yi, ki tieni yi wan buadi ya buolu. ¹⁴ Lanwani ii, yin cɔlni Saba daali, kelima li daali baa tie ya daaŋanli n gagdi ki ŋani o ya kpiagdi po. Yua n fali li daali kuli, li buali ke ban kpa o. Yua sɔni Saba daali kuli, li buali ke deli ki ñani o u buolu yaaba siiga. ¹⁵ I ba sɔni dana luoba, ama li daaleleli daali tie Saba, mi fuodma daali i, ya daaŋanli n dagdi yeni O Diedo kpiagdi. Yua n sɔni Saba daali kuli, li buali ke ban kpa o. ¹⁶ Lanyapo i ke li buali ke Israyeli yaaba ń kubi Saba daali bonŋanla. Bi baa cɔlni li yiko, lan tua bi po bogdili nifiima ń tuu nifiima hali ya yogu kuli ¹⁷ Saba baa tie maalma O Diedo yeni Israyeli yaaba siiga, kelima O Diedo taa dana luoba i, ki tagi Tanpoli yeni ki tinga, li daaleleli daali, ke o kali ki fuodi.'"

¹⁸ U Tienu ń maadi yeni Moyiisi Sinayi Juali po ki gbeni, ke o teni o tanpabmu lie ke yikidi ñɔmaama diani mupo yeni O Diedo nuu.