¹ O Diedo den yedi Moyiisi, "Do ki cua N kani, fini, Haarɔn, Nadabi, Abihu yeni Israyeli nikpelba, piilele (70), yin sedi fagma, ki gbaani ki pugi nni. ² Moyiisi baba n ba nagni N kani waamu. Yaaba n sieni kan nagni, li go ki buali ke li nitaanli mo ń yegi yeni ba ki cua." ³ Moyiisi den gedi ki waani li nitaanli O Diedo ñɔmaama yeni o kuana. Li nitaanli kuli den taani ñɔyenbu, ki maadi, "Ti ba cɔlni O Diedo ñɔmaama, ki tieni wan yedi yaali." ⁴ Ke Moyiisi diani O Diedo nɔmaama kuli. Lan fandi ku siŋaapanpangu, ke Moyiisi maa salga binbidili u juakunu, ki sagni tansieda piiga a lie, lanwani ii, a tansieda yeni n ba ga Israyeli piiga n cuglieda kaani. ⁵ O den sɔni Israyeli naacenba ban ban padi a padjuukaana, ki g padi a naatona mi taanyenma yema po. ⁶ Moyiisi den ga mi sɔma bɔgdima, ki tie ni ti tardi nni; ki taa yaama n sieni, ki mi mi salga binbindili po. ⁷ O den taa ban loli ya ŋantaado tili, ki cogi li nitaali po paama, ke yuakuli gbadi. Bi den yedi, "Ti ba tieni O Diedo ń yedi yaali kuli. Ti baa tie nicɔlinkaaba." ⁸ Lanwani ii, Miyiisi den taa mi sɔma, ki mi mi li nitaanli po. O den yedi, "Ne tie mi ŋantaadilolma sɔma i, O Diedo ń loli yeni yi yaama, ki bili i po o ñɔnianu yeni ya ñɔbona i.

⁹ Lanwani ii, Moyiisi, Haarɔn, Nadabi, Abihu yeni Israyeli nikpelba Piilele den doni li juali po. ¹⁰ Bi den la Israyeli Tienu. O taana po den kpaa Safiiri tana, ke a yieni naani talwagbanbɔngu yeni. ¹¹ U Tienu naa den tandi o nuu, ki ba jieni Israyeli yudanba. Bi den la U Tienu, ki dini, ki go ñuni.

¹² O Diedo den yedi Moyiisi, "Do li juali po, ki nagni ki sedi, ki guudi nekanba. N ba teni a a tanpaba, Min diani yia ya po ti yikodi yeni mi maabilkaama, ŋan ba tundi li nitaanli yeni ya diani." ¹³ Lanwani ii, Moyiisi den siedi yeni o kpaagli Jocihua, ki doni U Tienu juali po. ¹⁴ Moyiisi den maadi bi nikpelba, "Ya see mani ne, ki guu ti hali yeni tin ba guani i kani. Haarɔn yeni Huuri ye yeni yi. Li ya tie ke nilo pia maama, wan gedi ki la ba." ¹⁵ Moyiisi den doni li juali po, ke ti talwadi pibni li. ¹⁶ O Diedo kpiagdi den gbie yeni Sinayi juali, ke ti talwadi pibni li hali dana luoba. Li daaleleli, O den yini Moyiisi ti talwadi nni. ¹⁷ O Diedo kpiagdi dɔgdima den tie Israyeli yaaba po, nani ya mu n co ki buodi bonli kuli yeni, li juali yuli po. Moyiisi den kua ti talwadi nni, ki doni li juali po. O den ye li juali yuli po ki tieni dana piina yeni ñiadi piina (40). ¹⁸