1 Leo matua rinndi twai nia sohen na nunu matai hinau duhu muende ambo mai, nia mote hinau retiduhu. Teleira muende na mai tele God, nate matavosai na mai tamalohi mahere ana silesilea ana wota muende vasumbe non God nale sahae taun tele taun. 2 Nira muende nale hasohaso God ana sala rindi, nira nate wokewoke ana nahom God, nora hinasati le ovi matua. Ale nira nale wokewoke, nate matawosai na lol na silesilea ana wota aentebong matan a losov takaihi na nora hinasati. 3 Ne hina silesilea ana wota mole lol na tamalohi nale domdom na nora hinasati taun tele taun. 4 Ro mote rorongo matana dae buluk mana nani a losov takaihi na hinasati. 5 Towson Iesu mole vahatauhi matan amai ana verama, mo vitia more," silesilea werehi muende nole silea ana wota nia mote hinau matan no mboia a liu, ne God mo vahatauhi na embeku matai tamalohi towon ku jivo ana verama. 6 Manji muende nale sulira matan nale haso na hisam mana silesilea ana wota muende nale sulira matan a latakaihi na hinasati, niho ote mangisi hinira. 7 Moiso Kure, iau nian God, sohen na haharia moiso mataku ana mbebe talom matan ku loli na nom manjigae."