¹ Jisas hemi bin toktok lo ol crowds mo ol disaepol blo hem. ² Hemi talem se, ''Ol Scribes mo ol Pharasees oli sidaon lo ples blo Moses. ³ From samting ya, be no folem fasin blong olgeta, from wanem we oli talemaot oli no stap mekem. ⁴ Yes, oli gat ol hevi burdens we i hat blo holemtaet, afta oli sta putum hat taem ya i go lo naraman, be olgeta oli no save givhan nating. ⁵ Ol bokiz we oli stap fasem long han blong olgeta wea skripja i stap long oli mekem i bigwan mo en blong klos blong olgeta oli mekem i long wan blong mekem se narafala man i tingting hae long olgeta. ⁶ Oli lavem ol ples blo hona mo lafet mo ples we ol bigbig wan olsem Jif Pris i sidaon long hem long Sinagog. ⁷ Mo oli likem ol man lo maket i sta gretem olgeta mo singaot lo olgeta se 'Tija'. ⁸ Be yu no mas letem olgeta oli singaotem yu se Tija from we i gat wan tija nomo, mo yufala evri wan ol brata nomo. ⁹ Mo yu no mas singoatem ol man lo wol ya se papa blo yu from i gat wan papa nomo we i stap lo heven. ¹⁰ Yu no mas letem ol man singoatem yu se tija from i gat wan tija nomo we hemi Kraes. ¹¹ Hem we i tingting hae long hem wan bae hemi kam wokman blo yu. ¹² Man we i leftemap hem wan, bae God hemi putum hem daon, mo man we i putum hem wan daon bae God i leftemap hem. ¹³ Be lukaot long yufala, ol tija blong loa mo ol farasi, yufala i tufes! Yufala i stap lokem doa blong kingdom blong heven long ol man. From yufala tu i no stap go insaed, mo ol man we oli wantem kam insaed tu oli no save kam. ¹⁴ Mo lukaot long yufala, ol tija blong loa mo ol farasi, yufala i tufes! From yu stap stilim ol wido, mo yufala i stap flas long ol longfala prea blong yufala. Bae panis blong yufala i bigwan moa. ¹⁵ Mo lukaot long yufala, ol tija blong loa mo ol farasi, yufala i tufes! Yu stap go long narafala kantri blong winim ol man. Taem hemi jonem yufala, yufala i mekem hem i kam pikinini blong hel dabolem yufala. ¹⁶ "Lukaot long yufala, yu stap lidim ol man be yufala i blaen, yufala i stap talem, "Sipos man i promis long nem blong tempol. Hemia i nating nomo. Be sipos man i mekem promis blong hem long gol blong tempol, hemi mas kipim promis ya nao". ¹⁷ Yufala ol kranki blaen man, wanem nao i moa impotent, tempol o gol, wij wan mao i holi? ¹⁸ Mo, Man we i mekem promis lo olta, hemi nogat paoa be sipos yu promis long ofrin we i stap long hem, bae i gat paoa long promis ya. ¹⁹ Yufala ol blaen man stret! Wanem nao i mo i impoten? Ofrin we i stap o olta we i mekem se i holi? ²⁰ From sipos yu mekem promis long olta i kavremap wanem wea i stap long hem tu. ²¹ Man we i mekem promis long tempol i kavremap man we i stap long hem. ²² Mo man we i mekem promis long heven i kavremap jea blong God mo hem we i sitaon long hem. ²³ Lukaot long yufala, ol tija blong loa mo ol farise, yufala i tufes! Yufala i stap givim taet long ol smol smol lif blong min mo dil mo kamin. Be ol stamba samting blong loa yufala i no folem. Tritim gud ol man, sori long man, mo yu fetful. I gud yufala i taet be ol samting ya noa yufala i sud mekem. ²⁴ Yu olsem wan blaen man, we yu mekem sua se yu no solemdaon wan smol bebet taem yu drink wota, be yu no save se fasin we yu mekem i sowem long ol man se yu solemdaon wan Kamel! ²⁵ Ol tija blong loa mo ol Farasi, sori tumas long yufala. Yufala i ol tu fes! Yufala i olsem man we i wasem aotsaed blong cap mo plet, be insaed blong cap mo plet hemi fulap long ol fasin blong ol stilman we ino save usum hed blong hem time i stil. ²⁶ Yu blaen farasi! Fes taem u klinim insaed blong cap mo plet mo bae aotsaed tu i save klin. ²⁷ Ol tija blong loa mo ol Farasi, sori tumas long yufala. Yufala i kat tu fes! Yufala i berem ol ded man long hol blong ston, nao yufala i pentem ol ston aotsaed long hol ia wetem waet pein. Nao from samting ia, yufala i olsem ol ston ia we oli luk naes aotsaed, be oli fulap long bun blong ol ded man insaed mo evri samting nogud. ²⁸ Yufala i semak olsem ol hol ia. Olgeta man oli luk yufala, oli ting se yufala istap obei long God. Be rili se yufala i kat tu fes, yufala istap mekem ol rapis samting. ²⁹ "Ol tija blong loa mo ol farasi, sori tumas long yufala. Yufala i gat tu fes! Yufala i stap mekem ol gudgudfala ples blong berem ol profet long hem, nao yufala i mekem ples ia i naes tumas. ³⁰ Yufala i talem se, ' Ol pupu blong yumi bifo oli kilim ol profet blong God '. Mo sipos yumi stap long taem ia, bambae yumi no joen wetem olgeta blong kilim ol profet blong God." ³¹ Mo long ol toktok blong yufala ia, i stap soemaot se yufla i kamaot long laen blong ol man ia we oli kilim ol profet blong God. ³² Oraet! Hemi gud blong yufala istap kohed blong finisim olgeta wok we ol pupu blong yufala i statem. ³³ Yufala i olsem ol snek mo olsem family blong ol rapis snek, bambae yufala i no save ronwe, mo mi save se God i jajem yufala mo sakem yufala long hel faea? ³⁴ Mo mi talem long yufala se, ' bambae mi sendem wan profet i kam long yufala. Bambae mi sendem ol waes man blong kam tijim yufala, be bae yufala i kilim sam long olgeta mo putum olgeta insaed long haos blong prea mo wipim olgeta. Bambae oli ronwe i go long ol narafala taon blong haet, be bae yufala i stil folem olgeta. Nao from samting ia, hemi from ol samting we bambae yufala i man ia i kam yufala. ³⁵ Hemi from ol samting we bambae yufla i mekem, God bambae i panisim yufala. Bambae yufala i kasem panis from ded blong Abel, we hemi wan gudfala man. Mo yufala i kilim plante gudfala man, yufala i kilim Zechariah pikinini blong Berekiah. Hemi wan gudfala man, be ol lida blong yufala oli kilim hem, mo hemi ded klosap long haos blong God mo olta blong God. ³⁶ Tru mi talem long yufala. Bambae God i panisim ol man long wol ia we oli stap laef yet, from ol rabis fasin we fasin we ol pupu blong yufala oli mekem. ³⁷ Mo Jisas i talem se! yufala ol man Jerusalem! Oo, yufala ol man Jerusalem! Taem we God i sendem ol profet long yufala, yufala i stonem olgeta i ded. Plante taem, mi wantem tekem yufala i kam klosap long mi, olsem pijin we i tekem ol pikinini blong hem kam wan ples mo kaveremap olgeta long wing blong hem. Be yufala i no wantem blong mi mi lukaot long yufala olsem. ³⁸ Yufala i luk! Haos blong yufala i emty finis, God i lego yufala finis. ³⁹ Bambae wan dei yufala i talem se, " Hae God yu blessem mania we i kam long nem blong yu." Be naoia bamabe yufala i nomo save luk mi bageken kasem dei ia.'