¹ ''I tru,we i tru,Mi talem long yufala,man we i no pastru long doa blong kam insaed long yad blong sipsip,be iklaem narafala ples,man ya hemi wan stil man. ² Be man we i pastru long doa hem i seped blong ol sipsip. ³ Long hem nao wajman i openem doa.Ol sipsip oli harem save vois blong seped, taem i singaotem nem blong ol sipsip blong hem mo hemi lidim olgeta blong oli go aot. ⁴ Taem hem i wokbaot wetem ol sipsip blong hem,hem i go festaem long olgeta,mo ol sipsip oli folem hem,from se oli harem save vois blm. ⁵ Bae oli no folem narafala man be bae oli ronwe long hem,from we oli no harem save vois blong nara man.'' ⁶ Jisas i talem parabol long olgeta,be oli no andastanem ol samting ya we hem istap talem long olgeta. ⁷ Nao Jisas i talem long olgeta bakegen, ''I tru we i tru,mi talem long yufala,Mi nao mi doa blong ol sipsip. ⁸ Evriwan we oli bin kam fastaem long mi olgeta oli ol stilman,be ol sipsip oli no bin lesin long olgeta. ⁹ Mi nao mi doa.Spos eni man i kam insaed tru long mi,bambae hem i seif;bae hem i save go aot faenem ples blong kakae,mo kambak. ¹⁰ Stilman i kam nomo blong kilimded,stil,mo spolem ol sipsip.Mi mi kam blong oli save gat laef,mo blong oli save gat laef we i fulap bitim mak. ¹¹ Mi mi gudfala seped.Gudfala seped i givim laef blong hem from ol sipsip. ¹² Be man we i wokman nomo hem i no seped mo ol sipsip oli no blong hem.Taem hem i luk wan wuf i stap kam,man ya i lego ol sipsip mo i ronwe,mo wuf ya i kasem ol sipsip mo i mekem oli seraot. ¹³ Wokman i ronwe from hem i wok from salari nomo,Hem i no rili kea long ol sipsip. ¹⁴ Mi mi gudfala seped,mo mi save ol sipsip blong mi,mo olgeta tu oli save mi. ¹⁵ Olsem we Papa God isave mi,mo mi mi save Papa God,mo mi givim laef blong mi from ol sipsip. ¹⁶ Be mi gat sam narafala sipsip we oli no blong yad ya.Mi mas go karem olgeta tu oli kam,mo bae oli harem save vois blong mi,mo bae i gat wan yad nomo blong ol sipsip mo wan seped. ¹⁷ Hemia hemi from wanem Papa i lavem mi:from we mi givim laef blong mi,blong mi save tekem bakegen. ¹⁸ I nogat wan man i tekemaot long mi,be mi wan nomo mi givim.Mi gat paoa blong lego mo blong tekem bakegen.Mi bin karem komanmen ya long Papa blong mi.'' ¹⁹ Naoia i gat wan disput long ol Jiu bakegen from ol toktok ya. ²⁰ Fulap long olgeta oli talem se, ''Hem i gat devel.Hem i hafmat.From wanem yufala istap lisen long hem?'' ²¹ Sam man oli talem se, ''Hemia ino toktok blong wan man we igat devel.Yu ting se wan devel i save openem ae blong wan blaen man? ²² Naoia long Jerusalem i taem blong lafet blong kam klin .Mo i taem blong ren mo kolkol, ²³ mo Jisas istap wokbaot long tempol long vranda blong Solomon. ²⁴ Nao ol Jiu oli kam raonem hem mo oli talem long hem se, ''Bae yu mekem mifala i konfius kasem wetaem?Sipos yu Mesaea,talemaot stret long mifala.'' ²⁵ Jisas i ansarem olgeta se, ''Mi talem long yufala finis,be yufala ino bilivim.Ol wok we mi stap mekem long nem blong Papa blong mi,oli givim witnes blong mi. ²⁶ Bakegen yufala ino bilivim,from we yufala ino ol sipsip blong mi. ²⁷ Ol sipsip blong mi oli harem save vois blong mi,mo oli folem mi. ²⁸ Mi givim laef we ino save finis long olgeta.Bae oli neva lus.Mo tu i nogat wan man we bae i karemaot olgeta long han blong mi. ²⁹ Papa blong mi,we i givim olgeta long mi,i gat paoa bitim olgeta samting,mo i nogat wan man we i save karemaot olgeta long han blong Papa blong mi. ³⁰ Mi mo Papa blong mi,mitufala i wan nomo.'' ³¹ Nao ol Jiu oli pikimap ol ston bakegen blong stonem ded hem. ³² Jisas i ansarem olgeta, ''Long foret blong yufala,mi bin soemaot fulap gudfala wok finis we oli kamaot long Papa blong mi.Wanem wok nao yufala i redi blong stonem mi from?'' ³³ Ol Jiu oli ansarem hem se, ''I no from wan gudfala wok,mifala i redi blong stonem yu,be from yu spolem nem blong God.From we yu wan man nomo,be yu stap talem se yu yu God.'' ³⁴ Jisas i ansarem olgeta se, ''Be oli no bin raetem long loa blong yufala 'Mi talem se, ''Yufala i olsem ol god''? ³⁵ From we hem i bin singaotem god long olgeta we Tok blong God i bin kam,(mo skripja ino save lus), ³⁶ From wanem nao yufala i tokbaot mi se 'Yu spolem nem blong God'from we mi talem se 'Mi mi Pikinini blong God'?Be God i bin mekem Mi Holi mo i sendem Mi mi kam long wol. ³⁷ Spos i tru se mi no stap mekem ol wok blong Papa blong mi ,yufala ino sud bilivim mi. ³⁸ Be spos mi mekem,nomata se yufala i no bilivm mi,bae yufala i sud bilivim ol wok ya nomo.Blong yufala i save andastanem mo bilivim se Papa God istap long mi,mo mi stap long hem.'' ³⁹ Nao wan mo taem,oli traem blong holemtaet Jisas.Be hem i lus long olgeta. ⁴⁰ Hem i go narasaed long Jodan Riva bakegen,long ples we Jon i bin baptaesem hem long hem,nao Hem i stap long ples ya. ⁴¹ Nao fulap man oli kam long hem mo oli stap talem se, ''Jon ino bin mekem merikol,be evri samting we Jon i bin talem abaot man ya i tru.'' ⁴² Plante man oli bilivim hem long ples ya.