¹ Ol pikinini,yufala i mas obei long papa mo mama blong yufala wetem feit we yumi gat wetem Jisas Kraes,hemia nao hemi stret fasin. ² ''Obei long papa mo mama blong yufala'' [we hemi fes komanmen we i kam wetem wan promes], ³ ''from bae istap wetem yu mo bae yu save stap long taem long wol ya''. ⁴ Ol papa,yufala i no mekem ol pikinini blong yufala i harem nogud.Be,yufala i tijim olgeta long ol stret fasin blong Masta Jisas Kraes. ⁵ Ol man we yufala i wok blong wan masta yufala i mas obei gud long masta blong yufala. ⁶ Yufala ino obei nomo long ol taem we masta blong yufala i stap lukluk yufala,from nomo se blong mekem oli harem gud.Be yufala imas obei olsem wan wok man blong kraes,we igat hat blong mekem wok blong God. ⁷ Mekem ol wok ya wetem hat blong yu,from se yumi mekem ol wok blong papa God mo i no wok blong ol man we oli stap laef long wol ya. ⁸ From yumi save ol gudfala fasin we wanwan i save mekem,bae hemi risivim wan gudfala samting long masta blong yumi ;Nating spos hemi wan man we i wok blong nara man o wan man we hemi fri nomo. ⁹ Ol masta,yufala i mas tritim gud ol wokman blong yufala long ol semak fasin.Yufala ino mekem inogud long olgeta.Yu we yu save se huia hemi tufala masta blong yu mo masta blong yu istap long heven mo wetem hem yumi no save harem nogud. ¹⁰ Long en,yufala imas stap long masta mo long olgeta paoa blong hem. ¹¹ Yufala imas putum ol klos blong faet blong God,from bae yufala i save go akensem ol rabis tingting we devel i stap traem blong mekem. ¹² From ol harem nogud blong yumi hemi no go agensem bodi,o blad,be igo agensem olgeta we oli stap rul ova long raet blong ol man,ol man we oli gat paoa blong lukaot long ol nara man,paoa blong tudak,mo agensem ol rabis spirit we oli stap long ol ples long heven. ¹³ Putum ol klos blong faet blong papa God,from olsem bae yumi save stanap long ol rabis dei,mo afta we yumi mekem evri samting ya,blong stanap strong oltaem. ¹⁴ Stanap strong,olsem we oli fasem yu wetem rop blong talemaot ol tru toktok raonem bel blong yu,mo olsem we yu stap karem wan samting blong lukaotem gud yu from ol gudfala fasin, ¹⁵ mo,wetem ol leg blong yufala we oli stap redi finis bae oli kam from gud nius ya blong harem gud. ¹⁶ Long evri wokbaot blong laef yumi mas karem ol samting blong lukaotem gud feit blong yumi,olsem we bae yumi save putum ol arrow we faea i laet long hem from ol man nogud. ¹⁷ Mo tekem ol tul blong lukaotem gud salvesen mo naef blong tabu spirit,we hem i tok blong God. ¹⁸ Wetem evri prea mo evri samting we yumi askem,yumi mas prea oltaem wetem spirit. ¹⁹ Mo prea from mi,blong papa God i givim ol stret toktok ya long mi taem mi openem maot blong mi.Prea se bae mi save gat wan strong tingting blong talemaot ol tru samting we istap long tok blong God we i no kam tru yet. ²⁰ Hemi from tok blong God we oli jusum mi blong stap long prisin,blong bae mi no fraet blong talemaot,ol samting we mi wantem talemaot. ²¹ Tychicus,brata mo gudfala wok man blong masta,bae mifala mekem yu save evri samting ,mo bae yu save wanem nao mi stap mekem. ²² Mi mi sendem hem i kam long yufala from wan samting nomo, blong yufala i save se mifala istap mekem wanem,mo blong mekem hat blong yufala i stap strong oltaem. ²³ Pis bae istap wetem ol brata,mo lav wetem feit we yumi gat wetem God we i papa mo wetem masta Jisas Kraes. ²⁴ Gladhat blong God istap wetem olgeta we oli lavem Masta Jisas wetem lav we inogat en blong hem.