¹ piyȩ huȩnȩmä̧ ninive ttö̧ja̧rö̧ ucuocua'a .Ja̧'hua̧nö̧ ja̧'ttö Nahum Elcosita ttöja̧ i̧sa̧rö̧ ä'cacö 'cua̧o̧pä̧cuä̧ i̧jȩpi̧nö̧ cuyäru'tä ja̧'a̧. ² TU̧RU̧HUA̧ TÖÄNÄHUA̧ Diomä ä'cuoyä̧cuä̧huä ttö inä i̧ä̧'i̧ ttö inä su̧ä̧di̧ä̧'ttö̧ ichö pärocua'attö micua jeacua jahuätörö , ja̧u̧ aboiyotö̧ ttö̧jo̧cuo̧mȩjubu päi'önä rȩbȩhua̧'a̧ i̧a̧'i̧mä̧. ³ ja̧hua̧nö̧ ja̧'a̧nä̧ TU̧RU̧HUA̧ i̧ä̧'i̧mä̧ 'ca̧po̧nä̧'tä̧ ja̧'a̧nä̧ ujurumä rö̧a̧'a̧; ja̧'hua̧nö̧ ja̧'a̧nä yautenä inä u̧cuo̧cui̧ya̧cua̧ aboiyotörö inä suronä jepocotörö inä. TU̧RU̧HUA̧MÄ̧ borepiö isoppa päi̧'cu̧nä dö'önä inä kä̧rö̧'co'önä inä, ja'huanö ja'anä isoppamä tti̧ja̧pi̧yä̧ tto̧mä̧ i̧sa̧ppȩ päi'önätä di'ina'a. ⁴ ja̧'hua̧nö̧ ja̧'a̧nä̧ joönätä jȩa̧cua̧ aje dä'ähuoto inä pa̧i̧cunä̧tä̧ ppahua'nä ja'huanötä ajehuiyä o'cajuiyönätä joächiacua'a. ja̧'hua̧ta̧'a̧nö̧ Basan rȩjȩ i̧nä̧ Carmel rȩjȩ i̧nä̧ jönämä pparöhuächometä ja'a , Libano rȩjȩ ȩ'u̧ ka̧cuä̧ja̧ i̧nä̧ jö̧nä̧mä̧ pparuhuächometä ja'a. ⁵ Muä'quiyu inä tti̧ȩpa̧'a̧nä̧'inä rȩjȩ pä̧mä̧rö̧nä̧ jö̧ i̧nä̧ dirächipa'anä rȩjȩmä̧ riö'tä riacua'a ja̧u̧tä̧ ö̧jö̧ pä̧nä̧mä̧, o'cato'iönä pijä rȩjȩnä̧ ka̧cuä̧tö̧rö̧mä̧ ⁶ Tidejättö jau i̧a̧i̧nä̧ jue'önä ijämädö'anöhua̧mä̧?tidejättö ami'quiächiö ja̧u̧ i̧a̧i̧nä̧ ujurucu öjome jeö'a̧nö̧ huamä? Ja̧u̧ i̧a̧i̧mä̧ ocurä pperecuacha'a ja'inöa̧nö̧tä̧ jȩpö̧ , ja̧'hua̧nö̧ ja̧'a̧nä̧ i̧nä̧hui̧yä̧ i̧nä̧ dirächipa'a jaunämä. ⁷ TU̧RU̧HUA̧MÄ̧ adihuä i̧sa̧, huene jö̧ mo̧ro̧ cujuruhuächiätucua pä'ö ja̧'hua̧nö̧ ja̧'a̧nä̧ ja̧u̧mä̧ jueönätä kö usätucui ja̧u̧nä̧tä̧ räcuochätucuacua'anö. ⁸ Ja̧'hua̧nö̧ ja̧'a̧nä̧ abora'a ri̧ä̧'nä̧tä̧ päi'önä jomenö be'epäjipö i̧cua̧cua̧ aboiyotörömä, yo̧'o̧mȩ jacuä ttichome jubu päi'önätä. ⁹ TU̧RU̧HUA̧RÖ̧MÄ̧ toi'jicu cuamocuädätua jä̧ttö̧? ¹⁰ ja̧'hua̧nö̧ ja̧'a̧nä̧ todärenä päi'onä jȩpö̧ icua pä'ömä usocö ja̧cua̧ aboiyotörömä! ja̧'hua̧nö̧ ja̧'a̧nä̧ i̧nä̧ so̧'ö̧ a̧ri̧tto̧ puttähuä inä tä'ämä'chäcuähuä inä jo̧nä̧mä̧ maä̧ji̧yä̧'chȩ joicö jä̧i̧'nö'a̧nö̧tä̧ ja̧cua̧'a̧. ¹¹ räcuopaja ji̧yȩtȩ huȩnȩ iyähuä i̧sä̧ BALIAL suronä jepäijömä TU̧RU̧HUA̧ DIOSRÖ pä̧tȩcuä̧ päi̧'a̧cua̧ ma̧na̧ttö̧ ¹² pä'ö TU̧RU̧HUA̧MÄ̧ : " ja̧'hua̧nö̧ ja̧'a̧nä̧ jahuätö cujurutucu bäre ujurunätä jö̧nä̧tä̧ pa̧ja̧cuä̧ bärenätä,ja̧'jhua̧nö̧ ju̧nä̧tä̧ 'toi'ina'a ; ja̧u̧ ötahuiyämä pä'äjita'anömä 'cuä'opiyacua'a.ucuttö abonänötä Juda: ja̧'hua̧nö ja̧'a̧nä̧ i̧nä̧ Ttö ucu usurä cuȩmä̧u̧nä̧ jepäjisä ja̧hua̧nö̧ jȩcha̧ja̧'a̧nä̧ usurä cuȩmä̧u̧nä̧mä̧ jȩchi̧ya̧cua̧sä̧ Ttomä täcö. ¹³ ja̧'hua̧ta̧'a̧nö̧ Ttötä 'to̧do̧pa̧cua̧sä̧ yugo isodämä ucutä' inä jitö' inä cuä'catucu̧ jo̧mȩtto̧; ttömä 'to̧do̧pa̧cua̧sä̧ ucutö curäusatucu."