¹ ይህ የንጉሥ ሰለሞን እጅግ ድንቅ መዝሙር ነው። ² ከንፈሬን ሳመኝ፡ምክንያቱም ፍቅርህ ከወይን ጠጅ ይልቅ ደስ ይለኛል። ³ የተቀባኽው ሽቶ መዓዛው እጅግ መልካም ነው። ክብርህ እጅግ ታላቅ ሲሆን፡ልክ እንደ ተቀባኽው የሽቱ መዓዛም የሚናኝ ነው። ሌሎች ቆነጃጅት በአንተ የተማረኩትም ከዚህ የተነሳ ነው። ⁴ ፍጠን፡ወደቤትህም ይዘኽኝ ሂድ። እርሱ ለእኔ እንደ ንጉሥ ነው፡ወደ መኝታ ክፍሉም አመጣኝ። በአንተ በጣም ደስ ይለኛል፡ፍቅርህ ከወይን ጠጅ ይልቅ ያስደስታል። ሌሎች ቆነጃጅት አንተን ማፍቀራቸው ትክክል ነው። ⁵ እናንት የኢየሩሳሌም ቆነጃጅት እኔ ጥቁር ነኝ፡ ይሁን እንጂ ውብ ነኝ። ጥቁረቴም እንደ ቄዳር ድንኳኖች ወይም እንደ ሰለሞን ቤተ መቅደስ ውብ መጋረጃዎች ነው። ⁶ ይሁን እንጂ ትኩር ብላችሁ አትመልከቱኝ፡ ምክንያቱም መልኬን ያጠቆረው ፀሐይ ነው። ወንድሞቼ ስለተቆጡኝ በፀሓይ በወይን ተክል ቦታዎች ውስጥ እንድሠራ አስገደዱኝ። ስለዚህ የራሴን ሰውነት መንከባከብ አልቻልኩም። ⁷ ውዴ ሆይ፡ዛሬ የበጎችህን መንጋ የምታሰማራው የት ነው? በቀትርም የት እንደምታሳርፋቸው እስቲ ንገረኝ። ይህን ማወቅ እሻለሁ፡ ምክንያቱም የጓደኞችህ መንጎች በሚሰማሩበት ስፍራ ሁሉ እንደ ሴተኛ አዳሪ አንተን ፍለጋ መንከራተቴ ተገቢ አይደለም። ሙሽራው ⁸ አንቺ ከሴቶች ሁሉ ይበልጥ እጅግ የተዋብሽ ሆይ፡ እኔን የምትፈልጊና በጎቼን ዬት እንደማሰማራ የማታውቂ ከሆነ፥የበጎቹን ዱካ ተከተዪ፡የፍየል ግልገሎችሽንም በእረኞች ድንኳን አጠገብ አሰማሪ። ⁹ ውዴ ሆይ፡ የግብጽን ንጉሥ ሠረገሎች ከሚስቡ ፈረሶች መካከል እንደ አንዲቱ ባዝራ ውብ ነሽ። ¹⁰ ጉንጮችሽ በጉትቻ አንገትሽም በዕንቁ ሐብል አጊጠዋል። ¹¹ እኔም ባለ ብር ፈርጥ የወርቅ ጉትቻ አሠራልሻለሁ። ሙሽራዪቱ ¹² ንጉሡ በድንክ አልጋው ላይ አረፍ ብሎ ሳለ፥ የሽቶዬ መዓዛ ክፍሉን ሁሉ ሞላው። ¹³ ውዴ ልክ በአንገቴ ላይ እንደታሰረ የተቋጠረ ከርቤ ሲመሽ በጡቶቼ መካከል ያርፋል። ¹⁴ ውዴ ለእኔ ከዓይንጋዲ የወይን ተክል ቦታ የመጣ የአበባ እቅፍ ነው። ሙሽራው ¹⁵ 15. ውዴ ሆይ ውብ ነሽ፡ ቁንጅናሽም እጅግ ያማረ ነው። ዓይኖችሽ እንደ ርግብ ደስ የሚሉ ናቸው። ሙሽራዪቱ ¹⁶ አንተ ውዴ ሆይ፡ እጅግ ውብ ነህ፡በጣምም ታምራለህ። በገጠር ያለው ይህ ለምለም ሣር እንደምንተኛበት አልጋ ደስ የሚል ነው። ¹⁷ የዝግባ ቅርንጫፎች ይከልሉናል፡ከላይ ያሉትም ቅርንጫፎች ልክ እንደ ጣሪያ ይሆኑልናል።