1 Sivarai momokani vada e haripiulaia bogaragimui ai na lebulebu bona hegahusi karadia dikadia na evaramu, bona ini kara dikadia na Helene taudia bogaragidiai na asie varamu-tau ta tamana adavana ida e heuda hanaimu. 2 A umui na o hekokorokumu! bema namo boma lalo-hisihisi bena una kara e karaia tauna na bogaragimui amo boma atoa tabe. 3 Ena be lau na tauani ai na dia umu ida, lau na lauma ai umui ida. Lau ese hahemaoro vada na heni vaitani una kara e karaia tauna enai, e kara lau na umui ida. 4 Bema umui na eda Lohiabada Iesu Keriso ladanai o hegogomu, bona lau na laumai umui ida, eda Lohiabada Iesu siahunai, 5 ina tau na ba heni hanai Satani enai tauanina ihamasena dainai, bena Ia laumana na Lohiabada ena dinai do baine mauri. 6 Emui heagi na dia namo. Umui asi dibamui una hatubua gauna sisina ese parao idoinai e hatubuamu a? 7 Hatubua gauna gunana ba negea oi na parao matamatana ai baola, bena oi na asi ihatubuna paraona ai baola. Badina be Keriso, ita eda Lagauhanai ariana mamoe na, boubou gauna ai e halaoa. 8 Una dainai ina aria baita moalelaia, dia hatubua gauna gunana, eiava dia hatubua gauna haheitalai dikadia bona kara dika amo, to parao asi ihatubuna gauna, maoromaoro bona momokani ai. 9 Egu revareva na tore henimui lalonai lebulebu hegahusi taudia ida na basio gaukara hebou. 10 Asi dalana ta ai lau asi nato dika taunimanima dia iboudiai ina tanobada ai, eiava mata ganigani, eiava dadidadi, eiava kaivakuku e tomadiho henidiamu taudia, hari be umui danu tanobada ena amo bo raka ohomu. 11 To ina harihari na tore henimuimu bema ta e tomamu ia na tadikaka to bema ia na lebulebu hegahusi, eiava mata ganigani, eiava kaivakuku e tomadiho henidiamu, eiava hereva dika dia e gwauraimu, eiava inu kekero, eiava daidadi taudia. Idia ida na basio gaukara hebou. Taunimanima unu hetomadia ida na basio aniani hebou. 12 Badina Lau be dahaka baine kara murimuri taudia baina hahemaoro henidia a? A umui be ina laloma taudia be basio hahemaoro henidia a? 13 To Dirava ese murimuri taudia ehahemaoro henidiamu. "Kara dika tauna na bogaragimui amo na bavatoa tabe."