¹ Naiba mo vihia mereio boti mere niro nemai, mo gei'i nou kiowari. naiba navei nou wowa koko oiti Kidia dubu mu, moro niro kemai gu oubi. ² Mo ainorobodoi Euodia, via moro ainorobodoi Syntyche mu, nou iminiri Kidia dubu mu. ³ Io mo ata katodoi roido, mo nahiaiha karaubudio mereri via kiwabai mamio bodio'oi momu nouowati mo pai mea koboro'o ito, koroudio i'i, Clement mu via nou korowati mere atai, bodio nei paina kiro buka wa airoria. ⁴ Gei nu Mowari Abea ido auwoha tau ataiha mo ainaro, gei. ⁵ Ro himia koromododidio auwoha oubi ido. Mowari Abea nou tariwai. ⁶ Korowahu biahai atana mabuwa naiba, auwoha nana nou kirodomea via karatodoi gei ramu korowaro ito oromobodoi Iehova ido. ⁷ via Iehove amea amea umoi nouro rio giopu via rio kiraromo iwaboiai Iesu gorowa . ⁸ Koropoio ito ,vihia mere,tounai nana nou naihari tounai nana imododia tounai nana nou gamori, tounai nana mowari, tounai nou nirori,tounai nana nou mea kowaduo wade goho ramuri, noupa nowowa ata gamori,via noupa nou wowa atana emabiti,kiraromowa idai nana nu. ⁹ Ro umo koiti via kemidai via korovai via kiauri mo udo,touododia nananu,Iehova amea ramu aiwai. ¹⁰ Ina mo auwoha geiri Kidia dubu ido mabu ro himia kiraromo orio koweai mori. Ro naihaiha karoromoi'i nouri moido opuito,nou roro gamoi owea biahai owabai R ¹¹ Moro aro biahai mabu mo nirori kowabai . Ina mo umo taunoiti taiba nai nai mo ido nou rorododiai dai. v12 Mo umori tonai nana tato via mo nau aibo umo tau noiti nana godo ramu i'i. Ina auwoha nawe via auwoha nana goroi mo nau aibo umo tau noiti kimopiuti idiai meava via komoria tatoi, via taiba itoi modobo via niroi oai. 3 Moro kidiairi auwoha nana nou gorowa mo pupuo kemai nouri. ¹⁴ Taiba itoi roro mo mea kowabai tau nemai mo himia pauwo nou wowa. 5 Ina rio Pilipo oubi nou nau aibori umori tounai pai mea kowahoro udo,naiba mo Meacedonia udo kotateai taui, Tana moto ata ro mo owabai biahai kema ito via kemidaito ro himia nauri. 6 Nou aibo Teselonika wa tau nowaba roro tounai kemetioduti godo aibo kowabai./v 17 Nnaiba moro eauri biahai niainia hapuwo ito.Nau mo ro nereauri iopu nouro aupai ro meai nouwoa. ¹⁸ nou mo ro tau nimidai nana modobori via ohudo komadabuwai, mo meahari-nana doihabuwo kemetiodoi tau nimidai Epaphroditus kemetiodoi nei nou nahiaiha-mea aroma nibori, kemai keremidai via Iohova mea ito adiri. ¹⁹ tounai ro niro nai mo Urio Abea nou ro ro airodomoia dai naiba naiba nanai noito Iesu nohimia moari nouwa. ²⁰ Doihabuo Ioheva nou imo abea ido auwoha tau via auwoha tau ainai wabai. Amen. ²³ Iesu nohimia moari enaenai aiwa ai rio himia urio naunau wa Amen.