1 Anegu koita iahu be ga berebe gahima. Eduge ama koita iahu e mi ai mame kisa. Ata isage mi ai ogonunehea kisa, 2 magi iahu mi ai neine kisa, mati mayago isage mi ai amakine kisa, uhu mage ruta. 3 Gobu magegahigeisa, gobu riaga ya. 4 Eduge gobu eya gamuhe se vahiruhea iabamu iau iage uhurahe mage kisa. Iauma iau iahuhea magegahigeisa, ora maguri mage vara Rohi Bauge uhurahe. 5 Eduge magi unuhuna gobu riaga, auma au gabidadama ve mati imimive kisa Rohi Bauge gasina vani mati vahi inuahati. 6 Eduge magi orena ni muduka kima auka subuta hogeraganu. 7 Ama ga o boriti gageisa, ge iauma mage misa. 8 Koita bena iau ogonanuhe mage gahigeige veite ge, auka au gabidadama daure gahanu mati auka koita daure riaga vara. 9 Magi be au tau e utu agorokiva soiganu auka bina gobura, mobo kobabe magi vara. 10 Auma maguri mage kisa, maguri emu au gamuhea mage gahigeisa, o mage kisa koita nune iau gasina, o Rohi Bauge koitatuhea iau vase hetoisa, se daure koita mage gahigeisa, se bina mage kisa. 11 Eduge magi isage gobu gahare, ianegu au ihe idigeima. Iaunegu iau ahatane gahara karava kima beta Keriso gahara karava kima, eige aunegu mobo be misa. 12 Iau ahatane gahare raki au maguri ve sebogima. 13 E dainehe maguri o raki kiogevege iauki me veite mati yaga be yaga be otima. Iau me veite uhurahe, iauka mati ga nunenune roma mati koita be iau megeve ura, mati beta roro ga roma. 14 Eige daka gahara vima magi isage iauka mobote visa, iauma momona misa, mati iauma iau yage mage gahisa, ge koita daure negu no daure gahi geima. 15 Koita be iaberamu subuta bina koita daure itahe oginu. 16 Magi mage be ia gobu tege, iauma mage gahigiesa, Dubu na mage goisa mati gobu riaga hero mohi geisa. 17 Ogo koita bauge mage uhurahe uiege, iauma mage abu misa, koita bauge ramu ga riaga mati uhuvaka riaga uhurahe usa. 18 Ga ra onaki ronu, " A negu bolokau avagehe dabua me maema au damaka iare uhurahe" Me koita tage auka au me maka mimivara. 19 A negu koita bauge be gasina ga nune be roma, a ga nune be au gasina roege, koita abu se abiga mu ga riaga gahisa. 20 Ama daure kiare koita vaia guma mageva kirogeisa, ge daure kiare koita vaia tagemu sigoisa. 21 Dakamu ia kiro geiam, Rohi Bauge mati Keriso Iesu mati aneru, iama ga o mage gahi geisa mati riaga gahi geisa. 22 Ia negu iai ade koita adahe maemina. A negu koita daure vaia iau daureve uhurahe usa. Ama ga riaga va usa. 23 A negu bina eiya nogumai. Eduge ama gadiki kerega e tinabe misa ai vagatane mati ai komata dainehe. 24 Koita be iau daure vera gagae vera, daure e raki koita e mi Rohi Bauge ho uhurahe au maemina. Daure be iabera mati itahe orogima. 25 Eduge mage beia tage gagae vera, mage be ia tage mati unihu guma vara berebe vara.