Firu Kea 2

1 Arave mereseija,ara ma o e tei uja ai ipi e'e mai ekapo nevei neiti.Na ouja karu aei mai ekapo neiti tija,ira noki neiti ro oa Ualare,Iesu Keriso,are hiki ovava. 2 Areva irove kaiae ve ovava,ae irove hiki kao,na mearovaeka foromai vei. 3 Mara vei erei ore neiti ae erei joti arero ore noi,erei areve safu kiva neiti. 4 A neija meope,"ara Ualare ro ore,"na areve safu kiva neiti ouje,nara are okaka,aeta Ualare ve na safu o oije areve irive haroka. 5 Na areve na safu o kiva neivija na karu,areve irive Ualare ve haikakare oije kofa.navei erei ore neiti erei areve irive. 6 Neija meove are Ualare irive-are va Ualare meope na moehau a me'ei. 7 Haikakare, arava e tei safu are ro uja jai kao,na oropa ve na safua are heie kofa ovope noeare.A avapope na o areva oropa safu. 8 Ara ouja safu are ro uja e tei itapi ariti,noi oije areve irive aeta eve irive,ipi na murumuru are ka ou neive,aeta na oije ve ovava are foreri ka neipe. 9 A neija ne meove ara ovava ve irive mea ae na toarapo mokeai haiarara neive na karu are murumuru meme ta soa moeare. 10 A neija ave toarapo mokeai haikakare kofa neive na karu ava ovava irive mea ae na irive ave saresare ve meai makuri ekapo ae nevei avai Ualare irive. 11 Na a neija ave toarapo mokeai haiarara neive na karu ava murumuru ve ae ava murumuru irive mea.Ava ore ka nerove ava ouve,ipi na murumuru ave ofae ro noi foromai toeri. 12 Ara ma o e tei uja ouve,orove haikakare mereseija,ipi eve kaiae foromai safuruapi ka noroi ae Iesu Keriso nare vei. 13 Ara ma o e tei uja ouve,oauja,ipi aore neija are na opa soa ve irive. 14 Ara evei ujope,oauja,ipi e ore arero opa soa ve irive.Ara e tei orove karoro ijope,karu are firu,ipi e nofo,aeta Ualare ve o eve irive iaea,ae eva tiaporo ro sapatae ka noroi. 15 Mearovaeka ro haikakare nevei neiti ae etou foromaiapo mearovaeka ve ta noeare.A neija mearovaeka ro haikakare leivija na karu,oa Ualare ve haikakare areve irive haro ka. 16 Mearovaeka irive iaea vija na etou foromai-horori mai fasei iaea,sarava aeta ofae ve irive,aeta mavorava makuri ve-are oa Ualare ve ka na are mearovaeka ve tai ve. 17 Mearovaeka ae areve na ekapo ere ka ou neive.Na a neija Ualare ve na tivi neivija na karu ava ou me'ei. 18 Mere kaekae,mara are soa tao koru kahera.Okaka Ualare joti o a avapo vija noeare,Maisa na okaka Ualare nojoti.Maisoka o aeta moehau ve tai ve erei ore leiti sare hoe kaloi. 19 Ere irairove ve forerope,na ere irairove ka.Ipi ere irairove neiti tija ere irairoi mara neiti tija.Na ere moe neipe irive,Are noi pisi noi ere ereirove tai ve kao. 20 Na eva makuri are ovi Iesu Keriso ve sosoru sosoru ve,aeta e foromaiapo oije ro ore noi. 21 Ara e tei o uja ai aepe ipi e oije oreka,na ipi e orei ae ipi okaka are oije ve irive iaei ouje. 22 Neija are okaka na a neija hovueope na Iesu are Keriso?Na mija are okaka Ualare,noi are okaka havueope oa Ualare ro aeta atuje Iesu Keriso. 23 Karu ae atuje ro okaka havuei ka oa ro ta noeare.Karu ae neija haimeta o atuje ro meai tija oa ro ta noeare. 24 Eve tai ve,houjepi a na eropa ava pope o are ave hairi ve pe'ei.Ipi a eropa ava pope na o ave hairi pe'ei tija,a atuje Iesu Keriso ve irive aeta a oa Ualare ve irive. 25 Marava areve otoare are ereiraro ovi rope:pe'eita makuri. 26 Ara ma o foromaiapo e tei uja oupe ero oiovi herori herori ariti na karu vei. 27 Eve tai ve, areve ovope na makuri are eve hairi ve ne iaea,aeta karu nevei ae aro satiriorei.Na areve makuri are ve o satiriorei aro etou foromai aeta are oije aeta are okaka kao,aeta na o aro satiriorope moe hau a areve irive pea. 28 Maisa, haikakare mere seija,areve irive pe'ei.navei are forere'ei soa,erei seo oujei aeta moe movoriti oujei areve eropove areve na joti soa. 29 A ore areva maihouja ve mere,a ore na karu foromai neija maihouja meove areva makuri are ovope Iesu Keriso ve.