Chapter 1

1 Ihikari be te -amo dago ingimahera,tihi na kogumahera,ingeni na hamo umahera - amo Bada ta ke wasiri ra. 2 Eto,wasiri amo ari kiari ra, eto dago amo kiari ra,dago daroho irari ta ke awo ungota degi erera.Ke amo mama ga miha,amo dago ta degi ari kiari ra. 3 Dago kogu mahera eto ingimahera awo ungo ingova erera,eto awo ungo horukari dago earora ai horavo ungote wahita ara ije ere ra.Dago ta horukari amo Mama uhu ta amite tohota meni Iesu Keriso amiga earo ra. 4 Dago ta hahari ungo hena ikihera amo dago ta osa ari avo tutumo aisi. 5 Duru re erevi tohota pe ta ingari,raravo ahembeto ungota degi erera:Mama God amo usasa,eto amita degi ta amo mume irae ra. 6 Ungote einge aisora,dago amiga horukihera amo dago ta namei ra.Ainge ije ehako mume ta ahi ereora,ungotena amo ke sokova ije ke be awo ae ere ora. 7 Ungote ahi amo usasa ta wahai Mama God amo usasa ta miha ainge,horuketo osa te hondeta mine ara ue,Bada Iesu tohota meni amita sasaga na ungotenau sasapura awo egai. 8 Ungote!na sapura irae ainge erera,amo ke sokova erera,ke be amo ungote na ga irae ra. 9 Te ungote sapura araha ta erera,amo hotembeto toasuja wahai amo tunga umbari eto jo ari embo ra 10 Ungote einge aisora,na sapura mane aegona,amo ehere sokova embo ainge eaguja,eto tohota ke amo ungotenau jo ta irae ra.