Tane 1

1 Jud, Iesu ta pure ari embo, Jems ta namei sivari evi Mamo da avikari embo mei amida dei ikitora. 2 Iesu ta joari peka eto tunga humbari ingota jota pajiroi. 3 Eto kejie ove ari erevi ingota ikitona, ove erevi ingota onje pagari ke ainge arawo ano ingota kebe ari Iesu ta dei arawo be awo ongai. 4 Embo Iesu kiae embo na ingota jota puta kesokowa, jie eto aro Mamo da jai ara toto munenengaisoa. 5 Eto na ke erevi mandu atete ano ingo ingoa enena eto Iesu na Jiu embo mei hanja Ijipt ai mindere umboto iji kitia ate eako ingota ke jindari toho ai eto totei aote ta sasari uera. 6 Tawo ainge nombo, ututa Anera ototohu Mamo da anumba jo ta mindiatera awo ingota ke jindari ta mindiatera awo ingota ke jindari ta iketei Pusu ei bouwera ingota hasari simba ue mindera. 7 Emone teta Sodom Gomora embo mei na biro pekamba eto tita paita eto ari basiri sasamia nembo be arauso ore Iesu na ji itetei be to, eveketei sasari uera. Kariwa amone embo dainge eto ji ta beasora iji tutumonda. 8 Eto pure tawo ainge arawo oroho embo eture ari embo meina ingota ando awo usi besi ora. Aige ue eto Iesu ta pure ari embo mei dajawota ke sasami a erera. 9 Eto Mikel Ututa Titijari embo amina engeka ari embo te Mosis ta tamo arawo orite embo aminde ke samia ae bera. Ate ke jai ainge awo jiga "Iesu na Imo temonda ikitua." 10 Embo mei emina ke sasamia neide kainde erera teta ohu manena titipe kiae pure neinde kainde eora aingeora. 11 Bouka, embo mei ainge aminda deita, ingo Cain da embere ainge paora eto Balam da puria ange ite ara ora. eto Kora ta ijite sasari uera. 12 Embo mei emone teta Sakara na ewa tuta iriua ainge ingota jo ai onjiketo mindera. Eto embo ainge amone ungota ujeje arawo pere eora. Teta horoga, utu ta pisi pisara te ga irae konjeua ainge eto be irae teta Gaeko ji aigera.Pesasa irae eto mandu amburarira. 13 Teta ewa jawata ainge. Teta tumbate , tamana oroga jota isaga sanimbae eua ainge. 14 Eto embo Inok, Adam da ambota amina tota kebe ari ai teture jia, "Embo Iesu ututa tota anera otototou aminde beto putora." Embo ari sasamia eora embo mei arawo hasasia. 15 Iesu embo hasasi putua. Embo perari ta basiri jaisamia ara hasasia. Embo amina toto dei ke samia jiera amone asari ta beasia. 16 Kase ari embo parmone eto ke teotao eto basiri akasasamia ari embo mei awo hasari ta ijekaisora. 17 Eto ingo nongota tunga humbari embo mei awo ke do iji manduta Iesu ta pure embo mei na ate ikitera awo hotembevuyo. 18 Pure embo mei na jiera iji angove ururou, Embo ke be arawo eto unumbari embo purisora eto ingota ujeje arawo aisora. 19 Embo amone Iesu ta embo humbuto kausokauso eora eto asisi jai ingota dei iraera. 20 Awarate ingo, Iesu ta tunga humbari embo mei, ke be ari ingota awo Iessu ta ke otou ai ikewuyo. Koropa eto heteto pari nembobe ewuyo. 21 Eto ingota ikari kambari Iesu te awo be ewuyo koropa ai eto tota joari amina au ingana haujekari hubare. 22 No joari awo manamana ari embota dei iroi. 23 Embo embere samia da beasi paora awo toto humbavuyo overekare hotembeto toyo. Basiri timbo jota awo be towuyo pambai. 24 Embo tauo be amina ingo beasi urowo jigou bitisoa eto tota tombuta au ingo embo jajai aige hetasowa. 25 Bada Iesu ungotena Orekari embo tawobe aminda jawota, anumba usassate koropa isapaete, kitibe midia, oroho irisia eto Nandoho irisia aminda jawota. Awara.